He's A Devil [Fin]

Devil # 1

 Chapter 1

Naglalakad ako sa gymnasium ng Leonel International High School dahil napagkasunduan namin ng bestfriend ko na si Leslie na dito magkita. Inikot-ikot ko ang tingin ko sa paligid hanggang sa makita ko na siya.

"Eunice!" sigaw ni Leslie.

Hindi ko maintindihan kung bakit siya sumisigaw kaya naman napatigil ako sa paglalakad ko at nilingon-lingon ang paligid ko. Tuloy tuloy padin siya sa pagsigaw niya, "Eunice! Eunice!"

Biglang napaupo na lang ako sa sahig sa sobrang sakit ng pagkakatama ng bola sa ulo ko. Nagtakbuhan naman ang ibang mga tao at si Leslie  papunta sakin para tulungan ako . Sobrang sakit ng pagkakatama ng bola sa ulo ko. Parang sinadya na ibato sakin ang bola sa sobrang lakas ng pagkakatama.

"Miss, okey ka lang?" tanong ni Joshua. Isa sa mga sikat na estudyante dito sa LIHS at captain ng basketball team.

"Okey lang yan pare. Hayaan mo na yan, maglaro na ulit tayo," sabi ng isang lalaki na kateam mate niya habang pinupulot ang bola, "Mahina lang naman yung pagkakatama ko ng bola sa kanya. Pasalamat siya hindi yun malakas. May patayu-tayo pa kasi malapit sa court, alam namang may naglalaro."

Siya pala ang nakatama sakin ng bola at hindi daw malakas ang pagkakatama ng bola? Kung siya kaya ang batuhin ko ng bola.

"Kung nag-iingat ka kase para hindi ka nakakatama!" naiinis kong sabi.

"Ikaw pa may ganang magalit! Ikaw nga yung di nag iisip diyan," sigaw niya sakin, "kung hindi ka humaharang-harang sa gilid ng court. Alam mo namang may naglalaro."

Ang mga taong tumulong sakin na tumayo kanina, nanonood na ngayon sa sagutan naming ng lalaking ito. Napatingin naman ako kay Leslie at ibinalik sakin ang isang ekspresyon na parang sinasabi na 'wag kana makipag-away.'

Kahit na parang pinagsaabihan na ako ni Leslie, hindi ko ito pinansin at lalo ko pang sinagot ang lalaking nasa harapan ko, "Ikaw na nga yung nakatama diyan eh. Tapos wala man lang sorry?"

Mukhang lalo pa siyang nainis sa sinabi ko, "Sino ka ba ha? Bakit kailangan ko magsorry sayo? Dapat kasi, ginagamit mo yang utak mo."

"Makaalis na nga. Wala akong panahon para makipag away sa mga makikitid ang utak" sabay hila ko kay Leslie dahil ayoko nang gumawa ng mas malaki pang eksena.

Hinatak ko si Leslie hanggang sa makarating kami sa classroom at doon na lang kami sa loob ng classroom habang hinhintay ang bell.

"Eunice, bakit mo naman sinigawan 'yun?" tanong niya sakin.

Huminga at ng malalim atsaka sumagot, "Ako pa kasi yung sinisisi niya. Siya na nga yung may kasalanan. Akala mo kung sino."

"Pero Eunice, mali kasi ang ginawa mo. Maling kalabanin yung lalaking na iyon. "sabi niya.

Napakunot bigla ang noo ko, " Ha? Sino ba siya? " tanong ko. Hindi ko kasi kilala 'yon. Ang alam ko lang kayear level naming siya dahil nakikita ko siya madalas sa hallway ng juniors at dahil nga kasama niya ang mga varsity, paniguradong player din siya.

"Siya lang naman si Adrian. Siya yung tinatawag nilang Prince Devil ng Pilot Class. "paliwanag ni Leslie.

Napatahimik na lang ako bigla. May naaalala ako tuwing maririnig ko ang pangalan na Adrian.

"Okey ka lang?" sabi ni Leslie.

"Wa-wala," sabay iniba ko na ang topic, "bagay lang talaga sa kaniya na tawaging Devil. Nakakainis ang ugali niya."