Unicode:
"ဒီနေ့က ၂၀၀၁ ခုနှစ် သြဂုတ်လ ၂၄ ရက်လေ"
ရန်ယန်က လည်ချောင်းရှင်းလိုက်သည်။ သူ့အသံက မထင်မှတ်ပဲ တည်ငြိမ်ပြီး လေးနက်နေ၏။
"လုရှောင်ယွင်ဟာ ဆေးရုံကို နှစ်လလောက် လှည့်ပြီး ကျွန်တော်တို့တွေလည်း နှစ်လလုံး စောင့်ခဲ့ရတယ်။ သူ့ပြောပုံအရဆိုရင် နောက်ဆုံးတော့ ဒီဆေးရုံကြီးမှာရှိတဲ့ အမှောင်ချောက်ကြီးတွေရဲ့ သွားပုံသွားနည်းကို ကျွန်တော်တို့ ရှာဖွေတွေ့ရှိခဲ့ပါပြီ။ သေချာတာပေါ့ အဲဒီ သွားပုံသွားနည်းတွေကို ကျွန်တော်က ဘယ်သိပါ့မလဲဗျာ။ အတိုချုပ်ပြောရရင်တော့ သူပြောတယ်ဗျ။ အဲဒီဟာကြီးရဲ့ အသက်ရှူသံက အရမ်းနီးကပ်နေပါပြီ...တဲ့”
စူကျန်းသည် အသံဖမ်းစက်ပေါ်ရှိ 'play' ခလုတ်ကို နှိပ်လိုက်သည်။
အသက်ဝင်လှုပ်ရှားနေသော ဆူညံသံများမှာ ခွေထဲမှ ထွက်လာပြီး အတိတ်ကဆေးရုံ၏ စည်ကားလှသောမြင်ကွင်းကို ပုံဖော်နေလေသည်။ သူနာပြုများ၏ တွန်းလှည်းများကို အသွားအပြန် တွန်းနေကြသောအသံများ၊ လူနာများ၏တံခါးကို သည်းမခံနိုင်စွာ ထုနေကြသံများ၊ ဆရာဝန်မှ သူနာပြုများကို အော်နေသံများ....ရန်ယန်သည် ထောင့်စွန်းတစ်ခုမှနေ၍ အသံသွင်းစက်ကို ကိုင်ကာ ပြေးလွှားနေပြီး လုရှောင်ယွင်မှာ နံရံအနားတွင် ဘာမှမသိသလို ခံစားချက်မဲ့နေသည့်ပုံဖြင့် ရပ်နေလေသည်။ သို့ရာတွင် သူသည် နေရာတစ်နေရာအား အတိအကျကြည့်နေပြီး သူကြည့်နေသောနေရာတွင် တစ်စုံတစ်ခုသည် ရိပ်ခနဲ ဖြတ်သွားပုံရ၏။
ကြားရသမျှအသံများမှာ ဆေးရုံ၏ နေ့တဓူဝလှုပ်ရှားသွားလာမှုများ ဖြစ်ပုံရသည်။
'ဒီလိုသာမန်နေ့လို့ထင်ရတဲ့ နေ့တစ်နေ့ကို ဘာလို့ ထူးထူးဆန်းဆန်း မှတ်တမ်းတင်ထားပါလိမ့်။ ဘာလို့များ နှစ်လကြီးကြာအောင် စောင့်ဆိုင်းနေကြတာလဲ။ "အဲဒါကြီး" ဆိုတာကရော တိတိကျကျ ဘာကြီးလဲ'
“မင်းပြောတဲ့အတိုင်းပဲကွ၊ အဲဒါကြီးရဲ့ ဝင်ပေါက်ဟာ သူဌေးနဲ့ အရမ်းနီးနေပြီ။ နောက်ပြီး တကယ်တော့ ညနေ ၇ နာရီမှာ ခွဲစိတ်ခန်း (၄)ထဲ ခွဲစိတ်မှုတစ်ခုလုပ်ဖို့ရှိတယ်။ အဲဒီခွဲစိတ်မှုကို သူဌေးကိုယ်တိုင် ကြီးကြပ်မှာ။ ဘာခွဲစိတ်မှုလဲဆိုတာတော့ ငါလည်း အသေးစိတ် မသိရသေးဘူး။ ငါကြားတာတော့ လူနာက အကောင်ကြီးကြီးထဲကပဲကွ။ ဘာလို့ သူတို့က ဒီဆေးရုံမှာမှာ ခွဲစိတ်ဖို့ ရွေးလိုက်တယ်ဆိုတာကို ငါ သိပ်ပြီး သဘောမပေါက်ဘူး"
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HorrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
