خِـيِّأّنِةّ

خِـيِّأّنِةّ1

اكيد اكثركم من شاف كلمة خيانة
اجه اباله خيانة حبيب بس راح احجيلكم
عن خيانة اكبر من خيانة الحبيب
تابعوو ويايه

القصة عن بنيه مراهقة اسمها مروة
عمرها 15 سنة
من عائلة محترمة متدينة
والناس تمدح بيهم وبتربيتهم
اهل مروة منطييها كامل الحرية
وواثقين بيها لاخر الحدود
مروة من جانت تجتمع بيت جدها ويا
بنات اعمامها وعماتها جانت تسمع حجيهن
وتشوفهن يخابرن شباب لو يطلعن ويا
شباب بس جانت تگول مستحيل اصير
مثلهن مستحيل اغلط مثلهن

مرت الايام وابو مروة قرر يأجر بيت
بغير منطقة لان بيتهم القديم صغير
وهمه عائلة جبيره
وفعلاً اجر بيت وگعدو بمنطقة
جديدة وبهاي المنطقه جانو
بيت خالتها بس علاقة مروه مو قويه
ببنات خالاتها ومن انتقلو تقربت اكثر
الهم وقوة علاقتهم وگامت مروه
كلشي تحجي لبنت خالتها نور
(نور اكبر من مروة ب4 سنوات)

يوم من الايام جانت مروة راجعه من
المدرسة وجان يمشي وراها واحد
ويگوللها(احبج..وبس جاوبيني...الخ)
ومروة متهتم ولا ترفع راسها وتباوع
عليه..
وگامت كل متروح للمدرسة يمشي وراها
ويحجي ويتوسل
( واني احبج وبس اريد احجي وياج)
وطبعاً مروة جانت كلشي تحجي ل نور
نور گلتلها انطي فرصة احجي ويا
مبين يحبج لتخسري..مروة گلتلها ماگدر
وامي وابويه شلون
نور گلتلها معليج بيهم مراح يعرفون بشي
وظلت نور تحاول تقنع مروة الى ان گدرت
تقنعها...