Unicode:
လုရှား၏လက်ချောင်းများသည် ပြတင်းပေါက်ဘောင်ကို စည်းချက်ညီညီ ပုတ်နေ၏။ သူ့ မျက်ခုံးများကို အတန်ငယ်မှေးစင်းထားပြီး ခြောက်သယောင်ဖြစ်နေသော နှုတ်ခမ်းနှစ်လွှာကို စိုစွတ်သွားရန် လျှာဖြင့်သပ်နေခဲ့သည်။
စူကျန်းသည် စဉ်းစားခန်းဖွင့်နေသော လုရှားအား မနှောက်ယှက်ပေ။ သူသည် မှန်ချပ်များ၏ အနောက်ရှိ အမှောင်ထုကိုသာ စိုက်ကြည့်ကာ လက်ရှိကြုံနေရသော အခြေအနေကို စဉ်းစားကြည့်နေလေ၏။
"ငါတို့..... လျူချင်နဲ့ သူဌေးဟောင်းတို့နှစ်ယောက်ရဲ့ ဆက်ဆံရေးကို မှန်းကြည့်လို့ရတယ်"
လုရှားက သူ့ဘာသာသူ တတွတ်တွတ်ပြောလိုက်သည်။
"လျူချင်က ယင်ဓာတ်ကို ယုံကြည်သူ တစ်ယောက်ပဲ။ သူ့လို ယုံကြည်သူအဖွဲ့က ဘယ်ကလာလဲဆိုတာတော့ ငါမသိဘူး။ ဒါပေမယ့် ဝေးဝေးလံလံ နေရာတစ်ခုကလာတာ ဖြစ်ရမယ်။ လျူချင်ရဲ့ အကျင့်စရိုက်တွေထဲမှာ ခြားနားချက်တွေ တချို့တလေများ ရှိမယ်လို့ ယူဆလို့ရမလားမသိဘူးနော်"
စူကျန်းက ဘုမသိဘမသိ ဖြင့် ခေါင်းညိတ်လိုက်သည်။
'မင်းရဲ့ "ကျိုးကြောင်းဆင်ခြင်ခြင်း" ဆိုတဲ့ဟာ အများစုက ဟိုဟိုဒီဒီလျှောက်ပြီး မှန်းဆချက်အပေါ်မှာပဲ အခြေခံထားတာ မဟုတ်ဘူးလား။ ဒီအချိန်မှာ မင်းမှန်လား မှားလားဆိုတာ သက်သေပြဖို့ နည်းလမ်းလဲမရှိဘူး။ အဲဒါကြောင့် တွေးချင်တာသာ တွေးတော့.....'
"ဆေးရုံက လျူချင့်အခြေအနေတွေနဲ့ ပေါင်းကြည့်ရအောင်။ သူက အမြဲတမ်း အပယ်ခံဖြစ်နေတာလေ။ ဘာလို့လဲဆိုတော့ သူက ဝေးလံခေါင်ဖျားတဲ့ နေရာကလာတာမလို့။ သူက ဒီနေရာနဲ့ နေသားမကျသေးဘူး။ လူတွေနဲ့လည်း တစ်လျှောက်လုံး မတည့်ဘူးလေ.......ဒါတွေက ဟုတ်နိုင်တဲ့ အကြောင်းပြချက်တွေချည်း"
လုရှား၏ လေသံမှာ ပြောင်းလဲသွား၏။
"ဒါပေမယ့် ကြည့်ဦး၊ သူ့ကို တခြားလူတွေနဲ့ မတူဘဲ မတူကွဲပြားအောင် ဆက်ဆံတဲ့သူ တစ်ယောက်တော့ရှိတယ်"
"ချန်ကျီးဝမ်...... "
"ဟုတ်တယ်။ သူတို့ အပြန်အလှန်ပို့ကြတဲ့ မှတ်စုတွေကို ကြည့်ပြီးမှန်းကြည့်ရရင်တော့ သူတို့နှစ်ယောက်ရဲ့ ဆက်ဆံရေးက အတော်လေး ကောင်းပုံပဲ၊ ဒါပေမယ့် သူတို့က သူငယ်ချင်းကောင်းတွေ သပ်သပ်ပဲလေ။ လျူချင်အတွက်တော့ သူဌေးက သူ့ရဲ့ ပထမဆုံး သူငယ်ချင်း ဖြစ်လောက်တယ်။ မဟုတ်သေးဘူး ချန်ကျီးဝမ်က သူ့ရဲ့အချစ်ဦးဖြစ်နိုင်တယ်....."
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HorrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
