رفيقات السكن

part 1

اهلا بكم في عالمي..
انا الان امتلك مكتبه جميله كبيره تملأها الرفوف وبداخلها كتب كثيره ..اغلب الكتب لم اقرأها واكثرها جاءت لي عن طريق الهدايا..
احب جمع الكتب واحب منظرها في المكتبه ولكن لااحب قرائتها كثيرا فهناك كتب معينه اقرأها..
ورثت هذا الشيء من والدي ..
احب قراءه الكتب الثقافيه خصوصا حول ثقافات وعادات الشعوب المختلفه..فكل دوله من الدول يتميز سكانها بعادات خاصه به ..
حتى وان سافر الى غير دوله تبقى هذه العادات مترسخه فيه..
لم اتوقع ان لدي موهبه الكتابه..
ولكن انتم من شجعني على الكتابه..
انتم من غير افكاري وغيرني..
اصبحت انسانه اخرى بعد معرفتي بكم..
وها انا اكتب قصه لقاءنا لتكون اجمل روايه سأشارك بها في معارض لافتخر بكم..افتخر بأنكم صديقاتي فقط..
وانتم ابطال هذه الروايه..
ومن هنا بدأت الحكايه:
اسمي مينا عراقيه من اب عربي وام كرديه..والدتي من يراها لايعتقد انها كرديه لانها تتكلم العربيه بطلاقه..
عمري 19سنه وبعد حوالي 5اشهر سأدخل في العشرين يقولون انها اجمل مرحله في العمر يصبح فيها الشخص ناضجآ ..اي يخرج من دور المراهقه الى النضوج..
ولكن للنضوج جوانب سيئه لايسعني التكلم عنها الان ..
أنا ابنه ابي المدلله وفي بعض الاحيان امي تشعر بالغيره لانه يحبني حد الجنون ..لانني فقط وحيدتهم ليس لدي اخوه..
عشت فتره طفولتي والى الان مدلله ..
ولكن رغم ذلك علمني ابي قواعد الاخلاق والاحترام ومساعده الاخرين وعلمني كذلك اصولنا وعاداتنا واينما نذهب سنضل نمشي على خطا عاداتنا وتقاليدنا واقصد بها العادات الحسنه وليس بعض عادات التخلف في مجتمعنا الشرقي للاسف...
بعد حرب عام 2003 المدمره انتقلنا الى شمال العراق وتحديدا في مدينه السليمانيه ..وبعدها ب4اعوام اي 2006 انتقلنا الى الاردن ..
حصل والدي وظيفه في احدى الشركات ف استقررنا هناك...
عشت في غربه بعيده عن وطني كنت احن واشتاق له كثيرا اما العطل فكنا نقضيها في العراق..
اكملت دراستي الثانويه في عمان ..حصلت على معدل عالي جدا يؤهلني الدخول الى اي جامعه اريدها ..ولحسن حظي ان الحكومه العراقيه قررت تكريم الطلبه الاوائل خارج العراق وكنت انا من ضمنهم..كان التكريم على شكل منحه دراسيه في الجامعات الاوربيه مدفوعه التكاليف ...
بعد سماعي بالخبر:
_بابا بابا باباتي
_هلا بنتي شصاير
_خابرت نبأ هسه تكول ابوها سمع انو السفاره راح تكرم الطلبه العراقين الاوائل ..
_اها يالله ع الخير وانتي وياهم مو؟
_اي بابا بس..
_بس شنو؟غير افهم
_هذا التكريم رح يكون على شكل منحه دراسيه
_اها بعد احسن شفتي التفوق شلون يسهل الطريق ويخليج تدخلين للجامعه الي تريديها..
_اي صح باباتي اني وياك بس..
_استغفر الله بس شنو دحجي عاد؟
_المنحه لجامعات اوربا
_هااااا؟؟
والدتي سمعت الحديث ودخلت للغرفه:
_اوربا؟؟من كل عقلج تردين ترحين لاوربا شنو سلامات ست مينا
_ماما بابا اني ماكول رح روح لاوربا بس اكول المنحه الي رح تعطيها السفاره هي لاحدى الجامعات الاوربيه
_اكيد مترحين لو انت ابوها عندك غير رأيي
_باجر اروح استفسر واشوف شنو القصه
_اي تروح لو ماتروح انت هي ماتسافر شنو وين كاعدين؟
_ماما بس انتي مسألتيني عن رائيي؟
_كلتلج ماكو يعني ماكو خلص
في هذه الاثناء غضب ابي وقال:سدو الموضوع كلتلكم باجر اروح ويصير خير
_حاضر بابا
_ضل انت دلع بيها تالي نشوف اخر دلالك ل وين رح يوصلنه
_اتصور كاعد اشم ريحه اكل ديحترك
_يااا عزه عفت الاكل ع النار
ذهبت امي الى المطبخ..وضلت تتكلم باللغه الكرديه معروف عنها عند الغضب تتكلم كردي..هه
_بابا..قلتها بمسكنه
_اش مينا كلت باجر اروح ويصير خير
_حاضر
انتهى اليوم على خير..
في اليوم التالي:
ذهب ابي صباحا الى السفاره..ليستفسر
وجاء الى المنزل في الضهيره متعب جدت بسبب ارهاق العمل وانه في الليله الماضيه لم ينم يفكر بمستقبلي..اخبرتني امي بذلك..
_سلام عليكم
_وعليكم السلام حبيبي
_الله يساعدك بابا
_هلابيكم
_تعال ارتاح وغسل وصلي حتى نصب غده》قالتها امي
_لا هسه ماجوعان بس تعالوا اريد احجي وياكم
ذهبنا الى الصاله وبدأ والدي بالحديث...
_رحت وسألت
_اي بابا شنو صار ؟قلتها بلهفه
_هاي المنحه الدراسيه الى لندن
_يااااي وناسه
_انجبي وناسه شنو كلتلج ماكو》ردت امي بعصبيه
_اوكفي نداء خلي اكمل حجي
_بس كالو الطالب الي ميكدر يسافر ينطوه المنحه بالجامعات الاردنيه
_اي زين هاي هي ماتروح للندن شنو بنتك تروح للندن تدرس هناك الله يعلم شكو هناك خلاص حالها حالةالعالم تداوم هنا
_ماما اسمحيلي هاي فرصه بالعمر متجي الا مره وحده بابا انت شنو رايك؟
_اني هسه افكر والقرار يابنتي الاول والاخير الج
_ضل انت مدللها وتاليها تجيبلك مصيبه من ورى هالسفره
_مصيبه شنو احجي لتعصبيني يعني حضرتج متعرفين بنتج واخلاقها
_اي بس اوربا تختلف عن هنا
_كافي سكتي اني اكول لازم اول شي نسمع رايها وبعدين نقرر لتصيرين متخلفه
_بابا؛ماما..للتعاركون ..ماما مو انتي اهلج بسليمانيه مو انتي كرديه مو عجبج تدخلين اختصاص معين مموجود بس بغداد واهلج نطوج فرصه ترحين وتكعدين باقسام داخليه..هسه اني شنو افرق عنج شو نفس العمر احنه ؟؟
_تفرق لان احنا زمانا غير ..ثاني شي اني ببلدي وقريبه ع اهلي ..مو مثلج من قاره لقاره..
_شنو يختلف اتصور مواصلات قبل مو مثل هسه شو هسه بكم ساعه تنتقلين من قاره لقاره وماما انتي بكل الاحوال ابتعدتي عن اهلج يعني ماتفرق والله انتي بس انتبهي..
_احجي ابوها انت شو سكتت
_تردين الصدك منتضر تخلصون كلامكم الي بلا طعم نوب احجي
_شوف تقارن نفسها بيه اني مثلها؟
_اي انتي هم جنتي نفس عمرها مااتصور انتي انتقلتي لبغداد بعمرج هذا وبعقلج حاليا
_اي صحيح
_بابا انت مدللني وماانكر هالشي جبتها من اول ماصرت ليهسه كله دلال بدلال خلوني اعيش واقع واعتمد ع نفسي بابا الله يخليك لتحرمني من هاي الفرصه تراها ذهب
_كتلج تنجبين وتكعدين هنا شدرانه شيصير هناك
_مامم مانجب ..ثاني شي انتي متعرفين بنتج عدل اني لو اريد اسوي شي مو زين واني بنصكم اكدر اخونكم بس اني اختلف انتو ربيتوني ع الحلال والحرام والغلط والصح..ثالث شي خاله ريم هناك هي وزوجها بلندن يعني ماروح لمكان ماكو احد بي عرف..
_اي صح نداء خالتها هناك وتكدر من تحتاجها تروحلها
_اكولك انت ليش هيجي واثق ببنتك ومنطيها حريه دا اكولك لندن هاي تعرف شنو تكدر تضمن بنتك
_ندددددداء//قالهاابي بعصبيه//شنو قصدج ماعرف اربي اني شو اني بعنادج وبسبب هاي لحجايه من باجر اخذها واقدملها ع المنحه واريد اثبتلج بنتج شنو عيب عليج يامره اتقي الله هاي بنتج مو عدوتتج واني مربيها عدا واثق بيها..مثل ماانتي وثقو بيج اهلج ..وصح كلام مينا لو تريد تسوي لاسامح الله تكدر تسوي وهي هنا ..خلص الموضوع ماريد اي نقاش بعد..وثاني شي خالتهت ورجلهت هناك يكدرون يديرون بالهم عليها
_بس
_اش كلتلج خلي تسوي الشي الي تطمح بي صح البيت رح يفرغ علينه بس مانكدر نوكف ضد مستقبلها خلاص مادام هي راغبه بهذا الشي لازم نحققه الها..
انتهى النقاش وكان ختامه مسك سانتقل للندن(يمه الحب يمه ههه)
قدمت الاستماره وقالو بان القبول والسفر سيتم بعد شهران ..
امي لم تكن راضيه اول الامر ولكن بعد ذلك استقبلت امر الواقع..وقضيت الشهران معهما انام في بعض الاحيان معهما في الغرفه..
انقضى الشهران بسرعه ..جهزت نفسي واشتريت ملابس (((كووووومه مالت وحده مخترعه))))وقررو ان يحضرو لي حفله وداع دعونا اقاربنا والناس المقربين واصدقائي..وبالفعل بدأت الحفله بفرح وانتهت بدموع الوداع..هىء هىء
قبل سفري بيوم اخبرت امي عن تراجعي واني لن اذهب للندن ولكنها هي ووالدي قاما بتهدئتي واقناعي بالذهاب..
في صباح اليوم التالي رافقاني والداي الي لندن ..وكانت اول زيارتي للندن وبدايه مشواري ومغامراتي...

.
.
.