زمن غريب

#زمن_غريب
٠
٠
٠
قد تكره شخص او شيء وهو خير الاشخاص والاشياء فقد نكره شخص وهو عون الاشخاص لنا..نكره شخص لكن عندما نفقدهم نعلم بقيمتهم..او عندما بموقف او بشيء حتى نشعر ونعلم مدى رقي هؤلاء الاشخاص..قبل اي شيء يجب ان نفكر بعقلنا قبل قلبنا حتى نعرف قيمت اناس قد نخسرهم بلحضه..

لورا:هففف والله تعبت
روان:تستاه
لين منو گلچ لتدرسين من بدايت السنه هسا راح ادرسين كوله
لورا وهي تگلب بالكتاب:كولشي مافتهم منه آآه ضلم
روان وهي تباوع بكتابها:تستاهلين
لورا وهي تحط راس روان بالكتاب وتقلد صوتها:تستاهلين..لچ انتي بس تقرين ضوجتيني
روان وهي توخر ايد لورا وترفع راسها:انتي ثوله شنو اسويلچ اني

لورا:مالي دخل لازم انجح حتى ارجع للعراق
روان:اعتقد راح تنتظرين سنه ثانيه حتى ترجعين للعراق
لورا:لالالا هاي اخر سنه بالجامعه اخلصها وارجع هففف
روان:لعد اقري
لورا بتوسل:زين قريني
روان وهي تهز راسها بمعنى "لا"
لورا:ليش
روان:ماگدر وين الحگ اقريچ واقري نفسي
لورا:هفففف

روان بتفكير:شنو رائيچ تروحين لهذا الولد علي يقريچ
لورا بكره:لا يع اعرف اعيد السنه ولا هذا يقريني يععع
روان:بكيفچ بس هذا الولد شاطر وحباب ويحبچ"وغمزتلها"
لورا وهي متكتفه:واني اكرها واموت منه
روان:انتي شكلچ اتريدين تبقين بستراليا عاجبتچ واني ارجع الله
لورا بتفكير وهي تتخيل صديقتها تروح وتعوفها سنه كامله وحدها بصراخ:لااااااااا
روان:ههههههههههه شبيچ

لورا بحزن:عندچ رقم هذا علي
روان:اي
لورا:يلا اريده
روان:يلا سجلي*****
لورا:شكراً عيني سندس
روان:العفو عيني استبرق
لورا:(بتفكير اتصل لو لا..لالا ماتصل هسا عباله ميته عليه..لا هو يدري اني ماطيقه..اتصل وامري الله)

اتصلت لورا لعلي
طوووط طوووط
لورا:ماكو ماكو اسده احسن
تريد اسده اجاها صوت علي الي باين عليه النوم
علي:الووو
لورا بتردد وارتباك:ااءء..الووو
علي:اهلاً من معي
لورا:اني لورا
علي فد وبكل فرح:هلا شلونچ
لورا:الحمدلله وانت

علي:شعجب متصله "وهو يفر راسه"اقصد امري
لورا:مايأمر عليك عدو ممكن اشوفك اليوم بكافي*** الساعه خمسه العصر
علي:اي اكيد
لورا:شكراً يلا عن اذنك اروح مع السلامه
علي:مع السلام
الساعه خمسه العصر بالكافي
دخلت لورا الكافي شافت علي گاعد علي رفع راسه شافها گام
لورا وهي متوحها الي بابتسامه كره:سلام

علي:وعليكم السلام
لورا گعدت وطلبوا عصير
لورا:علي ممكن اطلب منك طلب
علي:أمري
لورا:شوف تعرف انت انو هذه اخر سنه النا نكلمها ونرجع للعراق ان شاء الله
علي:ان شاء الله
لورا:اني من بدايت السنه التهيت بشغلات لهتني عن الدراسه وهسا قربت الامتحانات بعد اسويعين اريدك تقريني

علي بفرح:اي اكيد عادي من شوكت تحبين نبدي
لورا بتفكير:اممم باچر
علي:خلاص باچر وين بس
لورا:بمكتبت الجامعه الساعه9الصبح
علي:ان شاء الله
لورا وهي توگف:ان شاء الله يلا عن اذنك اروح مع السلامه
علي وهو يوگف:مع السلامه