جهاد #
استسلمت لكلام امي وقررت العوده الى المنزل وبعد قليل اتصل احمد
-الووو
-هلوو حمودي
-هلو بيك عيني وين هالغيبه
-والله مشغول شويه
-انته وين هسه
-بالكاظم
-هههه صدك تحجي
-اي ليش
-اول تالي جهاد يزور شو صاير متدين هاي الايام
-ليش بله
-يعني لاشرب لا بنات لا صياعه شكو شبيك
-هاا شويه مليت وحبيت اغير
-هههه اي ادري بيك كم يوم وتجيني ،،خلي نصيع شويه مو هذا حجيك
-ههه اي ولكن في قديم الزمان
-اووو ليش شتغير هسة
-ماكو شي بس ،،،،اكلك بعدين اخابرك يله باي باي
اغلقت الخط بسرعه عندما رأيت ريتاج تأخذ هاتفها من الامانات الموجوده في الامام
-يمه شوفي ريتاج بعدهة مارايحه
-صدك وينهة
-هاي واكفه يم ابو الموبايلات
-هاا زين انته اوكف هنا واني رايحتلهة
-شراح تكوليلهة يمه اوكفي ،،يمه ،،،لم ترد علي وذهبت اليها يبدو انها تحبها اكثر مني
ريتاج#
ذهبت لاستلام موبايلي وسمعت صوت من خلفي
-ها بعدج تبجين لو كملتي بجي ،،،، استدرت لارى امرأه تقف خلفي وتنظر الي فقلت
-عفوا تحجين وياي
-اي وياج مو انتي قبل شويه جنتي تبجين
-اهاا انتي الي اجيتي عليه قبل شويه ،،اسفه ماعرفتج
-شنو جايه وحدج لو اهلج وياج
-لا وحدي
-وهسه راح ترجعين للبيت
-اي
-شلون ترجعين وبعدج مامشتريه شي لاهلج منا ميصير
-لا بس حتى لو ردت اشتري مااعرف شنو اخذلهم
-زين تعالي وياي للسوك اني هم بعدني مامشتريه شي
-لا خاله اسفه بس
-لا بس ولاشي ،، اني هسة اذا ابني راح للكاظم ومجابلي شي انقهر فأكيد امج من ترجعين ومتذكيرهة بشي هم تضوج
-لا كلشي ولا امي
-لعد يله امشي
-ماشي خاله
في طريقنا الى السوق سألتني المرأه
-صدك انتي شسمج
-اسمي ريتاج
-حلو اسمج
-شكرا وانتي شنو ،،
-اني اسمي هناء
-تشرفت بمعرفتج خاله هناء
-الي الشرف اكثر من عرفت هيج بنوته حلوة ،،، احجيلي عنج شويه
-يعني مثل شنو
-يعني عائلتج ،ادرسين لا هيج يعني
-عائلتي اربع نفرات اني وامي وابويه واخويه متزوج وعايش باربيل ،،،واني طالبه بكليه صيدله مرحله ثانيه
-اي زين شطورة ،، متزوجه ؟؟
-لا
ولاحتى عندج حبيب
-حبيب لا ماعندي
-ليش يعني عمرج ماحبيتي
-الحب ماله وجود بحياتي
-هاا احسلج هيج مرتاحه
-اي كلش مرتاحه ،،،،،قلتها بصوت خفيف يملئه الالم
بعدها مررنا من جانب محل للاطفال فتوقفت امامه ثم دخلت اليه ....رأيت الثياب الصغيره والناعمه وجواربهم الجميله بصغرها ورقتها بدأت اتلمسها كلها وفجأه رايت احد الثياب مكتوب عليها (صباح الخير ياماما ) امسكته وبقيت انظر اليه بحسره لاني لن اسمع هذه الكلمه ابدا ،،،،وعندها دخلت الخاله هناء وقالت لي
-وينج خليتيني ادور عليج ،، جان كلتيلي حتى اجي وياج ،،،اففففف تعبتيني
-اسفه ،،قلتها وانا لازلت انظر اليه والدموع تتجمع في عيني ولكني لم ارد ان ابكي الان ايضا
-الله شكد حلوات ملابس الجهال
-اي
-تدرين ماكو احلى من شعور الامومه ،اني من جبت ابني جهاد الدنيا ماجانت واسعتني من الفرحه ،،
-لهاي الدرجه حلو هذا الشعور
-اي ماكو احلى منه هسه تصيرين ام وتشوفين شكد حلو
-عندها نظرت اليها وقلت ،، ياريت
وبعدها ارجعت الثوب الى مكانه ونزلت دمعه من عيني لم استطع اخفاءها اكثر وخرجت بسرعه من المحل
-ريتاج اوكفي شبيج
-مابيه شي ،، خلي نطلع اني تاخرت هواي
-اي ماشي بس ليش عيونج حمره هم رجعتي تبجين
-لا لا بس يجوز فات بيهة تراب اوهيج شي يعني
-اي تمشيهة عليه ،، اكلج تعالي اريد اشتري فد فستان لبنت اختي بعدهة شابه بعمرج
-اي ماشي يله ،،هي يالون تحب
-ماادري انتي اختاري على ذوقج ،، شمعرفني بنات هل الوكت شيحببن
-اممم زين شنو رأيج هذني اخضر وازرق اني احب هاي الالوان هسه انتي اختاري ياهو الاحلى
-ماادري اثنينهن حلوات انتي ياهو العاجبج
-اني عاجبني الازرق
-اي حلو شوفي نفس قياسج
-ليش هي مثل قياسي
-اي اي هي هم ضعيفه مثلج
-اي نفسه
-زين لعد خلي ناخذه ،،،، اوو ياربي نسيت باقي الفلوس يم ابني
-ولايهمج خاله اني ادفع
-لا لا بنتي ميصير شلون انتي ادفعين
-انتي مو تحسبيني مثل بنتج
-اي طبعا
-لعد خليني ادفع عنج
-ماشي
-تفضلي خاله انشاء الله يعجبهة ذوقي
-اوكفي بنتي قبل لاتروحين انطيني رقمج حتى اخابرج لان صرتي بنيتي بعد
-تدللين خاله سجلي يمج ....
-بنتي تجين وياي اوصلج ابني ينتظرني بالكراج
-لا لا خاله ماكو داعي اني هسة اخذ تكسي واروح
-شلون ترجعين وحدج بنص الظهريه بعدين هذوله اهل التكاسي ميتأمنون
-لا تخافين خاله اني متعوده على هذا الشي روحي انتي ولا يضل بالج
وبينما نحن نتكلم حصل مالم اتوقعه ،،،،
-هايمه شو تأخرتي ،، لحظه انا اعرف هذا الصوت انه ،، لا لا لايعقل ثم نظرت اليه
-انته !!!!
-اوو ريتاج هلو شلون صرتي
-ها ابني تعرفهة
-شنو ابنج
-اي هذا جهاد ابني الجبير
-لا ياالهي ،،، بسرعه وضعت يدي على عيني واستدرت لاني كدت اموت من الخجل
-هههه شبيج ريتاج هاي امي شنو خجلتي
لم ارد عليه وبقيت واقفه بمكااني واضعه يدي على وجهي
-ريتاج انداري شبيج مواحجي وياج شنو بس شفتيني سكتي
-بنتي انداري شبيج عادي قابل هسه شصار بالعكس صدفه حلوة
-استدرت ونظرت اليه بخجل شديد وقلت
-خاله اني رايحه مع السلامه
-اوكفي اوكفي وين رايحه تعالي خلي اوصلج وياي
-لا لا ماكو داعي اني اروح
-تعالي ولتعاندين مثل كل مرة ،،،، نظرت اليه بغضب وكدت ان اصرخ بوجهه ولكن تذكرت ان امه تقف بجانبي فلزمت الصمت
-يله بنتي تعالي صعدي ويانه حتى تصير وحده بوحده انتي دفعتي الفلوس واني اوصلج يله يله
-بس ..
-اهوو يابنتي شكد تعاندين ليش تزعليني منج يله تعالي
-ماشي خاله مثل ماتريدين ،،، صعدت السيارة وجلست بالخلف وجهاد وامه بالامام ،،، كان ذلك الاحمق ينظر الي من المرأه ويبتسم ،، كنت اريد ان انزل وبسرعه ولكن هو كان يمشي ببطء
