Unicode:
'သူတို့က အရမ်း......အရမ်းအန္တရာယ်များတဲ့ဟာတစ်ခုကို လုပ်နေကြတာ'
သူဌေးချန်နှင့် လျူချင်သည် အမှောင်ချောက်ကြီးထဲတွင် အိပ်မောကျနေသော 'အဲဒါကြီး' ကို နှိုးဆွခဲ့ကြသည်။ တုန်းဟွာဆေးရုံသည် အသက်ရှင်သန်ခြင်းနှင့် သေဆုံးခြင်းကို ချုပ်ကိုင်ထားသည့် တားမြစ်ချက်ကို ထိပါးခဲ့လေပြီ။
အသံဖမ်းစက်ကို ကိုင်ထားသူသည် ဆက်တိုက်ထိခတ်နေသောအသံများ ထွက်လာသဖြင့် မောဟိုက်ကာ တစ်ရှိန်ထိုးပြေးလွှားနေသေးပေသည်။ တိပ်ခွေ၏ ဒီဖက်ရှိ လုရှားသည်လည်း စကားပြောဖို့ပြင်နေရင်း သူ့မျက်နှာအမူအရာမှာ ရုတ်တရက် ကြက်သေသေသွားခဲ့၏။
တံခါးသံချပ်ခနဲကို ကြားလိုက်ရသည်။ တံခါးဖွင့်လိုက်ပုံရ၏။
သို့ရာတွင် အသံမှာ ရှင်းလင်းပြတ်သားနေခဲ့သည်။စူကျန်းတို့ရှိနေရာ စောင့်ကြည့်ခန်း၏ အပြင်တံခါးမှ ထွက်လာသောကြောင့်ပင်ဖြစ်သည်။
သူသည် 'stop' ခလုတ်ကို ကမန်းကတန်း နှိပ်ချလိုက်သည်နှင့် တစ်ပြိုင်နက် အသံမှာ ရုတ်တရက် ရပ်တန့်သွား၏။
'အရေးပေါ်ခန်းထဲကများလား'
လူနှစ်ဦးစလုံးသည် တစ်ချိန်တည်းတွင် တူညီသော အပိတ်သံကို ကြားလိုက်ကြရပြန်သည်။
'အရေးပေါ်ခန်းမှာ ဘာဖြစ်တာလဲဟ၊ ပတ်ပတ်လည်ကလည်း မှောင်မည်းနေတာလေ၊ ဒီလောက်တိတ်ဆိတ်နေတဲ့နေရာမှာ ငါတို့ ကြားနေရတာက အသက်ရှူသံပဲ ရှိတာကို"
"ချပ်"
လုရှားသည် ဓာတ်မီးကို ဦးစွာဖွင့်လိုက်သည်။ တဖြည်းဖြည်း တောက်ပလာသော အလင်းရောင်သည် စောင့်ကြည့်ခန်း၏ ထောင့်တစ်ထောင့်ကိုသာ လင်းထိန်သွားစေသဖြင့် ကျန်ဆေးရုံ၏ နေရာတစ်ခုလုံးမှာ ပိုမို မှောင်မိုက်နေပုံပေါ်လေသည်။ သူသည် ဓာတ်မီးကို ကောက်ကိုင်လိုက်ပြီး တံခါးဆီသို့ ဖြည်းညှင်းစွာ လျှောက်သွားလိုက်သည်။
စူကျန်းမှာမူ သူ့ကိုကိုင်ထားပြီး ဓာတ်မီးကို ပိတ်လိုက်သည်။
" 'အဲဒါကြီး' က ဘာလဲဆိုတာ မသိခင်ကတည်းက မင်း သူသွေးဆောင်ပြီး ခေါ်တာကို လိုချင်နေတာလား"
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HorrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
