စည်းရိုးအဝါရောင်လေး၀န်းရံထားသော ခြံလေးထဲ လုံချင်းတိုက် အပြာရောင်လေး တလုံး ချစ်စရာကောင်းစွာ တည်ရှိနေသည်။
ထိုခြံလေးထဲတွင် အရိပ်ကောင်းသော သရက်ပင်ကြီးအားပတ်ပြီး ကျယ်၀န်းသော သစ်သားကွပ်ပျစ်ကလေးတခုလဲတည်ဆောက်ထားသည်။
တဖြေးဖြေးအိမ်ထဲ လျှောက်၀င်လာသည့်အခါ ကစားစရာအရုပ်ကလေးတွေ ပြန့်ကျဲနေသော ဧည့်ခန်းလေးတခုကို တွေ့ရမည်ဖြစ်သည်။
နံရံပေါ်တွင် suit ကိုယ်စီဖြင့်ပျော်ရွှင်စွာပြုံးလျက်ရှိနေသော လှလှငယ်ငယ်ကောင်လေးတယောက်နှင့် ထိုကောင်လေးငယ်အား အကြင်နာမျက်၀န်းများဖြင့် ကြည့်နေသော လူရွယ်တယောက်အပြင် ပါးအို့မို့မို့၊မျက်၀န်းဝိုင်းဝိုင်းကလေးတွေဖြင့် လက်တစ်တုတ်ကလေးတဖက်ပါးစပ်လေးထဲထည့်ထားသော ကလေးငယ်လေးတို့ ပါသောဓာတ်ပုံကြီးသည် ထည်ဝါစွာတည်ရှိနေသည်။
"ဖေဖေ့သား အိပ်ငိုက်နေပြီလားသား....ဟင်"
သူ့ခြေထောက်ကလေးကို လက်တစ်တုတ်ကလေးတွေဖြင့်ပြန်ကိုင်ဆော့နေရင်းမှ fotကို ကြည့်လာတဲ့သားငယ်။
"အိုက်ဂူးးး....ဒီဗိုက်ကလေးက ပူနေရောပါလား..."
ဗိုက်ပူပူကလေးကို မေးစေ့ဖြင့် ခပ်ဖွဖွလိုက်ထိတဲ့အခါ သွားဖုံးနီရဲရဲလေးတွေပေါ်တဲ့ထိ သားကရယ်ပြလာသည်။
ညနေ သားတွက်ဖြည့်စွက်စာလုပ်ဖို့ ပစ်စည်းတွေမရှိတော့တာကြောင့် fot ဈေး၀ယ်ထွက်မှ ရတော့မှာဖြစ်သည်။
Gemကတော့ သူ့ကိုပဲမှာလိုက်ပါလို့ပြောပေမယ့် ဂုဏ်သိက္ခာကြီးတဲ့ရှေ့နေတယောက်ကို အထုပ်ပေါင်းစုံဆွဲပြီး market ထဲ သွားနေရမှာမျိုးမဖြစ်စေချင်တာကြောင့် fotပဲ အမြဲသွား၀ယ်ဖို့လုပ်ပါသည်။
"ဖေဖေတို့ လည်လည် သွားကြမလားသား.....
သားသွားချင်လား"
အစ်အစ်ဖောင်းဖောင်း လက်ကလေးတွေ ခြေထောက်ကလေးလှုပ်ယမ်းရင်း ပြုံးရယ်နေတဲ့ သားငယ်က အပြင်သွားရမှာမို့ပျော်သွားတယ်ထင်ပါတယ်။
"အိုးးး သူလေးက အပြင်သွားချင်နေတယ်ပေါ့....
ဟုတ်လား....ဟုတ်လား....."
YOU ARE READING
Invests With Heart (နှလုံးသားဖြင့် ရင်းနှီးသော)(Completed)
Fanfictionကျနော်တို့ နောက်ဘယ်တော့မှ ထပ်မတွေ့ကြရအောင်ပါ Khun Gemini Fourth Nat ...ကိုယ်တို့တယောက်ကိုတယောက် သိသိရက်နဲ့ရော မသိပဲနဲ့ပါ ထိခိုက်နာကျင်စေခဲ့တာ တွေ၊ ဆုံးရှုံးနစ်နာစေခဲ့တာတွေအရမ်းများခဲ့မှန်းကိုယ်သိပါတယ်၊ ဒါပေမယ့်..... ...
