حبيبي كوري

الجزء الأول

بسبب الأوضاع الأمنية السيئة في بلدي العراق....
وبسبب أننا من الطائفة المسيحية.....
قررت عائلتي السفر الى امريكا......
وترك بلدنا الحبيب...

سنة 2007
اسوء سنة في حياتي بصورة خاصة....
وحياة جميع العراقين بصورة عامة.....
ﻻ استطيع ان اصف لكم ماذا حدث في بلدي خلال هذهِ السنة بالتحديد....
اه اه كم كرهت هذهِ السنة...
الجثاب بالشوارع....
اجل كما تتصورون....
كانت عبارة عن حرب شوارع.....
بمعنى الكلمة...
كان عمري حينها 13 سنة....
وكنت في صف الأول متوسط...
عندما كنت اذهب الى المدرسة....
مع صديقتي العزيزة نوراس....
كانت الطلقات تمر من فوق رأسنا....
كنا نختباء بين البيوت حتى نصل للمدرسة....
ونحن ﻻ نعرف من الممكن ان يكون....
هذا اخر يوم بحياتنا...
ممكن تجينا طلقة ونموت...
اجل لقد كنا نجاهد من أجل ان نتعلم...
في يوم من الأيام....
سمعنا صوت اطﻻق نار قريب من مدرستنا...
نظرنا من خلال النافذة....
رأينا شاب صفير تقريباً عمره 17 سنة...
مستلقي على الارض ودمائه حوله :'( :'(
ﻻ اعلم من هو سبب قتله....
وما هو ذنبه.....
سامحوني ﻻ استطيع ان اوصف شعوري....
وانا اسير بالقرب منه لكي اذهب إلى البيت.....
كانت أول مرة في حياتي ارى انسان ميت....
كنت متجمدة انسانة بلا روح بلا مشاعر....
عباره عن جسد فارغ لم انطق باي كلمة...
ﻻ اعرف كيف سرت الى البيت....
في اليوم التالي لم أذهب الى المدرسة...
كنت في غرفتي بالطابق الثاني ....
وكان اخي في الطابق الأرضي ....
وامي كانت خارج المنزل .....
سمعنا اطﻻق النار قريب جداً منا....
نظرت من نافذة غرفتي لم أرى شئ...
طرق اخي باب غرفتي وقال

-تعالي انزلي للطابق الأرضي...
-شكو شنو صاير شنو هل طلقات....
-قتلوا شاب باب بيت جوارينا ...
شعرت بالصدمة امام بيت جوارينا قتلوا شاب!!!!
ماهو السبب؟
بعدني لم افيق من صدمت البارحة...
واليوم صدمة جديدة....
اه قلبي كيف سوف استمر بالعيش....
على هذه الحالة اشعر اني مرأة عجوزة...
وليس طفلة مراهقة...
قلت
-امي وين ماجتي ...
-ﻻﻻﻻﻻ...بعدها ماجتي
بعد اقل من خمس دقائق أتت امي ولقد كان وجهها اصفر قطرة دم مابي وقالت
-وين اخوج
-بغرفته...ليش شكو؟
-شفت الشاب الميت...عبالي اخوج...
جان ﻻبس نفس بلوز اخوج...
نادت على اخويه و حضنتنا وكامت تبجي...
مقابل بيتنا من الباب الثاني...
كانت توجد ساحة يلعبون بها الشباب كرة القدم...
اصبحت مكان يرمون بها الجثاث كل يوم تأتي الشرطة.... وتلم الجثاث كانت خائفة جداً

ملاحظة:
(كل الكلام الي كتبتا حقيقة واني مريت بيه لو اريد اتكلم عن بلدي ووضع بلدي كل الكلمات والحروف تخلص واني بعدني مواصفتلكم وضع بلدي والي مرينا بي بسنة 2007 والي شفتة بعيني سامحوني ﻻنني اطلت عليكم لكن لم استطع مسح الكلمات التي كتبتها وﻻ استطيع ان وقف نفسي عن البكاء) :'( :'(

(الدموع اغلى ماده بالكون لسبب واحد
ﻻنها تتكون من 1% ماء و99% مشاعر)

نرجع للرواية
العصر عندما جاء ابي من العمل قالت له امي ...
ﻻزم انسافر بعد منبقى بالعراق ...
اهلي واهلك كلهم سفروا لأمريكا ...
بس احنا باقيين بالعراق...
وافق ابي ووافقنا انا واخي...
عندما سافر اقاربنا الى امريكا ...
قالوا ﻻبي وامي تعالوا ويانة....
بس اهلي رفضوا...
سافرنا الامريكا وكملت دراستي...
صحيح بأمريكا وضع بيها زين....
بس جنت أحنّ البلدي واتمنا يتحسن الوضع...
و اكدر ارجع واعيش بلدي ...
صديقتي نوراس اتصل بيها دائماً...
هي كلش اتحب الكوريين...
وخلتني احبهم ....
حلمها اتسافر الكورية
بس متكدر ﻻن عدنا بالعراق....
ميصير البنيه اتسافر باحدها...
خابرت نوراس كلتلها حسافر الكورية....
كلش فرحت عبالك هي حسافر....
قررنا اني وماري انسافر....
ماري هي صديقتي الأجنبية الوحيد....
بس صار عند ماري ظروف....
ومكدرت اتسافر ويايه....
سفرت الى كورية...
وجهت بعض الصعوبات...
فأنا لا استطيع التكلم اللغة الكورية....
وﻻ فهمها لكن اتحداث الإنكليزية...
لكن القليل من الكوري يتحدثون الانكليزية...
اول مرة اسافر بدون وجود ماما او أخي....
ماري ذهبت الى كورية قبل سنة....
اجرت لي نفس الشقة الي جانت كاعدة بيها...
عن طريق النت الشقة تقع بسيئول....
كملت الإجراءات بالمطار....
وأجرت سيارة للبناية الموجود بيها شقتي....
انزلت جنطي ودخلت للبناية....
اتكلمت مع الموظف الاستقبال بالانكليزي....
اعطاني المفتاح....
صعدت بالمصعد ويه شاب كوري...
نظرت للشاب ايخبل يشبه لي مين هو...
قالت بداخلي واووووو...
كلهم حلوووين مو بس الممثلين...
وضع اصبعة على زرار طابق 40...
نفس طابق شقتي بتسمت له ابتسامة خفيفة...
نظر لي بطريقة غريبة جداً...
وقف المصعد...
خرج واني امشي وراه....
وصل للشقة رقم 239...
بوعت على رقم شقته 239 واني 240...
واوووو شنو هل صدفة طلع جاري...
اتخيلت اني بارك شين هي...
بمسلسل حضرات الجار والوسيم...
وعشت أحلام اليقظة....
عبرت شقتي واني كاعدة احلام...
دخل هو الشقته ورجعت الشقتي...
فرحت كلش من شفت الشقة...
جميلة جداً وصغيرة على كدي....
وبدأت اكمز وأخيراً اني بكورية....
وهذا الشاب الوسيم جاري...
ويشبه ممثلي المفضل لي مين هو...
خابرت ماما وطمنتها عليه...
اخذت حمام ونمت اشوية....
ﻻن البارحه منايمة وبالطيارة مكدرت انام ...
كعدت كلش جوعانة....
زين ماما حطتلي اكل بالجنطة....
رتبت جنطي واكلت....
خابرت نوراس سوالفتلها كلش ....
غيرت ملابسي وطلعت اتمشيت للمول...
المول كلش مرتب وكلشي بي....
افتريت بيه واشتريت ....
خضروات وفواكه ودجاج وعصائر ومشروبات غازية...الحمدلله اعرف اطبخ.....
وماما حطتلي توابل وأشياء احتاجهم بالجنطة ....
حاسبت الكاشير جان شاب واكف ورايه ينتظر... باوعت عليه جاري الوسيم....
خرجت من المول وكاعدة اتمشي....
ومتونسة اباوع ع البنايات...
اتعثارت وكعت.....
وكع كيس التفاح من ايدي.....
واطشر التفاح بالارض...
سمعت صوت أقدم احد يقترب مني...
كلت جاري الوسيم هسه يساعدني...
لكن هو فات وﻻ عبرني ...
يا كاع انشكي وبلعيني....
اووووف اشكد نحس ليش مساعدني...
واقفت على رجلية ومشيت بسرعة للبناية...
انسد باب المصعد...
بسرعة دست الزر انفتح باب المصعد ...
دخلت اتأفف وهو وﻻ يمه ....
انفتح باب المصعد طلعت بسرعة....
ودخلت الشقتي وضليت احجي عليه....
فكرت اضوجة بس شلون...
قررت اشغل اغاني بصوت عالي واضوجة....
وشغلت اغاني وكعدت اركص واغني واكمز...
بعد فترة سمعت رن الجرس...
نظرت من الكاميرا طلع هو....
شتلته اشوية وبعدين فتحت الباب....
وبتسمت ابتسامة خفيفة....
حجة بالكوري ضليت صافنة عليه اشوية....
وبعدين حجيت وياه بلانكليزي كلت
-نعم
-الصوت عالي
-اوك
وسديت الباب بوجه حيل بيه يستاهل....
خابرت ماري سولفتلها كل الي صار.....
بس عرفت منها طلع شاذ اهئ اهئ....
هي سامعة موظف الاستقبال ايكول عليه شاذ....
هسه عرفت ليش مساعدني....
طلع ميهتم للبنات...
اهئ اهئ ليش هيجي معندي حظ...
صحيح مكروه بس حلوووو ايخبل...
نمت واني مقهورة ﻻن شاذ....
كعدت وقررت اطلع اتونس...
وازور اماكن بكورية رحت للكنيسة...
صليت ودعيت البلدي الحبيب....
اتذكرت كل ما مر بي بلدي....
بجيت من طبيعتي من ابجي...
ادموعي متتوقف أبداً ...
حسيت بشخص واقف ورايه....
مد أيده وطاني منديل....
اخذت المنديل مسحت دموعي....
ولفيت وجهي انصدمت منو....
جاري الوسيم اريد ادموعي تتوقف...
عافني وراح خرب حظي....
اكيد يعوفني نكدت عليه....
ثواني ورجع بيده بطل ماي....
اطاني اياه وحاول يهديني....
بعد فترة اتوقفت دموعي ....
عرض عليه نروح المكان هادئ...
نكعد بي حتى ارتاح اشوية...
طبعاً وافقت حتى لو شاذ ....
انصير اصدقاء احسن مبقى بحدي...
صعدت للسيارة طول الطريق...
مطمئنة لان هو شاذ....
صحيح عايشة بأمريكا...
بس بعدني محتفظة بعادات وتقاليد العراقيين...
دخلنا للكافيه....
طلبلنا قهوة....
طبعاً هو كلش قليل يتكلم بس سألني
-انتي اجنبية
-ﻻ....اني عربيه
-شكلج اجنبية
-ليش ﻻن شعري اشقر وعيوني خضر
-اي
-عادي بالبلدان العربية...
اكو اهواية عيونهم ملونة وشعرهم اشقر
-ماعرف شي عن البلدان العربية....من اي بلد
-من العراق
-اول مرة تجين الكورية
-اي
-شنو اسمج
-هيلين....وانت شنو اسمك
-لي جون سوك.....
بس سألني هاي الاسئلة...
اني سألته اهواية أسئلة دوخته...
اشاقه وياكم جذاب....
سألته كم سؤال...
عرفت هو أستاذ بجامعة سيئول....
ورسام وعمره 27سنة....
وعنده عطلة شهرين...
بالنهاية كتلها ممكن انصير اصدقاء....
وممكن اتفررني كورية خلال شهر...
وافق بس قال باجر افتتاح معرضنا....
اني و صديقي وﻻزم اروح ممكن انأجلها....
وافقت وكتلها حطلع اشتري ملابس....
بس بعدين قال....
-اذا اتريدين تكدرين تجين ويايه.....
-فرحت وجوبت بسرعة اكيد اجي....
سألته الحفلة يا ساعة...
-جاوب ساعة ب8 ليلاً
-وشنو ﻻزم البس بهيجي مناسبة....
-فستان
-فستان!!!....معندي ﻻزم اروح اشتري...
-ﻻ تهتمين....اني احضر كلشي...
رجعنا الشقتي...
خابرت نوراس وسألتها عن اخبارها وأخبار البلد....
وضلينا نسوالف الوقت متأخر...
كعدت ع صوت الجرس فتحت الباب....
-هلاوووو....جون سوك
-هلووو هي لين.....بعدج نايمة
-اي نمت متأخر
-روحي غيري ملابسج
-ليش
-حتى تتحضرين للحفلة
-بس بعد وقت
-اول شي نتغدة....وبعدين انروح
-اوك انتظرني اغير ملابسي...
غيرت ملابسي ولكيته كاعد يتفرج ع الشقة
-الشقة صغيرة
-اي ردتها صغيرة على كدي
وصلنا لمطعم كلش حلوووو وراقي...
طلبت بيتزا وكوكا كولا
وهو طلب رامني وكمتشي...
كلنا واني صافنه عليه شلون يأكل بالعيدان...
اطاني عيدان طلب مني اتذوقة طعامة....
كلت ماعرف الزمهن علمني شلون امسك العيدان....
بس هم معرفت جلس بجانبي وامسك بأيد وبدأ يعلمني واووو حساس جميل جداً....
احد يهتم بك ويعلمك حسيت بمسكت ايد ابي...
من يمسكني ايدي واني صغيرة....
ايده اكبر من أيدي...
علمني واخذت لقمة من الرامني...
طعم تقريباً نفس طعم الاندومي...
بس بي فلفل حار اهواية...
والكمتشي معجبني طعمه وحار كلش...
بين قوسين عطبت....
كملنا اكل صعدنا بالسيارة....
الطريق جان بعيد شغلت اغاني كاظم الساهر...
كلش مفتهم منهن بس عجبه الموسيقى....
والالحان والتوزيع....
بطريق كلت
-اعرف انت شاذ...
-شاذ!!!
-اي.....صديقتي سمعت موظف الاستقبال ايكول انت شاذ
-بس اني مو....
-عادي وﻻ تهتم بالعكس هذا الشيء خلاني اثق بيك واجي وياك اليوم....
-يعني لو اني مو شاذ جان مجيتي ويايه....
-اي.....صحيح اني عايشة بأمريكا بس ملتزمة بالعادات وتقاليد العراقية....
-كلميني عن عادات وتقاليد بلدكم....
سوالفت اشوية عن بلدي وجمال بلدي...
وطيبت قلب شعبي...
وعن عاصمتنا بغداد وثقافتنا وعادتنا وتقاليدنا...
وصلنا للصالون نزلنا من السيارة.....
اجتي موظفة حجة وياها بالكوري....
وبعدين قال روحي وياها....
صعدنا اني وياها للطابق الثاني.....
سوتلي مساج الجسمي كله....
سوتلي تسريحة بسيطة....
وحطتلي مكياج خفيف كلش حلووو...
اني بالعادة احط بس اشوية كحل...
وشعري على طول مفتوح....
ولبستني فستنان كلش حلوووو...
ذهبي ظهرة مفتوح وطوله للركبة...
وكعب عالي اول مرة البس كعب....
نزلت من الدرج عبالك عروسة...
جان لي جون سوك واقف بدايه الدرج...
صفن عليه واني هم صفنت عليه اشوية....
جان ﻻبس قاط اسود طالع ايجنن....
حرامات شاذ جان هسه طلبت ايده...
هههههه ﻻ اتشاقة وياكم ترى اني استحي....
نزلت واني خايفة اخاف اوكع بسبب الكعب...
اخر بايه جان تزلك رجليه.....
بسرعة هو لزمني صار وجهي بوجه....
حسيت باحساس غريب اول مرة احس بي....
قلبي ايدك بسرعة...

Instagram : rewayat_marwa

wattpad: rewayat_marwa