روايـةعـشـق الـكـرار واجــرام

البارت الرابع عشر

بدلت ورحت للدوام دخلت للمدرسة وشفت دُعاء تدور علية بعده مداگ الجرس رحت على صفي چانت واگفة يم الباب وصحت وراها .
- هااااا ولچ شتسوين هناا ، التفتت علية وگالت .
- يمة چفلتيني أففف .
- أجـرام : حضنتني ، وحضنتها ،، دُعاء أوگفي أخلي الجنطة مالتي بالصف وأجيچ .
- يلا بسرعة .
- طلعت وأني أدور على أستاذ الكرار ومو بس أني أدور علية عيوني دُعاء تحچي وأني ولا يمها.
- هيي ألوو وين تباوعين ترا داحچي وياچ .
- ها اي أدري گبر شبيچ ادري دتلغين .
_ والله العظيم مو يمي ولا سمعتي كلمة وأني أدري ليش ووين بالچ بنت أدريسسس .
- دنچبي وين قابل بالي وسمعت شبيچ اكليني بعد أكليني .
- يابة والله إذا سامعة كلمة شتردين أنطيچ.
- سامعةة وعوفي الموضوع .
- زين انطيني كلمة أني گلتها من أسولف .
- صفنت گلبي يدگ بسرعة وعيوني تتهرب وأفكر بلكي أعرف كلمة وأني حتى ما أگدر أفكر بعدني أدور على أستاذ الكرار .
- نچبي أجرام أعترفي بالچ مو يمي .
- لا بس عدنه أمتحان وچنت داراجع بعقلي .
- هههههه ايي هاي وين لا گيتها وين أكو بشر يراجع أمتحان بعقلة هذني مو علية جمراية .
- دنچبي لعد على منو شبيچ مخبلة يلاا دگ الجرس حضنتها ورحت للصف .
- دُعاء : راحت أجرام وحسيت بداخلها شي ولازم أعرفة صح هيَ ثولة ومتفهم كلشي بس أني صديقتها ووياها وما أعوفها أكو شي ولازم أعرفة ، اجة أستاذ الكرار علينة ودخلت للصف .
- أجـرام : دخلت للصف ولكل مهوس وأني والطلاب واگفين يم السبورة كل شوية واحد مسوي حركة والباقين يضحكون چان أكثر أثنين بالصف يضحكون هوَ أني وأحمد فلاح طالب ويانة راسب سنة چان الصف والطلاب كلشش لطيفين وأحبهم بس البنية (بلسم) الي اجتي نقل ويانة بهاي السنة مو هوايه تحجي وبس گاعدة بمكانها وتضحك علينا ، دخلت أم الأنگليزي .
- ست أيـنـاس : يلاا ألكل يطلع أوراق ويحضر نفسة للامتحان يلاا .
- أجـرام : صارت هوسة بالصف والكل متوتر وزعت كم أسئلة للي گاعدين بالبداية وأني چنت بالبداية أول رحلة ، بهاي المرة حسيت نفسي أني مسوية الأسئلة من گد ما مسيطرة وكل ألي گالي عليهم أستاذ الكرار جايات بالأمتحان ، حچت بصوت عالي المعلمة .
- يلاا ألكل خلص اوزع ؟؟
- نَعم ست خلصنا .
- أجـرام : أني صافنة على الأسئلة طول ماهيَ توزع وأحچي بگلبي يعني هسه مو هيَ مدرستني ومفهمتني هاي الأسئلة هوَ وأتامل ألسؤالات وأگول لاا لازم أنجح لأنُ هوَ شحرهم ألي ، قرت الأسئلة المدرسة وأني أحل طول ماهي تقرأ وفرحانة جاوبت لأنُ بالشهر الأول مجاوبت راسبة أول مرة أرسب بالأنگليزي ، ممكن لأنُ اكرها ومطايقتها رغم أني مستحيل چنت أقبل ارسب لو أقبل بدرجة قليلة ، بس ماعرف ليش ماهمني درسها حتى كتابة ما أكتب أنگليزي هواي أو بالتحديد بدرسها أخذة من صديقتي من أرجع للبيت تدزليا على التلگرام بس مستحيل أسمع كلامها غير كلام أستاذ الكرار ما أنفذ نهائياً ، خلصو الطلاب امتحان ولكل سلم الأوراق وخلصو الدرسين الأولى وطلعنه والكل يحجي شلون جاوبو وشنو الصعب ، شاركت الحديث بس قليل وطلعت روحي طايرة امشي بطيء وادور على أستاذ الكرار .
- دُعـــاء : شفت أجرام من بعيد دتمشي ومدري وين بالها هاي البنية شبيها اريد أفتهم مو نفسها أجرام افكارها متشردة ونضراتها ، رحت وچان أتقرب وراها قريب على أذنها واصيح.
- أجررررااممممم المخبللللة .
- أجـرام : بسم الله يمةةة وسمممم ان شاء الله أخخ گلبي .
- يمة هاي شبيچ هيچ جبانة اني من جفلتيني ماجفلت حيل .
- اخخ ولچ شوفي دگات گلبي ، سحبت أيدها وخليتها على گلبي .
- عزاا بعينچ شبيچ حيطلع گلبچ .
- ولچ هوَ أنتِ چنچ جنية منو ميخاف منج.
- هههه ، يلا أني الجنية السودة وأنتِ الجنية البيضة .
- أنچبي عابت شكو تحچين هيچ لتگولين سودة تخبلين أحبچ أني لو مو سودة لاتعيديهاا بعد والله اتزاعل وياچ يا ادبسزز گرصت خدها ، حچت بهدوء .
- أجرام ؟
- هااا وسمم ههه .
- بگلبچ .
- احبة منچ .
- ههه ، أجرام أني أحبچ وأنتِ احسن روح مو بس صديقة أحب روحچ وأحبچ من كل گلبي وأبقى طول حياتي وياچ وحضنتها .
- أجـرام : هم حضنتها ،، وأني هم أحبچ والله شعندي غيرچ ماعندي ولاصديقة بالدنيا عابت راح أبچي .
- حبيبتي أنتِ ، هههه أهووو لا لا كلشي ولا تبچين دربالچ جيب ألي يسكتچ .
- ههه ، من گالت جيب ألي يسكتچ اتذكرت چنت أريد أروح الأستاذ الكرار وحجيت بگلبي عزاا مارحت وگلت الدُعاء .
- دُعاء تروحين الأستاذ الكرار أريد أشوف مجاوبة .
- ليش شنو وين شدخلة بيچ هوَ ؟؟؟
- مو شسمة ألبارحة راسلتة وشوية شرحلي وفهمني ودزلي تلخيصات هم لأنُ أليوم عندي امتحان .
- هااا ، يلااا نروح .
- رحنا أني ودُعاء دنمشي متجهين علية لگيته بالباب دُعاء معقولة چان يشوفنا لا مستحيل .
- لاشفته چان يباوع علينة شنو منتضرچ چان ؟
- مادري ، يجوز هيچ صدفة باوع .
- مم .
- وصلنا وچان اكو أرتفاع عالي بالباب بين غرفة المعلمين وبين الگاع يعني لازم نصعد يلا ندخلها ، هوَ واگف بالباب وچان أگول ورافعة راسي وعيني بعينة .
- هلاو أستاذ
- أسـتـاذ الـكـرار : هلاووو أجرام شلونچ ؟
- زينة أستاذ وأنتَ .
- الحمدلله.
- دُعــاء : حسيت نفسي بينهم ما موجودة وگلت ، هلاوو أستاااذ هههه.
- أسـتـاذ الـكـرار : هلاو هههه موچنت يمكم الدرس الأول شبيچ ؟
- اي لعد شنو أريد أحچي وياكم .
- ههه من اجي للصف احچي مو هنا ، أيي أجررام؟
- أستاذ الكرار يحچي وعينه بعيني وأني الجرائة العندي مدري منين تجي وأبقى أباوع بعيونه ،، اي أستاذ أجيت أگولك أقصد أشوفك الأسئلة ، طلعت الأسئلة شوف أستاذ ، اخذها مني وگال .
- ها هاي امتحنتي مو ؟
- عينه بعيني ومانزلها مني ولا أني أنزلها مدري شلون أجاوبة ، اي أستاذ وجاوبت لأنُ انتَ شرحتلي من حچيت وياك راح انجح طبعاً مية بالمية .
- ههه أسكتي لا أحد يسمعچ
- صحت بصوت مسموع ، لييش واذا أستاذ بس راسلتك وشرحتلي .
- ولچ اشش اسكتي كافي فضحتينا بعد ما اشرحلچ ههه
- هههه ، لالا أستاذ ماعيدها بعد أبد والله .
- هههه نشوف .
- اي .
- يلا كافي روحي .
- اي أستاذ شكراً ، جاوبني مقلص عيونه بعيوني ومبتسم
- العفوا عيني ست أجرام .
- سكتت أباوع بعيونة شعور حلو أنتابني من گال ست أجرام ، بقيت اباوع ومشيت
- دُعـاء : هاي صارلكم ساعة تحچون بألأخير ماشاف اجوبتچ .
- مو بقينا نحچي .
- ههه ديلا عيني على أساس شلون سوالف .
- دنچبي تخبلل امححح .
- ههه مغرورة الأدبسزز .
- من أحچي ويه أستاذ الكرار متعرفين وين يوصل الغرور عندي وأي نوع يتعدى هههه.
- عابتت أي والله ، يلا دگ الجرس .
- أجـرام : أي والله هسة تجي هاي المكروها گبر أي والله ست ميس .
- دُعـاء : وگفت بالباب مال الصف مالتي وأباوع على أجرام ياترا ألي بداخلي صح بس مستحيل لأنُ من كل الجهات مستحيل ياترا أجرام متگولي ويطلع صح زين شلون أكتشف شنو ديصير ، اجة أستاذ الكرار ودخلت للصف.
- أجـرام : ست ميس تشرح وأني ساعة أخلي عقلي ويه الشرح وأفهم وساعة ألگه عقلي يفكر بأستاذ الكرار ورايح مدري وين .
- خلص الدوام وكالعادة درست وخلصت وغسلت ملابسي وحجابي ومسحت حذائي وكلشي مرتب ياسين چان يمنة فاوحدة من صديقاتة عازمته بالمطعم هوَ وأخو ومامه وبابه راحة كلهم بقيت بس أني وأيلين بالبيت وبابه أنجبر يخلي تليفونة يمي لأنُ تليفون مامه مكسور وتريد تشتري غيرة خلا يمي وراحو وره نص ساعة أنتضرت يطول الوقت حتى خاف يرجعون أريد أأمن أجتني فكرة أبالي وچان دخلت على فيس بابه وبحثت أستاذ الكرار وطلع چان صديق ويه بابه بالفيس شفت مو هواي ناشر بس چان مخلي أبرز القصص رجعت أدور بالمنشورات وصلت للاخير وجان اشوف مواليدة 1990/10 يناير ، چان اذب التلفون وگعدت أحسب وأحسب وارجع أخربط وماعرف وحسبت زين يلا عرفت عمرة وطلع أكبر من مامه بسنة وگلت بعدَ زغير رجعت اخذت التلفون ودخلت على أبرز القصص شفت الفيديو حلوو كلش وعجبني وچانت علية أغنية