gabayo jacbur ah abwaan dhoodanby amiir amiin

qeybti hore

War horta ninyahaw anigu waan jeclaadaye

Gabadhbaan jeclahay oo i jecel, mana jeclaadeene

Haddii ay i jeclaatana ma rabo inaan jeclaadaaye

Ninkii ay jeclaatana la waa inuu jeclaadaaye

Kii aan jeclayn waa iyadu inay jeclaataaye

Jacaylkagya iyo keedu waa laba jeclaadoone

Gabadh jinaha dhuudhuuban waa inaan jeclaadaaye

Tu naasuhu janjeedhaan waa inaan jeclaadaaye

Middii jeer la moodoo dhan waa inaan jeclaadaaye

Garoobtii i soo jiidha waa inaan jeclaadaaye

Islaan baradho jiidaysa waa inaan jeclaadaaye

Duqdii jaadka gadaneysay waa inaan jeclaadaaye

Habar jeenyo buurbuuran waa inaan jeclaadaaye

Wadaaddaanse jeclaadee dharraar macawsta i siisay

Gurigeeda waagaan tegee ay shaaha ii karisay

Haasawaheedii kolkuu sooba madhan waayey

Feedhka iyo tantoomada sideer uguma boobeene

Kolkay qaad i siinweydey ayuu mawdku ka adeegay.

Ninkii dumar jeclaadaase wuu yara ammaantaaye

Adna waxaaban kuu soo fekeray hadallo dhaadheere

Midabka iyo quruxdaadan ayaan yarahe faalleyne

Gabadhyahay casaantaadu waa dhuxullo meygaage

Afkaagana madowgiisu waa nuuraddoo kale e

Sidaa aawadeed baan jacayl kuugu soo kacaye

Guurna waaban kaa doonaya sidaa dharraatiiye

Timahaygu siday yihiin eed cirrada moodo

Duqdnimiyo gabow igama aha oo wayska dhalankaye

Adiguna carruurbaad tihiyo sida dhallaankiiye

Isku qayrna waa nahay anuun baa laba Gu! kaa weeyne

Sanadkii Daraawiishtii baan dhoocillo ahayne

Dhallinyaro inaan nahay dadkuba waa ogsoonyahaye

Inan iyo barbaar baan nahaye waan lagaranayne

Raggaa kale juuq ha u odhan aniga mooyaane

Kii kula hadlana waa inaan feedh ka badiyaaye

Haddii layga kaa dhaco waxbaan sahayan doonaaye

Dameer dhagaxa waa inaan gurtoo qaylo kiciyaaye

Naagtana ka iga qaada waa inaan ka dhuuntaaye

Ninuu ciil lafaha buuxiyoo dibinta ruugaaya

Oo luqanta hoogaamiyo gegi xarriiqaaya

Haddii kii xumaantaa ku falay weliba maad maagtid

Sidii laba digaag sow ilkaa layska cuni maayo.

Sidii baasto ciir lagu daray oo faanto lagu qooyey

Ama badar galey oo hadhuudh lagu madoobeeyey,

Ama habar yaroo toban jiroo naasku dhagaxoobay,

Oo daasad wadato oo xarago dhan isu tuureysa,

Quruxdeedu waa sida nal iyo booc tubaako ehe.

Geesiyadna way tahay ilayn sharafku waa saase,

Ma cabsato oo hooyadeedna way la dirirtaaye,

Cayda iyo dagaalka gabdhaha way ka badisaaye,

Ninkii la hadla way taqaan inay dacwaysaaye.

Sidii kaneecaday uga baqaan derisyadooduye,

Reeraha ashuunkooduna way jabin taqaanaaye,

Qofkii maaga iyo naagahay timaha jiiddaaye,

Gabadhaa intaa caanshaqay baan meeday leeyahaye,

Ninkii iga jeclaadaan rabaa in aan budheeyaaye,

Amaanteeda maba sheegi karo caawo oo qura e.

Waa sida macaan iyo qaraar laysku soo daraye,

Ama caano qaat iyo basbaas ay ku kariyeene,

Deganaanta laafyaha kolkay jagac ka siinayso,

Bushkuleeti nimaan fuushaneyn gaari kaari waaye.

Sidii habar sarwaal qaadatey oo laad ku kicineysa

Gabay fiican oo fiican baan anigu sheegaaye,

Reer magaal iyo reer baadiyuu ficil dhex joogaaye,

Kolkuu shaararkii kaa gurto oo lacagna kaa qaato

Maxaad dhaqatay buu ku yiraah waayo dabadoode.

Haddey dumarku lacag leeyihiin maba gaboobaane,

Kol hadey qubeys iyo wejiga boodhar ku cadeyso,

Lixdankii sideed baan jiray kugu tiraahdaaye.

Jaceylkana anaa kala bartoo wuu i daashadaye,

Gabdhahay ka daba ku boodayaan lacag ma haystaane

Habar kow iyo boqol haysataa la ogolaadaaye,

Sheekooyinkeedana waa laga dhageystaaye,

Haddey tiraa shan baan diiday waa laga dhagaystaaye,

Haddey tiraa cirkaan taabtay waa laga dhageystaaye,

Haddey tiraa dhulkaan quusay waa laga dhageystaa,

Haddey tiraa baddaan jiiray waa laga dhageystaaye,

Haddey tiraa anaa kaa yar waa laga dhageystaaye.

Gaarinimo kolkey sheegatey muranka dayn waydo,

Waxaa lagu yiraahdaa buloy shaaha inoo kariyoo

Qaxwahay sameysaa hadduu muufo noqon waayo

Kolkaa been inay sheegtay baa lagu ogaadaaye.

cawrala riyoy anigu waan kugu riyodaye, raarkii hadaad joogto waan kugu riyodaye. hadad suqa roreso wan kugu riyodaye hadad gaari racayso wan kugu riyodaye hadad badarka riqayso wan kugu riyodaye hadad rooti gadanayso wan kugu riyodaye hadad rashin garinayso wan kugu riyodaye aan kugu riyode intaan riyonayo adiguna riyada waad in ad igu riyotaye labada is rabto wa in ay isku riyotaye labadan is rabin wa in ay kala riyodane mid hadu wax rabo waa in uu dhinac u riyodaye labadoda kaan la rabin waa in uu xanaqriyodaye