العمر مع جنابك و العمر معك ما امله

" البارت الـ 32 "

صباح الخـير اعتذر على التأخيـر لكنكم تبغو بارت طويل عشان كذا لازم اطول شوي فـ التنـزيل ، و هاذا بارت طويل يا نجوم ، قرأه مُمتعه 🌷💗💗
—

البارت الـ ٣١ ⬇️⬇️

' ليله من أبهى الليالي ، لكـن الزين ما يكمل '
'
فرنسـا ، كـان ' بعد مُنتصف اللـيل

كان يتقلب على فراشه ولا جاه النوم يتذكر تمايلها اليوم معاه تأفف و هو يقوم يعتدل بجلسته والتفت من سمع صوت الاغاني جاي من غرفتها يوقف يتوجه لها وهو متردد ما يبـي يزعجها لكـنه طفش من القعده لحاله قرب من الباب ودقه اكثر مِـن مره لكـن يبدو أنها ماهي حوله فتح الباب وتكى عليه يتأملها كانت متربعه ع الارض وفارشه سُفره وعليها خرز انواع و اشكال و عجينه تشكيل و الوان و يدها ملطخه ورافعه شعرها كعكه وحاطه بـوسطه قلم الايـباد اللي قدامها مشغله فيه اغاني والسماعه بجنبه ينتشر صوت الاغنيه أبتسـم مِن رفعت يدهـا تحركها وترقص تغني بصوت عالي : لاا يـجمعنا لا موعـد ولا فرحـه ولا احلام لا يمـكن فـي يوم إنـّا نتلاقـى مع الايـام لكـن ذا قـدر عمـري احـبك ليه انـا مـدري
نـزل راسه يبتسم بحزن لأن الكلمات كانت تمثل حالهم هو ما يقـدر يتخطى الحدود اللي هو بناها هو اعطـاها وعـد ولا يُمكـن يكسـره ، تنهد بضيق وابتسم مِـن ناظرته بخجل تقفل السماعه ينطق بيتسامه : ليش طفيتيها ؟
حكت جبهتها تتطبع بقايا العجينه فيها : مِن متى وانتَ هِنا ما شُفتك !
هذال : دقيت الباب بس شكلك ما سمعتيه
عضت شفتها : ليش ما نمت ؟ ازعجتك بـ السماعه ؟
هز راسه بالنفي : لا بس ما جاني نوم وش تسوين ؟
ابتسمت بواسع ثغرها : امم بابا ما قالك عن مواهبي ؟
هز راسه بالنفي يقرب منها وهو يجلس قدامها ورفعت الصندوق اللي جنبها تمده عليه ناظرها معقد حواجبه
سُهاد ببتسامه : افتحه
فتحه يتأمل الاغراض اللي فيه كانت اشكال فنيه و ميداليات و تعليقات للجوال اساور و اشياء كثير ما فهمها : من وين اشتريتيها ؟
ضحكت تناظره : هاذي انا سويتها
رفع راسه يناظرها بذهول تهز راسها بالموافقه : من مواهبي اللي ما يعرفها الا اهلي و جودي و ماما خوخه اني اعشق الأعمال الفنيه واشغل نفسي فيها استمتع فيها و جداً
نزل نظره لـ الصندوق وضحك من شاف ميداليه على شكل سوبر مان تضحك هي ياخذها بيده : ذي تصادرت
هزت راسها بالموافقه تضحك : سويتها وقت كان عمري ١٩ ولمن شُفتها كنت بعطيك هيا بس نسيت كويس انك شُفتها حطها بـ مفتاحك
هز راسه بالموافقه تنطق هي : تسوي ؟
تنحنح يشتت نظره : ما اعرف للحركات ذي
سُهاد : بعلمك بس اول شيء لازم الجو يناسبنا
عقد حواجبه و وقفت تنفض ملابسها اللي كانت عباره عن شورت رياضي ازرق وتيشيرت ابيض الى نُص بطنها و تتوجه لـ الركُن حقها هي تاخذ منه كوب وترجع تجلس قدامه تصبله شاهي وابتسم هذال ياخذه منها تفتح صوت ابو نوره يصدح بـ الغرفه وتبدا تعلمه وش يسوي
وفي نص شرحها هو رفع يده على جبهتها يمسح بقايا العجينه منه و ابتسمت بخجل تكمل كلامها تتجاهل الخجل
—