رجولة مزيفة

أسباب محرفة لرجولة مزيفة

أنتشرت كتير اوي ف مجتمعنا أسباب هي ف الأصل حرام
بس بقيت بتخلي الولد يتقال عليه راجل.

الأسباب دي عرفين هي أية ،
هي:
الولد لو بيشرب سجاير يتقال عليه راجل
والبنت لو شربت سجاير تبقى مش متربية
رغم إنها حرام ف كل الحالات
( مرة سمعت بواحدة بتقول ل بنت بتشرب سجاير
الولد ببشربها علشان يبقى راجل انتي بقى ب تشربيها ليه )

الولد لو عرف بنت يبقى راجل
ويا سﻻم بقى لو عرف بنات كتيييييييييييير
( يبقى كمان مقطع السمكة وديلها وبقى زير نسا )
والبنت لو عرفت ولد تبقى مش متربية
رغم ان دا حرام
( في ناس بتحلله ب موضوع لو الحب حﻻل يبقى عادي
وطبعا مفيش تعريف للحب الحﻻل)

الولد لو يعلي صوته على أهله يبقى خﻻص كبر وبقى راجل
والبنى لو عليت صوتها تبقى ناقصة تربية
رغم ان كدة حرام وبيبقى عقوق للوالدين

الولد لو شتم وقال ألفاظ مش محترمة يبقى راجل
والبنت لو عملت كدة تبقى عايزة قطع رقبتها
رغم ان الشتايم والالفاظ دي حرام

هي أسباب محرفة علشان هي ف الأصل حرام بس دلوقتي بقيت عادي بالنسبة للمجتمع ......بشرط ان الولد يمارسها لكن لو بنت بتبقى حرام

عذراً أيها المجتمع الذكوري المريض لقد أكتفينا منك ونتمنى شفائك .
عارفين المشكلة فين ؟!!
ان الموضوع دا مش مقتصر على ناس معينة ﻷ السلوك دا بقى موضة جديدة والولد لو عمل كدة يبقى راجل اوي ومفيش زيه .

أشفق على كل ولد حصل على كل ولد حصل على لقب راجل
عن طريق الخطأ

نفسي اعرف معايير الرجولة اتغيرت ليه؟
، وليه بقيت كدة ؟
طيب لو البنت عملت كل دا هيتقال عليها راجل وﻻ منحلة ؟

تعرفوا أن اي بنت لو أتسألت عن الصفات اللي نفسها تكون ف جوزها
هتقول ....
يكون محترم
متدين
يحترمني
يقدرني
يحبني
ويراعي ربنا فيا

اكيد الوﻻد هتستغرب لما تعرف ان البنت لما بيتقدم لها هي مش عارفاه بتسأل الأسئلة دي أوﻻ
هو بيشرب سجاير وﻻ ﻷ؟
بيصلي وﻻ ﻷ؟
عﻻقته أيه مع أهله بيحترمهم وﻻ ﻷ؟

غيروا مفاهيمكم الغلط