🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺

** Ch ( 41 ) **

Unicode:

တုန်းဟွာအမှောင်ဖြစ်ရပ်မှတ်တမ်းများ 2003~2005 (IV)

မှတ်တမ်းရေးသူ ရန်ဖေ့ (2004 မှ 2005 အတွင်း သူနာပြု)

ဆေးရုံမှာ ဒီလိုမျိုး မှတ်တမ်းရှိတယ်ဆိုတာကို အရင်က သူနာပြုဟောင်းတော်တော်များများဆီက ကြားသိခဲ့ရသည်။ ဒီနေ့အထိ လက်ဆင့်ကမ်းလာခဲ့ပြီး ဒီလိုမျိုး တကယ်ဖြစ်လာလိမ့်မယ်လို့ မမျှော်လင့်ထားခဲ့ပေ။

ဌာနမှူးက ဒီမှာဘာရေးစေချင်လဲ မသိပေမဲ့ ဘာပဲဖြစ်ဖြစ် ငါ ဒန်းရမ်းနဲ့ သဘောထားကွဲလွဲနေတယ်ဆိုတာ လူတိုင်းသိကြတာပဲမလို့ ငါဒီမှာရေးထားတာကို မယုံချင်ဘူးဆိုလည်း ဒါက မင်းရဲ့ရွေးချယ်မှုပါပဲ။

ဒီဆေးရုံမှာ သရဲခြောက်တယ်ဆိုတဲ့ ကောလာဟလတွေရှိသလို ဘေးပတ်ဝန်းကျင်က လူတွေလည်း မြင်ဖူးကြသည်။ ယခင်က သရဲခြောက်ခြင်းများသည် အလွန်ပြင်းထန်ပြီး ကြီးမားသော မတော်တဆမှုတစ်ခုလည်း ရှိခဲ့ဖူးကြောင်း သူနာပြုဟောင်းများက ပြောခဲ့ပေမယ့် မိန်းမအိုကြီး သေဆုံးသွားသည့် အချိန်မှစ၍ ခြောက်လှန့်မှုအကြိမ်ရေ လျော့နည်းသွားခဲ့၏။

မိန်းမအိုကြီးက ဘယ်သူလဲဆိုတာတော့ မသိရပေ။ ဒီဆေးရုံမှာ အလုပ်ဆက်လုပ်ဖို့ ဆုံးဖြတ်ခဲ့တဲ့ သူနာပြုတွေလည်း အများကြီးမရှိပါ။ အရင်က မှတ်တမ်းစာအုပ် ရှိသေးတယ်လို့ အားလုံးက ပြောကြပေမယ့် အရင်စာအုပ်မှာ ဘာတွေရေးထားလဲဆိုတာ ဘယ်သူမှမသိကြပေ။ သူနာပြုတွေက ဒီအကြောင်းကို သိချင်နေကြပေမယ့် စာအုပ်ဟောင်းကို ဘယ်သူမှ မကြည့်ရဲဘူးဖြစ်နေကြသည်။

ဘာပဲဖြစ်ဖြစ် မှတ်တမ်းအတွက် ဒန်းရမ်းအကြောင်း ပြောပြပါ့မယ်။

ဒန်းရမ်းနဲ့မတည့်ရခြင်းက ရှောင်ဝမ်ကြောင့် စတင်ခဲ့တယ်ဆိုတာကို ဝန်ခံပါသည်။ရှောင်ဝမ်က သူ့ခံစားချက်တွေကို အဖက်မလုပ်တဲ့အတွက် မုန်းနေတယ်ဆိုရင်တော့ သူ့ကိုအပြစ်မတင်ပါဘူး။ အဲဒီနောက်ပိုင်းမှာ ရှောင်ဝမ်နဲ့တွဲခဲ့ပြီး ရှောင်ဝမ်ကလည်း သူကိုဂရုစိုက်တဲ့ အမူအရာတွေ မပြခဲ့ဖူးပေ။

ဒီမိန်းကလေးကို ဘယ်လိုလုပ်ရမလဲ မသိတော့ပါ။ သူမက ပျော့ညံ့လွန်း၏။ နှစ်လမပြည့်ခင် လွန်ခဲ့တဲ့ ရက်အနည်းငယ်လောက်က ဆေးရုံကို ရောက်လာတဲ့လူနာကို  စိတ်ကူးယဉ်နေတယ်ဆိုတာ ကြားလိုက်ရသည်။ သူနာပြုဆရာမတွေက လူနာများနှင့် ရောရောထွေးထွေး မနေသင့်ပေမယ့် သူမကတော့ အားလပ်ချိန်တိုင်း ရပ်ကွက်ထဲသွားကာ ညဘက်တွေဆိုရင်လည်း အမြဲလိုလို ရှုပ်ရှုပ်ယှက်ယှက်တွေ လုပ်သေး၏။