كما تدين تدان

يحكى ان بنت تمتلك 3 صديقات
وبس همه يفهموها
بدأت صداقتهم من الثانويه
خليني اشرحلكم قصصهم
الاولى: والي راح تكون القصه عليها اسمها فاطمه هاي البنيه كلش حبابه بس فقيره وقصتها حزينه امها متوفيه وابوها متزوج وعنده بنيه اسمها مريم
الثانيه:فرح هاي البنيه كلش دلوعه ومدللة بس هاي البنيه اهلها مو دائما وياها ووحيده امها وابوها وهي ما الها غير صديقاتها
الثالثه:شهد هاي البنيه امها صرافه وتحب السوق وابوها اكبر من امها بهواي وتعاتبه لان تزوجها وهي البنت تحب ابوها وتساعده دائما لان هو جبير بالعمر ومريض
الرابعه:ريم هاي البنيه متدينه ودائما تنصحهم وتندعيلهم بس هاي البنيه عدها مشكله انو اخوها دائما يصرخ عليها وما يخليها تسوي شي لا تطلع ولاشي بس بالبيت حسره عليها تطلع مره بالاسبوع
خليني احجي القصه
((فاطمه))
استعديت للذهاب الى المدرسه عند الفطور
سألت اباها بابا وين الريوك مالتي قال لها امج ((مرت ابوها)) ما سوتلج ريوك قالت له ليش انا مو فرد من العائله وبعدين هذا بيت امي مو بيتها
واجت مرت ابوها((زينب))
وقالت هسه هذا البيت صار الي مو لامج امج ماتتت ماتت فهميها ويلا ع المدرسه ماكو ريوك يلا يلا وطلعت فاطمه وهي جاي تبجي ومجروحه ودائما هي تحجي لصديقاتها شنو صار
فرح:هاي شبيها مخبله مو صاحيه ليش هجي تسوي وياج وبعدين هذا بيتج وبيت امج وابوج شداحسه روحها هاي
فاطمه:اكيد بابا راح يسجل البيت بأسمها وراح تطردنا
شهد:مو على كيفها هذا بيتكم مو بيتها واكيد راح يجي يوم وتاخذين حقج وحق امج من عدها
فاطمه:انشالله
ريم:اي اكيد راح تاخذين حقج من عدها
((فاطمه))
رجعت من المدرسه بدلت هدومي وكعدت ادرس
فاطمه جانت كلش شاطره وحبابه بس اختها بنت زينب جانت كسلانه وتكرهها وتضوج منها هي وامها
لمن جانت فاطمه تدرس مريم جانت يمها ع الجربايه همه بنفس الغرفه اجت ام مريم كالت لبتها يلا حبيبتي تعالي تغدي مريم: يلا شتنتضرين انتي يلا كومي وكلتلها
فاطمه:وانتي شعليج روحي انتي
مرت ابوها:يلا كومي مو وكت شطارتج احنا ما ننتضرج وراحت
فاطمه:شسوي هسه تعبت من كل هذا اريد اموت اريد اروح لامي اوفففف وضلت تبجي خلصوا غده
لمن ناموا تسللت فاطمه للمطبخ حتى تاكل جان لزمتها مريم ماكو اكل امي ذبت الاكل بالزباله
فاطمه:وانتي شعليج انا جايه اشرب ماي ما جايه اكل
مريم: هاا صدكتج صدكتج
فاطمه:يلا ولي روحه بلا رده
مريم: كبر حتى كبر
فاطمه: لفج
فاطمه: اوووف يا ماما لو جنتي يمي جان ما صار كل هذا وتعذبت هذا العذاب كله
صار اليوم الثاني
كعدت فاطمه غسلت وبدلت وسوت ريوك الها لان زينب ما سوتلها ومثل كل يوم
وراحت للمدرسه خلصت الحصه الثانيه صاحتلها وحده من الطلاب اسمها منى صاحت منى لفاطمه وقالت لها
منى: حبيبتي فاطمه اريد اكلج شي كلش مهم
فاطمه: تفضلي حبي
منى: هاي اختج جاي تغلط عليج وتكول انج غبيه وحقيره ودائما تكتليها وتبوكين منها اشياء وهاا نسيت اكلج غالطه ع امج هم بس انا صدكت انو هذا الحجي غلط واجيت كلتلج فاطمه: بس ليش هجي
منى: والله ماادري ليش هجي بس انا حبيت اكلج حتى ما تسكتيلها وتأدبيها
فاطمه: اوك شكرا حبيبتي سويتي خير
بالفرصه راحت فاطمه لمريم وكالتلها انتي شلون تغلطين عليه و ع امي ليش هجي كدام العالم وبعدين انا يمتى كاتلتج وبايكه منج اشياء شنو هذا الجذب وكتلتها صاحوا الطلاب للمديره والمدرسات اخذوا مريم وفاطمه للاداره وجان شعر مريم مفتوح وهدومها مشككتها من كد الضرب وسألو فاطمه حبيبتي فاطمه ليش كتلتيها اختج
وجانت فاطمه مصدومه وما تكدر تجاوب ع اي شي
اجت شهد صديقه فاطمه وجان ابوها موجود
اجت شهد اشرتلها فاطمه لا لا
شهد:اسفه فاطمه بس انا راح احجي كلشي صار
حضره المديره مريم غالطه ع فاطمه وحاجيه عليها حجي مو زين وكايله انو فاطمه دائما تكتلها بالبيت وتبوك منها اشياء وغالطه ع امها بس هذا الحجي غلط لان فاطمه دائما زينه وياها بس مريم ألفت هذا الحجي كله
ابو فاطمه:سأل فاطمه هذا الحجي صح يا فاطمه
فاطمه: اي صح بابا
ابو فاطمه:ضرب مريم ليش تسوين بأختج هجي ليش هي اختج ومالج غيرها
المديره: ابو فاطمه انت لازم تعاقب بنتك وتأدبها وما يصير تحجي ع اختها هذا الحجي اتمنى مااشوف من بنتك هجي شي والي اعرفه انو فاطمه شاطره ومؤدبه وما تسوي هجي اتمنى مااشوف من بناتك هجي شي مره ثانيه وشكرا
ابو فاطمه:اكيد انشالله
صارت الحله رجعو ع البيت
اجت مريم
مريم:ماما تعاي شوفي شصار بيه
زينب:يمه حبيبتي منو مسوي بيج هجي
مريم:فاطمه
زينب:انتي شلون تتجرأين وتضربين بنتي
فاطمه:شوفي بنتج شمسويه بعدين تعاي ضربيني
زينب: حبيبتي مريم ليش سوت هجي شسويتيلها
مريم: ماما انا ما سويتلها شي بس كلت عنها غبيه وتبوك مني اشياء
زينب:اي هذا الصدك حبيبتي انتي ما سويتي شي
ابو فاطمه:هذا كله وما سوت شي وبعدين هي ليش تحجي عنها هجي هي فاطمه مو عدها ابو ترى بعده ما مات ابوها
زينب:بس ما تتجرأ تكتل بنتي وانا راح اراويها هسه
ابو فاطمه:تهدي بالله زينب لا تعالي
زينب: هسه اراويها
راحت زينب دخلت غرفتها
كتلتها وجرتها من شعرها وقفلت عليها الباب
ابو فاطمه:حرام عليج ليش هجي تسوين بيها هاي يتيمه حرام عليج
زينب: حرمت عليك عيشتك انشالله يتيمه ع روحها مو علينا
((فاطمه))
جان الجو بارد كلش وماكو اكل جوعانه اوووف يمتى يجي هذا اليوم واخذ حقي وحق امي من عدها وضليت ابجي طول اليوم لحد ما نمت كعدت الصبح وبعده الباب مقفول رحت ادك الباب واصيح كلتلهم اريد اروح المدرسه فتحوا الباب فتحت زينب الباب
زينب: يلا روحي المدرسه واياج تسوين مثل هاي الشغله مره ثانيه ما تكعدين بهذا البيت نهائيا
مرت السنين وصلوا للكليه
ومريم بطلت دراسه وزوجوها اهلها
((فاطمه)) اختارت كليه العلوم
((شهد))اختارت كليه الهندسه
((ريم)) اختارت كليه التربيه
((فرح)) اختارت كليه الصيدله
ودرسوا وتعبوا لحد ما جابوا هاي الكليات
فاطمه: بنات هاي زينب بعدها تعذبني وما تاركتني بحالي اااه لو امي موجوده جان ما تعذبت هذا العذاب كله
شهد:حبيبتي لا تخافين هاي ما تسوى ضفر رجلج
فرح:انتي ليش خايفه منها سطريها راشدي فري راسها فر
فاطمه: وشلون اسطرها وهسه صار البيت بأسمها
ريم: وشلون صار البيت بأسمها وابوج وين راح
فاطمه: هو ابوي كلتله زينب وهو رأسا سجل البيت بأسمها لا طبعا بابا يخاف منها وما يكدر يسوي شي
فرح:حمدالله والشكر انا لو بدالج جان هديت البيت كله فوك راسها
فاطمه: اي والله ياريتكم وياي
فرح: شنو رأيكم بنات باجر نتجمع بيبيتها واذا فكت حلكها تشوف
ريم:اي خوش فكره
شهد:اوك
صار اليوم الثاني ورا المدرسه تجمعوا بيبيتها
استقبلتهم
زينب:توا ضلم البيت
فرح:بنات خلينا نصعد لا اهجم عليها
فاطمه: يلا بنات
فرح:خزرتها
وطبوا البنات للغرفه
فرح: هاي شنو ما تنبلع شلون متحملتها وشنو خلي تطردج حبيبتي احنا بابنا مفتوح الج بأي وكت
فاطمه: شكرا حبي يلا خلينا نسولف
وصديقاتها نسوها ورفهوا عن الكآبه الي عدها كملوا سوالف وكل وحده رجعت لبيتها
((فاطمه))
عندما ذهبت الي الكليه دخل الاستاذ خالد هذا الاستاذ انا معجبه به بدأ بشرح الدرس وانا غير منتبهه ع الدرس منتبهه ع الاستاذ وبس صاحلي فاااطمه
فاطمه: نعم استاذ
الاستاذ: كومي شرحي الدرس
فاطمه: حاضر استاذ
وكامت فاطمه شرحت الدرس
ورا الدرس صاح الاستاذ لفاطمه
كلالها تعاي لغرفتي لو سمحتي
فاطمه: حاضر استاذ
ذهبت فاطمه الى غرفت الاستاذ قال لها الاستاذ انا انعجبت بيج وبشخصيتج وانتي شاطره وحبابه اتمنى تقبلين تتزوجيني
فاطمه انصدمت
فاطمه: انا موافقه بس اخذ رأي اهلي بالاول
الاستاذ اكيد امي راح تخابر اهلج وتتفق وياهم
فاطمه: اوك عن اذنك وطلعت من الغرفه وهي فرحانه
بالاستراحه راحت لصديقاتها وكلتلهم
وطبعا صديقاتها فرحولها وباركولها
ريم: الف مبروك حبيبتي تستاهلين كل خير وراح ترتاحين من مرت ابوج
فاطمه: بس انا ماارتاح اذا ابوي ما طلكها وراح تشوفون
فرح:الف مبروك حبيبتي واي انا اوافقج بهذا رأيج اكيد لازم يطلكها
شهد: الف مبروك حبيبتي انشالله كل خير
رجعت للبيت بس ما كالت لاحد لان تدري هو راح يخابر بس ما تدري بمرت ابوها شراح تسوي دك التلفون
اجت زينب شالت التلفون طلعتلها ام خالد
زينب: كالت الو
ام خالد: الو السلام عليكم
زينب: وعليكم السلام
ام خالد:انا ام خالد ابني استاذ بنتج
زينب: يا بنت
ام خالد: فاطمه
زينب: هاا بنتي اي صح وشتريدون منها
ام خالد: احنا نريد نخطب فاطمه ع سنه الله ورسوله
زينب رادت تخرب عليها لان تكرهها هي وامها امها تكرهها لان زينب جانت تحب ابو فاطمه وتريد تتزوجه بس ابو فاطمه جان يحب ام فاطمه ويريد يتزوجها بس عائلته كلها ما قابلين ع الزواج بس هو كسر كلمتهم وتزوج ام فاطمه
وزينب حقدت عليهم وحتى اهله حقدوا ع ام فاطمه وكرهوها من بعد وفاه ام فاطمه اهل ابو فاطمه كللوله اتزوج زينب هي راح تغير حياتك وتسعدك وقبل ابو فاطمه وتزوج زينب بس ما جان يدري بيها هجي حقيره وخبيثه وام فاطمه ما جانت تاركه شي اله فاطمه
وزينب ربتها بعذاب كل هاي السنين
واخذت التلفون الارضي وودته بالغرفه حتى لحد يسمعها وحجت عنها اشياء مو زينه وطبعا ام خالد صدكت
زينب: هاي البنيه مو بنتي ما تشوفيها اخلاقها مو زينه وما متربايه ومن اكللها شي تكلبها عركه وتكعد تصرخ عليه صدكيني ما تفيدج ابنج مثل ابني
واريد مصلحته صدكيني هاي تكعد تصرخ عليه وما تفيده وبعدين حتى امها هجي اخلاقها وهي طلعت عليها طبعا
ام خالد: همزين نبهتينا وشكرا
زينب: لا شكر على واجب
وسدت التلفون وهي فرحانه لان هي خربت عليها
اليوم الثاني كعدت فاطمه من النوم وشافت بعده ما مخابر وزعلت ومن راحت ع الجامعه راحت لغرفه الاستاذ وسألته
وكلالها امي خابرتج ليش مرت ابوج ما كلتلج
فاطمه: لا
خالد: اسف انا مااكدر اتزوجج
فاطمه: بس ليش انا شسويتلك
خالد: امي اختارتلي بنيه وانا مااكدر ارفضلها طلب اختارتلي بنت خالي وانا اسف اذا جرحت مشاعرج
طلعت فاطمه وهي مجروحه وتبجي وتفكر معقوله زينب مااطتني النقال وهي حجت علمود تخرب عليه؟!معقوله حجت عليه اشياء مو زينه اووووف مليت من التفكير
بالاستراحه حجت لصديقاتها
شهد: معقوله وليش هجي سوت
ريم: انا اكلكم ليش هي ما تريد فاطمه تتزوج خالد لان ما تريد زوج فاطمه يكون احسن من زوج بتها فخربت عليها
فرح: هاي شنو يرادلها تربيه من اول وجديد شوفي فاطمه انتي بس ترجعين تسأليها
فاطمه: اوك
رجعت فاطمه غسلت لبست هدومها صلت بالغده سألت زينب
كلتلها زينب
زينب: شنو تردين انتي الثانيه
فاطمه: صدك الاستاذ مخابر يخطبني وانتي رديتي عليه وحجيتي عليه حجي مو زين
زينب: اي صح انا راح كلج الاستاذ
فاطمه:اي كلي اي دمرتيني اريد اتزوج وارتاح منج زهكتيني
من حياتي
زينب: ع كيفج سويتيها دراما
ابو فاطمه: ليش هجي سويتي وياها حراام عليج
زينب: حرمت عليك عيشتك انشالله انت وياها
وراحت فاطمه تبجي وتبجي لحد ما نامت
وزينب خططت حتى تزوجها واحد لا شغل ولا مشغله
وعدها صاحبتها اسمها ام احمد تريد زينب تزوجها واحد ما يشتغل وفقير
وكامت تمثل ع فاطمه كلساع تكللها حبيبتي اجتلها كلتلها حبيبتي كالت فاطمه خير شنو صاير تمرضتي ولمستها هاا هاي ارتفعت حرارتج
زينب: هههه دمج خفيف
فاطمه:خير شتريدين
زينب: اليوم بدلي وسبحي وصيري نظيفه جايينه خطار يخطبوج
فاطمه: هاااا فهمت لان هجي جاي تصيحيلي حبيبتي واشياء والله اول مره اسمعها منج
زينب: لا يا حبيبتي لا تكولين هجي يلا سرعي لبسي هدومج
فاطمه: انشالله
وخابرت صديقاتها وكلتلهم وكالو يلا قبلي حتى تخلصين منها وفاطمه قبلت وتزوجته بس هذا ما يشتغل وفقير بس قبلته
((فاطمه))
تخرجت من الجامعه وخلصت ماجستير ودكتوراه و صارت استاذه جامعيه وهي جانت اول وحده متزوجه وجابت بنيه بصديقاتها وهذا جان فقير وعنيد وما عنده فلوس بس استحملته وضلت هي تصرف يعني صارت هي الام والاب بنفس الوكت بس فرحت لانها خلصت من مرت ابوها بس بقالها شي واحد انو تخلي ابوها يطلك زينب
((شهد)) تخرجت من الجامعه صارت مهندسه معماريه وابوها مات وامها تزوجت دكتور وهي تزوجت مهندس مثلها بس مهندس حاسبات
((ريم))تخرجت من الجامعه وصارت معلمه وتزوجت محامي
((فرح)) تخرجت من الجامعه وصارت صيدلانيه وتزوجت دكتور اسنان
وبنت زينب ليهسه ما مكمله دراسه ومتزوجه
وزينب انقهرت لان فاطمه صارت احسن من بتها
اجه فد يوم تجمعوا فاطمه ومريم وازواجهم وراحوا لبيت ابو فاطمه راحوا تعشوا من خلصوا عشا بنت فاطمه كسرت صحن من المطبخ ركضت زينب كالت ولج انتي شسويتي رادت تضربها بس فاطمه لزمت ايدها
فاطمه: ما راح اسمحلج تعذبين بنتي مثل ما عذبتيني ما راح اسمحلج تضربين بنتي مثل ما ضربتيني تتذكرين لمن حبستيني بغرفه باااارده وماكو بطانيه ومقفول الباب هاا وجان عمري 9 سنين ولج 9 سنين حرااام عليج الي سويتي بينه ولج حتى بابا عذبتيه بابا ما راح تطلكها وتخلص من هذا العذاب ونرجع عائله مره ثاني حرااام تعذبنا هاا بابا ما راح تطلكها سكت الابو لفتره
فاطمه: خلاص انا رايحه اتمنى من كل كلبي تطلكها حتى ترتاح امي وارتاح انا من هذا العذاب ونرتاح كلنا
زينب: انا متأكده ما راح يطلكني لان هو يكره امج ويحبن......
كاطعها بابا وكال
ابو فاطمه: زينب خلاص راح نخلص من عندج ومن السم الي حطيتيه النا
زينب: لا لا
ابو فاطمه: زينب انتي طالك
فاطمه فديتك بابا بس لو جنت تحس بيه جان طلكتها من الاول بس ما جنت تحس بيه وهذا الطلاك اجه متأخر بس اخذت بثاري وفرحت من كل كلبي
فاطمه:ضربتها راشدي تتذكرين لمن ضربتيني مثل هاي الضربه
بس زينب ما تنازلت عن حقها وضلت بالبيت هي وبتها
وابو فاطمه بنا بيت لفاطمه وزوجها وابو فاطمه عاش وياهم تجمعوا الصديقات سوا وحجوا عن فاطمه
((فرح)) اااه شنو هاي العيشه العشتيها بس حل بيها بس حرامات راح البيت الها
((فاطمه)) اي حرامات جان بيه ريحه امي بس شنسوي بابا مسمي البيت بأسمها
((شهد))اي بس لو ابوج مربيها جان ما سوت هجي بس تاركها ع راحتها
((فاطمه))اي صح
((فرح))يمه فديتج مشتاقه لضحكتج
وكاموا يضحكون ويسولفون سوا
*****
*****
تباً لكل م̷ـــِْט تكبر وخان
واستهان بمشاعر انسان
ونسي انه كما تدين تدان

بقلم فرقان اياد