صباح الورد والياسمين
يارب تكونوا بخير
بعتذر عن تأجيل الفصل ، بنتي تعبانة والله ومحجوزة بالمستشفى، دعواتكم بالشفاء العاجل وأن شاء الله وقت ما اطمن على بنتي هنزلكم الفصل
عارفة تقلت عليكم بأعذاري بس والله غصب عني أنا مش من النوع اللي بيعتذر كتير الا في الضرورة القصوى
وخدوا دي تسريبة
👇👇👇
أجابته بعبث
-عايزة اقعد في حضنك، مستكتر عليا حضنك شوية..ثبت نظراته عليها لبعض اللحظات ثم أردف:
-وبعد ماتقعدي شوية في حضني هيحصل ايه، هنفضل طول اليوم في تبادل الأحضان، ميرال عندي شغل، فوقي مش عايز اي حاجة تأثر عليكي،
-دا كله علشان قولت لك عايزة افضل في حضنك ياإلياس، علشان محتاجك
زفر بحنق ووضع كفيه بخصره
-خلاص اقعد دادة لسيادتك، ولا اقولك نحكي حواديت ايه رأيك
طالعته بتذمر قائلة:
-لو رديت زي اي راجل بيحب مراته هيدفعوك ضريبة مثلا،
رفع حاجبه واجابها بتخابث
-الراجل اللي بيحب ياميرال، هبت معتدلة بمقابلته واشارت ملوحة بيديها متمتمة
-متستفزنيش ياإلياس، انت بتقلب بسرعة ليه،حرام تقعد ساعتين حبيب من غير ماتقلب لبرودك دا يااخي، نفسي تسلفني منهم شوية
زوى مابين حاجبيه، مستنكرًا حديثها:
-تقصديني بكلامك دا ولا حد تاني
جزت على أسنانها متراجعة تستند على سريرها تهمس لنفسها
-يالهوي لو ابنه طلع ببروده، هيدخلوني مستشفى المجانين، يارب مايطلع زيه يارب، انا غلبانة عليهم
دنى يتنصت على حديثها، ثم وضع كفيه على جبينها
-إنتِ سخنة، صح هعتبر دا هلوسة حمى ...أغمضت عيناها حتى لا تطبق على عنقه
-امشي من قدامي، اطلع برة وسبني بدل مااقلب عليك
توقف قائلًا:
-أنا هطلع بس مش علشان المجنونة طلبت علشان لو قعدت هزعل وانا زعلي وحش
رفعت إحدى حاجبيها ساخرة
-تزعل، هو انت بتفرح اصلًا، نفسي تضحك، أشارت على بطنها
-حبيبي في هنا بيبي، وانت أبوه اضحك شوية الولد هينزل يشتمنا
أنت تقرأ
شظايا قلوب محترقة
Mystery / Thrillerهو المغرور نصف وزنه كبرياء والنصف الآخر قصة لايفهمها العقول الصغيره،بحر متلاطم من الأفكار لا يبحر فيه السطحيون ، متمرد ولا يعجبه شى ،.بل متفرد مختلف لايرضيه اى ذوووق هي المزاجيّه المحكوم عليها بالفهم الخاطئ دوماً ، المتهمه بالغرور ، تداوي نفسها ذا...
