سالي #
كعدت من نومتي طبعا كلش جنت دايخه بس ارتاحيت من نمت المهم كعدت وجنت جوعانه كلش شفت رند كاعده وتباع على التلفزيون كعدنه انسولف وناكل لحد ماشبعنه
رند : عرفيني عن نفسج يعني ارد اعرف انتي منين انتي شنو ادرسين انتي اشكد عمرج وهيجي ..؟؟
سالي : اوك .اني اسمي سالي طبعا كلهم يدلعوني سالو عندي امي وابويه واختي زهوره (زهراء ) عمري 18 اتخرجت من السادس طلعت معدل 98%
اي وعاد اجيت هنا اكمل دراستي وانتي ..!!
رند : اني عمري 19 سنه اهلي متوفين عندي بس اخ اسمه محمد اي وهوه بالعراق اهناك يدرس واني هم اجيت اهنا اكمل دراستي ..
سالي : زين انتي اتعرفين اي شي اهنا يعني زايره اماكن منه ومنه ..؟
رند : اي طبعا اذا تردين انروح عادي نروح اشوفج اماكن نكعد اهناك ابأي مكان تردين "
سالي : اي والله اني ضايجه كومي بدلي لعد واني هم ابدل اووك
رند: اوك يله .
سالي #
الصراحه حبيت لبنيه حبابه وخلوقه وبسرعه صارت صديقتي يعني تنحب ومرحه يعني حبيتهه بسرعه ياريت لو زهوره يمي جان هسه بس نتعارك اني وياهه اشتاقيتلهه بله خلي اخبارهه ..
-المكالمه ..
الوو زهور
- الو سالي
- اشونج كلبي
-اني زينه وانتي اشونج خومه ضايجه وحدج
-لا والله الحمدالله اني هسه ساكنه ويه طالبه يعني حبابه بشكل
- اها خووش انتي نمتي لو لا
- اي نمت الحمدالله اشوي صرت احسن اني هسه راح اطلع ويه رند
- رند منوو ولج
- اشبيج ولج هايه السكنت وياهه
-اها عبالي هههه
- يله حبيبتي راح اروح طمني بابا وماما كوليلهم وصلت سالي وتسلم عليكم وتبوسكم
- يوصل حبيبتي مو تنسين طكيلي صور انتي وهايه الي شيسموهه رند اوك باي
- اوك كليب باي
تابع --
