မျှော်လင့်ချက်များစွာအားဖြစ်ပေါ်စေခဲ့သလို ရှုံးနိမ့်ခြင်းများစွာကိုလည်းဖြစ်ပေါ်စေနိုင်သော ချစ်ခြင်းမေတ္တာဟာ ထူးဆန်းလွန်း၏...။
မကြည်လင်ခဲ့သော အမြင်ကနေစတင်ကာ ဟွမ်ကျွင့်ကျယ် ဟူသော ဖြစ်တည်မှုလေးသည် အချိန်ကာလအနည်းငယ်အတွင်းမှာ နှလုံးသားထဲတွင် ခိုင်မာမြဲမြံစွာ တွယ်ညိနေခဲ့ခြင်းကို မိမိကိုယ်တိုင်လည်းနောက်ကျမှ သတိပြုမိခဲ့သည်...။
ကျီစားနိုင်လွန်းသော ကံကြမ္မာကြောင့်ဆုံစည်းခဲ့ရပြီး နီးစပ်ခဲ့ရသည့်အချိန်မှာ မိမိကိုကြည့်သော ကြည်လဲ့လဲ့မျက်လုံးဝိုင်းလေးတွေ၏ လှပမှုအား ဥပေက္ခာပြုနိုင်ရန် ခက်ခက်ခဲခဲကြိုးစားခဲ့သော်လည်း အချည်းနှီးသာ...။
တောတ်ပလွန်းသောအပြုံးတွေဟာ မိမိတစ်ဦိးတည်းဆီသာ ဦးတည်နေခဲ့ချိန်တိုင်း ကြိမ်ဖန်များစွာဥပေက္ခာပြုထားခဲ့ဖူးသည်...။
လင်းဟယ်၏ ဟွမ်ကျွင့်ကျယ်ထံပါး အကြင်နာတွေယိုဖိတ်နေသော အကြည့်တို့ကို ဘာသာပြန်မိသည့်အကြိမ်တိုင်း မိမိကိုယ်ကိုသတိကပ်ထားမိသည်...။
သို့သော်လည်း ပြက်ရယ်ပြုသော ကံတရားက ဟွမ်ကျွင့်ကျယ်အား ကြားညှပ်စေခဲ့သည်...။
တစ်ချိန်ချိန်မှာ လှည့်စားခံရခြင်းအား သိရှိသွားပါက ဖြေရှင်းနိုင်မည်ဟု မိမိကိုယ်ကို အထင်ကြီးမိခဲ့ခြင်းအား ကြီးစွာသော နောင်တကိုဖြစ်စေသည်...။
နောက်မှရသောနောင်တတွေဟာ မည်သူ့အတွက်မှ အကျိုးမရှိကြောင်းကို သိနားလည်တာကြောင့် ဟွမ်ကျွင့်ကျယ်ကို ထပ်ပြီး မထိခိုက်စေရေးကိုသာ ရှေ့ရှုခဲ့လေသည်...။
ကြေမွနေသည့် နှလုံးသားတစ်စုံဖြင့် အနားမှာဆွဲထားချင်ခဲ့သည့် စိတ်ဆန္ဒတို့အားလုံးကို ချိုးနှိမ်ခဲ့ရသည်...။
နောက်ထပ်တစ်ကြိမ်များ ဟွမ်ကျွင့်ကျယ်ကို ထိခိုက်စေခဲ့ပါလျှင် အလားတူနည်းလမ်းမျိုးကို ကိုယ်တိုင်ရွေးချယ်မိပေလိမ့်မည်...။
တချိန်ချိန်မှာ ပြန်လာနိုင်သည့် သေးငယ်သော မျှော်လင့်ချက်ကလေးကို ဆုပ်ကိုင်ထားကာ နေ့ရက်တိုင်းကို အဓိပ္ပါယ်ရှိစွာ ရှင်သန်ခဲ့သည်...။
