القصه واقعيه خياليه ( بعض من الواقع مع بعضا نت الخيال ) .. الحديث باللهجه العربيه العاميه .. بسهوله الفهم ولمراعاه ان بعض الناس لا يجيد الانجليزيه ..
ابطال القصه ( الاساسيين ) ..
#زين مالك
#نايل هوران
#هاري ستايلز
#ليام باين
#لويس توملسون
#بيري ادوارد
*وبعض الابطال الفرعيين
-
تبدأ القصه ..
زين نايم علي سريره ..
يصحي زين من نومه علي صوت شخص
زين اصحي ياعم
يازين
اوووف انا عارف انك ساعه لما هتصحي بس انا اعمل ايه كلهم سابوني وهربوا ومفيش غيري اصحيك
*زين يفتح عينه ويلاقي الشخص اللي عمال يرغي ليام
ليام : اخيرا
زين : في ايه
ليام : لا ياقلبي مافيش اي حاجه كمل نوم !!
زين : اها اوكي *بيتغطي
ليام : انت هاتستهبل ياض اصحي عندنا اجتماع مع مودست
زين : عارف .. بس انت عارف وانا عارف اني مبحبش اتكلم مع الناس دول لان بكل بساطه الشركه دي انا مبحبهاش لله ف لله ..
ليام : معلش قوم وكمان عشان تديهم كلمات الاغاني الجديده ..
زين : ليام انت عارف وانا عارف وكلنا عارفين انهم هيرفضوها هما رفضوا غيرها قبل كده
ليام : وبرضو وافقوا علي غيرها متنساش ده
زين : مش ناسي بس ..
ليام : من غير بس يلا قوم وبلاش الاحباط والكسل اللي انت فيه ده
زين : حاضر
* زين في عقله : والله ما هيقبلوا بالاغاني واراهن اي حد علي كده
- يلبس زين ملابسه ويروح هو وليام يحضروا الاجتماع
يدخل يلاقي باقي البويز قاعدين
اول ما يشوفوا زين الوان وشهم تتغير
*يسلم مدراء الشركه ويسلم علي البويز هو وليام
ويقعد زين جمب هاري
-
المدير : اظن انتو عارفين نظام الشركه
واظن انتوا مرتاحين جدا ومستحقاتكم بتوصلكم اول بأول
هاري : مش كل حاجه الفلوس
لويس : الاشاعات قرفتنا
المدير : الاشاعات ده جزء من الدعايه
يعني لما اطلع اشاعه انك بتحب البنت دي او هي حامل منك وقتها الناس هاتهتم اكتر باخبارك وتتابعك اكتر ووقتها يكتر جمهورك اكتر واكتر
زين : دي مش شهرة ده تدمير
المدير : احنا ..
* يقاطعه لويس
لويس : ايوة الكلام ده لو بنت لكن لما تقول ان هاري بيواعد اوباما
ولما تصورنا ف اوضاع مينفعش تصورنا فيها مع بنات .. ده يبقي اسمه تشهير بينا وبسمعتنا بغرض الربح
هاري : لويس خلي بالك من كلامك !
لويس : اسف هاري
نايل : هاري لويس مقصدش حاجه
المدير : قولتلكم دي سياسه دعايات وشركات انتو مش هاتفهموا فيها زينا
وبعدبن هو انتو خسرانين ايه ؟!
انتو فانزكم كل يوم بيزيدوا ..
عدد مشاهدات يوتيوب مليارات
كل شخص فيكم متابعينه ملايين
زين : اه بس انا محبش ان صورتي تتشوه
المدير : محدش هايشوه صورتك ولا صورة اي حد من البويز
ليام : خلونا نخلص من الموضوع ده .. قولنا اي رأيكم ف الاغاني اللي زين كتبها
المدير : اغاني ايه ؟!
زين : كنت كاتب اغاني للالبوم الخامس واظن وصلتلكم وقولتوا هانشوفها ونرد عليك !!
المدير : اه افتكرت .. لا معلش مرة تانيه نبقي نختار الكويس منها نحطه
زين : بس ده مش شغلكم انتو احنا اللي بنغني مش انتو ..
نايل : اهدي يازين الامور متتاخدش كده
هاري : زين هايتحطوا ف الالبوم الجاي اطمن
زين : يعني ايه هو كل مرة علي كده
*لويس يغير الموضوع عشان متحصلش مشكله
لويس : اممممممم ياريت منصحاش الصبح علي اشاعه جديده ف the sun ( جريده تابعه للمودست )
عشان انا اتخنقت .
المدير : متقلقش
المدير : نتكلم شويه عن الفترة الجايه .......
وبعد كلام كتير واوامر من المدير للبويز .
*ينتهي الاجتماع
* البويز خارجين من الاجتماع
-لويس يحط ايده علي كتف زين
لويس : متزعلش
زين : عاادي انا اصلا اتعودت متشغلش بالك
*يكملوا البويز اليوم عادي وف اليوم التاني يستيقظ زين علي صوت موبايله *المتصل بيري
زين : الو حببتي
بيري : انت شخصيه حقيرة
زين : في ايه ؟!
بيرين : اسأل نفسك ... او اقولك افتح تويتر او اقرا الصحف .. باي
زين : بيري استني
* بيري تقفل السكه
زين يقوم من نومه بسرعه ويكلم ويجري لسرير لويس
زين : لوي اصحي فين موبايلك ؟!
*لوي ايده علي عينه ويصحي من النوم
لوي : ليه في ايه ؟!
زين عاوز اشوف حاجه علي تويتر * زين فقد باسورد موبايله الايفون ورماه وهو حاليا معه موبايل نوكيا طراز قديم
لوي : اهو خده..
--
وبكده انتهي البارت الاول يارب يعجبكم
ملحوظه ،، لو في حاجه غلط ف هي خياليه لان القصه خياليه حقيقيه فيها جزء من الحقيقه وجزء من الخيال ده لأني بحاول اوصل المعلومات بطريقه سهله :) !
