Unicode:
ဆယ့်လေးနာရီမြောက်- တတိယထပ်ရှိ စင်္ကြံ
"မင်းငါ့ကိုမလိမ်သင့်ဘူး လုရှား"
စူကျန်းက ပို၍ပြုံးလိုက်သည်။
"ငါ့နှလုံးသားလေး အရည်ပျော်သွားတော့မယ့်အတိုင်းပဲ"
လုရှားသည် သူ့ရှေ့ရှိ စူကျန်း၏မျက်နှာနှင့် သူ့ပခုံးပေါ်ရှိမျက်နှာကို တစ်လှည့်စီကြည့်လိုက်သည်။
မျက်နှာနှစ်ခုက တစ်ထေရာတည်းမို့ ခြားနားမှုကို ရှာမတွေ့ခဲ့ပါ။
ဒါပေမယ့် သူ အသက်ရှူမဝသလို ခံစားလာရသည်။ သူ့နောက်ကျောရှိ စူကျန်းကလည်း အသက်မရှူနေပေ။
"ဒီလိုမျိုး ဖြစ်လာလိမ့်မယ်လို့ ဘယ်တုန်းကမှ မထင်ခဲ့ဘူး"
စူကျန်းသည် လုရှားဆီသို့ ဖြည်းညှင်းစွာ ချဉ်းကပ်လာသည်။ သူသည် လက်ကိုဆန့်ထုတ်ကာ လုရှား၏ပခုံးပေါ်ရှိခေါင်းကို တစ်နေရာ ရွေ့လိုက်သည်။
စူကျန်းသည် တဖြည်းဖြည်း တင်းတင်းကျပ်ကျပ် ဆုပ်ကိုင်လိုက်၏။
လုရှားသည် နောက်ဆက်တွဲ သွေးစွန်းနေသော မြင်ကွင်းကို မကြည့်ချင်သောကြောင့် ခေါင်းကို ငုံ့လိုက်သည်။
သူ့ပုခုံးပေါ်ရှိ အလေးချိန်က ရုတ်တရက် ပျောက်ကွယ်သွားပေမယ့် သူ့ခန္ဓာကိုယ်ပေါ်ကိုတော့ သွေးများစီးကျမလာပါ။
အဲဒီလူက သူ့ပခုံးကို ပုတ်ပြီး မျက်လုံးဖွင့်ဖို့ ပြောသည်။
"မင်းနောက်ကိုပြန်ကြည့်လိုက်"
လုရှားက နံရံကိုမှီပြီး သူ့နောက်ကို ကြည့်ဖို့ ဓာတ်မီးကို ဖွင့်လိုက်သည်။ မတ်တပ်ရပ်ဖို့တောင် ခက်ခဲနေသလို ခံစားလိုက်ရ၏။
ထိုသွေးထွက်သံယိုအရာများသည် သူ့နောက်ရှိ ကြမ်းပြင်ပေါ်တွင် အပုံလိုက်ကျနေခဲ့ကာ သူတို့သည် မျက်နှာကိုမော့၍ တညီတညွတ်တည်း ကြည့်နေကြသည်။
အဲဒါတွေ အကုန်လုံးသည် စူကျန်း၏ မျက်နှာ၊စူကျန်း၏ မျက်လုံးများ ဖြစ်သည်။
"သူတို့က ရင်းနှီးနေသလိုပဲ၊ မင်း သူတို့ကို ကြိုက်လား"
လုရှားသည် ကြမ်းပြင်ပေါ်သို့ လဲကျသွားသည်။
YOU ARE READING
🏥 လျှို့ဝှက်ဆန်းကြယ်သောဆေးရုံမှ လွတ်မြောက်ခြင်း🩺
HorrorGenres _ Horror , Supernatural, slowburn , Survival, Escape, Thriller Total arcs _ 6 arcs Arc 1 _ ညကင်းစောင့် 2 _ အမေနှင့်သမီးသုံးယောက် 3 _ ကောင်ကလေး 4 _ အချစ်ဦး 5 _ လူသေအလောင်း 6 _ ကြိုးဆွဲချလူသား ( Final)
