روايـةعـشـق الـكـرار واجــرام

البارت الثالث عشر

دخلت للصف وانطو النه تحضير على باچر خلص الدوام ورجعت للبيت مزاجي يخبلل بس شنو ضايجة لأنُ مالگيت أستاذ الكرار كل شوية اروح أگمز على الچرباية اتغديت ونمت وبليل گعدت أقره خلصت ساعة 8 بليل لأنُ من هذا الوقت الـ 12 بليل أحنه نشوف مسلسلات ومانگدر ثانية نعوفهم صارت ساعة 12ص ورحت حضرت ملابسي ورتبت نفسي ونمت فرحانة وأستاذ الكرار أول ما أخلي رأسي على المخدة يجي ابالي اكثر من قبل يززيد التفكير ابقى اضرب براسي وميطلع من تفكيري وأرجع أخذ نفس عميق وأگول يربي هسه شكو يجي أبالي تعبت أريد أنام ياربي طلعة من راسي مو متت أنتهيت كل ما أصفن راسي ينفجر من التفكير وأبقى مبتسمة التفكير كلشش يتعبني لأنُ بأستمرار أفكر بأستاذ الكرار نمت وگعدت الصبح ساعة 6ص عبالك منبه هز جسمي رأساً فتحت عيني باوعت على السگف اجة ابالي أستاذ الكرار دگات گلبي اتسارعو وابتسمت بدون سبب أومأت راسي على چتفي بحنان وگمت بدلت رتبت نفسي وگعدت علي وأيلين تصيح.
- أيـلـيـن : يربييي ياللهي هاي شنو يگعدها بهيچ ساعة أنوب قبل المنبة ولچ أنتِ جنية .
- ولچ بدلي ورتبي هاي الكهرباء الطاگة براسچ ههه هسه كافي ، اتذكرت جنية اني صدگ ههه .
- أجـرام : بدلو اخواني وطلعنا المدرسة الهوه يخبل امشي ولازمة ايد علي عبالك ماكو هم بروحي أباوع فوگ اشوف السماء شگد حلوَ وأخذ نفس عمييق وأبتسم ، وصلنا للمدرسة بعدهم مداخلين وداگ الجرس وآني وصديقتي دعاء بقينا نفتر بالساحة بس أني ولا يمها اعيوني تدور على أستاذ الكرار ، دگ الجرس وبدأ الدرس الأول وآني ما شفت أستاذ الكرار الدمعة بعيني روحي تريد تطلع ، خلصو الدروس ألاولى وصارت فرصة رحت الأستاذ الكرار بدون تفكير او استثناء رجلي تاخذني على المكان ألي هوَ بي ، رحت وهوَ وأگف بالباب وحجيت مبتسمة وعيونه بعيوني .
- هلاو أستاذ
- هلاوو أجرام ؟
- بأبتسامة وفشلانة، أستاذ شسمة أيلين شلونها بالأنگليزي ؟، جاوبني مقلص عيونة ويضحك .
- احمم وأنتِ من شوكت تسألين على أيلين ؟
- ها مو مامة گالتلي أسألي عليها .
- هاااا ، أيلين والله مو زينة حيل .
- هوَ يحچي وأني ولا يم الموضوع عيوني بعيونة، اخاف يخلص الموضوع وبعد منين اطلع شي أحجي بي أنوب وبعد ما أتحجج وأجي احچي ويا ، خلص أستاذ الكرار شرح مستوى أيلين وأني ساكتة وبس اباوع بعيونة ولا حرف أحچي فزيت على نفسي وگلبي يدگ سريع وحچيت بسرعة أستاذ ان شاء الله يتحسن مستواها وأگول المامه ، هوَ مبتسم ميجاوب عيونه بعيووني وگال.
- اي شي تحاجين ملخصات او حل او أي شي ألچ راسليني تمام .
- ابتسمت وحجيت ، تمام شكراً أستاذ
- رحت وبعدني اباوع أله صديت امشي على الساحة متقيدة وايديه منزلتهم حيل وعاصرتهم من الخجل لأنُ يباوع ورايي . رحت الدعاء وگالت ،
- هااي وينن چنتي أجررام تدرين گلبت عليچ المدرسة ومالگيتچ هاي وين مختفية هاا؟
- هاا مو شسمة چنت أسأل على أيلين .
- وين تسألين ومن شوكت مهتمة بيها عيني ؟
- أبستمت متقيدة وحچيت ، يم أستاذ الكرار مامه گالتلي .
- ممم ديلا يلا أمشي .
- يلا هههه .
بقينا نفتر دگ الجرس ودخلنا للصفوف ، خلص الدوام ورجعت للبيت تعبانة حيلل قريت وخلصت ونفس كل يوم گعدت الصبح ورحت للمدرسة ، صارت فرصة وأجتي دعاء گالت .
- أجيتچ أني خاف هم تنهزمين .
- ههه لا ما أنهزم وحضنتها .
- دنمشي وحچيت بتردد ، دعاء ؟
- هاا !
- أحمم هذا أريد اروح الأستاذ الرياضيات أسألة على شي بس أستحي تگدرين بحجت تروحين أنتِ تسألين أستاذ الكرار على اي شي المهم اروح وياچ وأشوف أبو الرياضيات هناك واسألة .
- اوكفي بلا على شنو أسألة امم؟
- باعي اي شي يجي أبالچ بس بسرعة ؟
- هاي شبيچ مستعجلة خلي ألحگ افكر عااد .
- ههه يلا عيني فكري .
- لگيتها شوفي شلون ذكية اني هههاي .
- دنچبي منين اجيتي ذكية ههه .
- لعد والله ما اروح يلا خلي انشوف الجرئة العندچ تروحين وحدچ .
- ها لا تعاي وياي حبابه أنتِ أذكى وحدة بالعالم والله وتخبلين امحح .
- هههه ديلا أمشي .
- راحت دعاء وأني وياها وحدة لأزمة ايد الثانية ، دعاء اوگفي شهل جرائة تمشين هيچ عيب .
- هههه ولچ هوَ شكو دمشي .
- وصلنا وچان تگولي راح أصيح أستاذ الكرار أو وراها أنتِ صيحي ألأستاذ ابو الرياضيات ، صاحت أستاذ الكرار وهيَ لازمة ايدي باوع عليه وابستم وعليها وگال .
- ها دعاء .
- أستاذ ................................
- أجـرام : دعاء تحچي وهوَ عينة بعيني يجاوبها وعينه علية حتى ماباوع عليها خلصت دعاء الحجة الي طلعناها وبقى صافن عليه ولاحرف يحچي حچت دعاء .
- يلا أجرام خلي نروح .
- ها أي يلا ، بقيت اباوعلة جاي نمشي ودعاء ضربتني وگالت.
- هاي شنوو ليش مارحتي الأستاذ الرياضيات مالتچ هاا؟
- صدگ اي يلاا عادي عوفي من يجي علينا للصف أسألة .
- لااا والله تدرين أنتِ صارلي ساعة أطول بالحچي ويا أستاذ الكرار وأنتظرچ تروحين وما رحتي .
- هههه مو أستحي اصيحلة وحدي هههه .
- أمداچ خلي يفيدچ المستحه هههه .
طبعاً يفيدني ههه .
- بلا بشنو ست أجرام ؟
- راح أستحي وما أضربچ راح أستحي وما أغلط وأفـ.....ر عليچ راح أستحي وما كل ما تسوين حركة أگولها ألأمچ ههههههاي.
- لااااااااا والله هيَ هاي روحي گولي الأمي وأذا على الغلط شكو تستحين تغلطين علية عادي خيه هههه
- هههه يعني عادي ؟ خوشش ، أوگفي بس خيه شنو خوخ يعني لو لهجتچ تختلف لو شنو ؟
- هههههههههههههه خرب يومچ أجرام هاي شنو أنتِ والله موتيني ضحك ههههههه ولچ يعني أختي معقولة متعرفيها .
- أي والله شنو معرفني بهيج كلمات هوَ اني موزين مدبرة هذا الحچي مالتي هههههههههههه ، لعد إذا أختي ليش تگولين خيه هاي منين جبتيهاا ؟ هههههه.
- عززة بعينچ ولچ أنتِ تره چبيرة لازم تعرفين كلشي مو هيچ ، باعي هوَ اكو ناس يگولون هيچ وأكو ناس يگولون أختي ، بس ذولة العرب يگولون هيچ ههههههههه .
- هااااااا ، زين هاي الكلمة مال همج طلعت أنتِ شكو تگوليها ؟ هههههههه
- دنچبي منين سويتيها مال همج كافي راح أتخليني افصخ الكلمة يلاا عووود تفهميها هههههه .
- ههههه .
- أجـرام امشي بالطريق وأگول بگلبي ههه والله يادعاء لو تدرين السالفة كلها جذب بس ماعندي حجة اروح أحجي بيها ويا حتى اشوفة ههه ، دخلت للصف ومعلمة ألأنگليزي گالت باجر عدكم أمتحان شهر ثاني وبدت تحدد ألنا التمارين والأشياء المهمة هيَ تحچي وأني طاگة روحي وأحچي بگلبي هسة لو أستاذ الكرار يدرسنا شگد أكرها يربي عود هيَ ماخذة الدور مالته شنو تحس بلا عود هيَ معلمة وراح تحبها كلنا والله يألله هههه ، خلص الدوام ورجعت للبيت الدنيا العصر والجو حلو دخلت للبيت بدلت ملابسي وتغديت وأهلي كلهم نامو رحت للغرفة بقيت أني لازمة تلفون مامه بي التليگرام مالتي لأنُ أني ماعندي تلفون بعمري چنت أتمنى يصير عندي بس بابه ميقبل أبد وحتى گدامة ما ألزمة كل ما أشوفة أفزز أموتت من القلق (رعبب) ، من چنت طفلة عمري 7 سنوات أتمنى مثل باقي الأطفال يصير عندي ايباد أتمنى وچان بابه كل ما يشوفني لازمة التلفون يموتني كتل بكل قوة عندة وياخذ التلفون مني چنت اتوسل ابـ مامه من يطلع ألزمة أشوف كارتون ساندريلا أموت عليه مرات يدخل للبيت بدون ما ادري يموتني كتل لأنُ لازمته ومامه تگوله .
– نـريـمـان :  أدريس تره ميصير بعدها طفلة متعرف حتى للتليفون بس تشوف كارتون على اليوتيوب والله .
– أسكتي أنتِ لا تگ.....يلها ....،......،......،
– أجـرام : چنت اشبع بچي بالغرفة اروح وأگول ليش بس أني ليش بابه كلشي ميقبل يشتري ألي مثل باقي البنات ألي بگدي رغم بابه چان أغنى من أبوهم بس مستحيل فد يوم يفرحني بأسط أمنية هيَ الأيباد ، على أي حركة غلط يموتني تموت چنت أخاف من كلشي حتى شخصيتي ضعيفة ودائماً على أي كلمة أبچي ،،، دخلت على التليگرام كتبت بجهات الأتصال أستاذ الكرار الكعبي اني هيچ كاتبة علية لأنُ عندي من زمان ، دخلت اريد اكتب أله بقيت ساعة ونص أني اكتب وأحذف أكتب وأحذف لو أرجع ابقى صافنة على صورته ودگاتت گلبي أسمعها بأذني بسرعة أخرج منها أخاف ماعرف ليش تجيني خوفة بدون تفكير بالأخير بعد معاناة كتبت .
–هلاو أستاذ ، وضميت التليفون جوة المخدة وكلبي طلع من مكانة من الخوف مادري الخجل ، طلعت على كيفي وباوعت كاتب هلاو منو ضربت التلفون بالجرباية حيلل يربي جاووب جاوبب بسم الله أجرام صيري قوية ولچ وضربت نفسي راجدي حتى اصح
– هلاو منو؟
– أجـرام  .
– هلاوو أجرام شلونچ ؟؟
_ هلواتت أستاذ زينة ، وأنتَ
– زين .
– عندچ شي ؟
– من كتب زين بسس حچيت بگلبي هذا شگد حدي بالكلام دگول أني زين الحمدلله گول صخام هاي اكثر شغلة تضوجني من أحجي ويا .
– اي أستاذ اليوم عندي امتحان أنگليزي .
– اي شنو عندچ ؟ دزيلي .
– أستاذ عندي تمرينات ما أعرف أحلهم ومفاهمتهم  عادي تحلهم وتشرحلي ؟
– اي عادي .
– دزيهم .
– هسه .
– بس هذولة ؟
– أي .
– تمام أنتظريني .
– نعم أستاذ .
– أجرام حليتهم وهسة خلي اشرحهم ألچ .
– شكراً أستاذ .
– شوفي أجرام ......................... تمام .
– اي أستاذ .
– أفتهمتي ؟
– أي أستاذ حفظتهم .
– ما اريدچ تحفظين أريدج تفهمين 😤
– من دزلي هذا ألأيموجي متت ضحككك هههه ، جاوبته .
– اي هوَ أقصد فهمت ههههه .
– اي مو عبالي هههه .
– شكراً أستاذ تعبتك .
–  العفوا لا عادي .
– طلعت من المحادثة شويه وچان يدز رسالة دخلت كاتب .
– أكو ملخصات أنگليزي تفيدچ بالأمتحان أدزهم ؟
– أتفاجأت وآني مبتسمة رديت مستحية ، دز
– دزهم وشفتهم وگتله .
شكراً أستاذ .
– العفوا 😘.
– من دز هذا الأيموجيي متت حتى الحايط بوسته وأگمز بس بنفس الوقت مستحية رديت أني هم بأيموجي  😘
– باي .
–  بايات أستاذ .
– گعدت اقره وكعد بابه صاحني گال.
– أريد مي شنو دتسوين؟
– جاي أقره بالغرفة وتدري بابه راسلت أستاذ الكرار هم .
– ليش على شنو مراسلته؟ .
– هوَ گال أني اي شي متفهمينه أشرحه ألچ ودزلي تلخيصات تفيدني بالأمتحان لأنُ هوَ چان يدرس سادس بابه .
– اي خوش لعد .
– گعدت مامه وگالت .
– يعني دزلچ الأسئلة ؟
– لاا مامه دزلي تلخيصات ومرشحات وشرحلي هم ألي ما أعرفة .
– هاا خوش بلكي عاد تنجحين .
– باوعتلها بأنتقاد وحجيت بگلبي عود ليش عاد .
سوت العشة مامه وأحنا رتبنا شوية تعشية وگعدنا نشوف مسلسل رامو لأنُ لكل يحبها رامو چان ينطي شبه الأستاذ الكرار همه يشوفون طبيعي المسلسل  وأني رايحة بغير عالم واتبسم ومايعة هههه وجان طلعت لقطة وبابه گال تدرون حبيبة رامو سيبيل تشبة أجرام ههه .
– نـريـمـان : اي والله بهاي القطة حيل هوَ من زمان اريد أحجي ههه .
– اني ساكتة مابية حيل اجاوبهم واسوي رياكشن الخجلانة لأنُ تفكيري تعبان ، وره ما خلصت المسلسل رحت حضرت ملابسي ورتبت شوية وحجيت ويه نفسي بالمراية واتلمس اعيوني وأكول يعني معقولة هذولة عيوني جانو بعيونه أضل أتلمس بعيوني وآني احس بشعور غريب ما اعرف اشتياق ماعرف هوَ شنو بس أتعب إذا ابتعد مني لو ثانية ، رحت نمت وأول ما خليت راسي على المخدة اوفف هم أستاذ الكرار بعد صراعات تفكير يدوم 4/5 ساعات عود أنام بدون ما ادري بروحي بس حتى لو أنام متأخر جسمي وعقلي متنبة الساعة 6 اني أگعد وأول ما أگعد عقلي وأگف بس كدامي أستاذ الكرار بدلت ورتبت ورحت للمدرسة يتبع .................... البارت الرابع عشر