تخيلوا معي انه يروى عن قصه في رمشه عيناك دواء 2
الجزء الرابع والعشرون :-
~ بعد مرور شهرين ~
كان الوضع مستقر في قصر آل شادي .. شادي اختفى من جديد .. روضا رجعت لشركتها .. أما عن برق والبراء وتيمار وأسير كانوا مشغولين جداً في عملهم إلى كانت ديار تساعدهم شوي فيه .. رنيم علاقتها صارت قويه مع البنات .. وريف صارت تنتظر طفلها بفارغ الصبر .. رعد وأريانا علاقتهم صارت قويه لكن إلى الأن مأتم شي رسمي بينهم .. اما عن سيدرا وأسد كانوا عايشين حياتهم بكل حب وروقان ..
~ في شركة روضا ~
دخلت بنت لصاله الإجتماعات صوت كعبها كان يرن في ارجاء المكان .. الكل لف أنظاره لها ..
وقفت روضا بـ إبتسامه شقت وجهها ونطقت : وش المفاجأت الحلوه ذي ذرر ؟ كان كلمتيني جيت خذيتك من المطار يروحي
قربت ذرر من روضا ومسكت خدودها ثم حضنتها ونطقت بسعاده : الله روضا وحشتيني مرهه
ضحكت روضا بـ احراج ونطقت تحت انفاسها : ادري انك عفويه ومو قصدك الي سويتيه بس ترا أنا المديره هنا واحنا بقاعه الاجتماعات
رجعت للخلف بـ إدراك وعضت إصبعها بـ إحراج ولفت للي كانوا جالسين يناظرونها وقالت وهي الدموع تجمعت في عيونها : اسفه .. اعتبروا ماشفتوا شي
نطق شخص من الي كانوا حاضرين الاجتماع : شبلاتس شوي وتبكين ، تراك مأسويتي شي غلط حسستينا انك حضنتي رجال ..
وسعت عيون روضا و ذرر ، نطقت روضا بحده : سنمار خلاص ، اعتذر
سنمار وسعت عيونه ونطق : روضا ماقلت شي ؟
روضا بحده : سنمااارر
سنمار بحده : روضا خلاص .. أنا اسف استاذة ذرر
روضا طاحت عينها على الكرسي الفاضي في القاعه ونطقت بصرامه وجديه : شوفوا لي اسم الشخص المتأخر عن الاجتماع ذا .. سنمار حط عينه على الاكريليك الي كان مكتوب فيه اسم الشخص المتأخر ونطق : عادل بدر آل ~~~~
انتفضت من مكانها ونزلت دموعها الي كانت محبوسه .. مسحتها بقوه ، انتبهت لها روضا ومسكت يدها ونطقت : وش بلاتس ؟
ذرر بقوه : عادل وش جابه يشتغل هنا ؟
روضا صغرت عيونها ونطقت : عادل ؟! وش تبي منه ؟ ذا أخ الشريك الجديد لنا
ذرر نطقت : ممكن نتكلم بعد ماتخلصين الاجتماع .. أنا ماودي أقابله
روضا نطقت : حسستيني بيفتكرك ، عنده هموم الدنيا بيفتكر وحدة تزوجها وهي عمرها ١٢ سنين ؟
ذرر جلست بصمت ونطقت : صار لزواجنا ١٠ سنين
كل ذا الكلام كان مركز فيه سنمار بتعجب ، لكن قاطع كل شي صوت شخص له هيبته يوم نطق : السلام عليكم معليش على التأخير أستاذه روضا
روضا نطقت بـ إبتسامه : تفضل علشان نبدأ
بدأت روضا تعرف على نفسها ثم انتقلت تعرف على شركائها ونطقت : اقدم لكم ذرر سيف آل ~~~ شريكتي في الشركه
وسعت عيون عادل بصدمه ، اما عن سنمار كان مركز مع عادل ونطق : شبلاك مصدوم ؟ ماكنت تتوقع تقابلها ياولد الخاله ؟
عادل نطق أخيرا وقال : سنمار مو وقته احنا في اجتماع
سنمار وقف بعصبيه : وإذا في اجتماع ؟ ترا مافي احد غريب .. هذولا اخوانك وروضا وانا وحرمك بس ؟ في احد مايدري بالسالفه ؟
وقف عادل وأخذ اغراضه ونطق : يوم إني تزوجتها غصب عني فاانا مو ملزوم بشي من ناحيتها
ذرر كانت في حاله صمت ونطقت اخيرا : طلقني .. طلقني لأنه الي زوجوني لك وجبروني فيك وانا طفله الان هم تحت الأرض
رفع نظره لها ونطق : تواصلي معي بعد الدوام نتفاهم بالموضوع .. ثم طلع من القاعه بعصبيه ..
أنت تقرأ
في رمشه عيناك دواء (2)
Romanceلقد عدت بعد إنتظار لأروي لكم قصه تتحدث عن بينما كان البطل مشهور والبطله طبيبه فماذا سيحدث عندما تكون البطله مديرة أعمال والبطل شرطي .. ؟ في رمشه عيناك دواء 2
