မုဒ္ဒြာမြိုင်ဆိုသည့်အမျိုးသမီးကလေ အလုပ်လုပ်နေသည့်အချိန်၊ တစ်ခုခုကိုအာရုံစိုက်နေသည့်အချိန်ဆို သိပ်ကိုငေးကြည့်ဖို့ကောင်းသည့်မိန်းမ၊ အရှိန်အဝါများနှင့်ပြည့်နေသည့်မိန်းမ။ ယခုဆိုလဲ လက်တော့ပေါ်မှာပြေးလွှားနေသည့် အမျိုးသမီး၏လက်ချောင်းလှလှလေးများအားသူသဘောကျစွာကြည့်နေမိသည်။ ထို့ပြင် မျက်မှန်ဘောင်အတွင်းမှနေတဆင့်မြင်နေရသည့် မျက်ဝန်းလှလှလေး။
"တို့ကိုအခုလိုပဲငေးကြည့်နေတော့မှာလား"
"အို အမျိုးသမီးက လှရက်လွန်းတာကို"
"ရှေနေတွေကအခုလိုပဲ စကားချိုချိုတွေပြောတက်သလား"
"ဒါကတော့ရှင်တစ်ယောက်ထဲနဲ့မှပါအမျိုးသမီးရယ်"
"အဟင်း"
ကော်ဖီဆိုင်ဆိုပေမဲ့ လူတန်းစားတစ်ရပ်အတွက်ဖြစ်သည့်အပြင် သူတို့ထိုင်နေသည်ကလဲ အတွင်းဘက်ခပ်ကျကျဆိုတော့ ပတ်ဝန်းကျင်အားဂရုစိုက်စရာမလိုချေ။ ထိုအတွက်ကြောင့်လဲ စမ်းရည်အခုလိုပြောဆိုနေနိုင်ခြင်းဖြစ်သည်။
"တို့နောက်တစ်ပတ် မန္တလေးကိုခဏသွားစရာရှိတယ် မနေ့က ဒယ်ဒီဆီကနေ ဖုန်းရတယ် ပြီးတော့တို့ကိုစိတ်ဆိုးနေတယ်ထင်တယ်"
"အဆင်ပြေရဲ့လား"
"အဆင်ပြေမှာပါ ဒယ်ဒီက တို့ကိုတော့ထိခိုက်အောင်မလုပ်နိုင်ပါဘူး ပြီးတော့သူ တို့ကိုချစ်ပါတယ်"
"တစ်ခုခုဆို ကျွန်မဆီပြေးလာခဲ့နော် အကယ်၍ အကယ်၍ပြောတာ ရှင့်မှာဘာမှမရှိတော့ဘူးဆိုရင်တောင် ကျွန်မရှင်တစ်ယောက်ကိုတော့ရှာကျွေးနိုင်တယ်"
"အဟင်း မသိရင် တို့ကချက်ချင်းပဲအလုပ်လက်မဲ့ဖြစ်သွားမဲ့သူကျနေတာပဲကွာ အတွေးလွန်လိုက်တာ"
အရွန်းဖောက်ကပြောပေသိ ဒီတစ်ခါ ဒယ်ဒီမြန်မာပြည်ပြန်လာတာကောင်းသောလာချင်းမဟုတ်တာကိုတော့ မုဒ္ဒြာရိပ်စားမိပါသည်။ ထို့ပြင် မုဒ္ဒြာအကြောင်းထုတ်မပြောဖြစ်ရင်တောင် တစ်နည်းနည်းဖြင့်သိနေမည်ဆိုသည်ကိုလဲသိပါသည်။
မုဒ္ဒြာ သူမ၏ကလေးငယ်နှင့်တွေ့ပြီးနောက်တော့ နှင်းရှိရာဆေးရုံကိုပါတစ်ခါထဲဝင်ခဲ့လိုက်လေသည်။ ကျန်းမာရသက်သာစပြုနေပြီဖြစ်ပေမဲ့ လမ်းပြန်လျောက်၍မရသေးသည်ကိုတော့ စိုးရိမ်မိသည်။ ဒီကလေးမလေးစိတ်ဓာက်ကျသွားမည်ကိုစိုးရိမ်သည်လေ။
YOU ARE READING
မူပိုင်ခွင့်ပုဒ်မ
Romanceတို့အတွက် ပုဒ်မဆိုတာ အခုချိန်ထိမရှိသေးဘူး ခလေးမ။ ဒါဆိုကျွန်မကိုယ်တိုင်ရှင့်အတွက်သီးသန့်ဖန်တီးပေးမယ်လေ။
