حبيبي خليجي

١

كثيرا ما نخطط لمستقبلنا ظنا منا انا سوف نعيش مثلما خططنا ولكن الله سبحانه وتعالى يرسم لنا الافضل دوما وربما تختلف طرقنا ولا نحصل على الذي نتمناه لكن دوما سيجعل الله سبحانه لنا طريقا افضل لنسلكه...
وانا جالسة انتظر في حدائق الجامعة شردت بذهني الى الصف الخامس اعدادي عندما كنت في المدرسة ....
Bano ..Bano

نور _ جوري .. وصلج السرة يلة كولي شنو تخطيط للمستقبل شنو تحلمين اطلعين بالسادس وشنو مواصفات فارس احلامج .
جوري _ اني ...امممممم... اولا راح اطلع معدل عالي ان شاء الله حتى ارضي بابا وماما وبعدين راح اختار كلية هندسة واريد قسم مدني لان احب هذا القسم كلش واريد انخطب مرحلة ثانية واتزوج واقضي شهر العسل بفرنسا وطبعا اكمل دراستي واريد اخذ مهندس واتخرج من الكلية واني متزوجة ..
ريم _ شنو هاي قصتج حياتج كله سولفتيه ومنو كلج اطلعين هندسه عيني الهندسه معدلهة عالي ..
جوري _ وانتي شنو اصلا هسه اطلعه وتشوفين (حرارة بس تغار ).
نور _ جوري كملي شنو مواصفات فارس احلامج ..
جوري _ اي اي طبعا اريد اسمر مو شرط ابيض لان اني بيضه واريده طووويل ...قاطعتني ريم ..
ريم _ طبعا يصير طويل حتلو طوله شبر لان انتي شقصراتج ..
جوري_(هسة هاي مال كفخة ) لا عيني اني ناعمة وقصيرة يعني ميبين بيه الكبر واصير سنفورته وعاجبني ترة ..قطعت سلسلة افكاري نداء صديقاتي عسل و رزن ..

Bano ..Bano

رزن _ جوري .. لج جوري هاي شبيج مو دنحجي وياج وين صافنه ..
عسل _ اكيد تفكر بالحب شون صفنه مال عشاق جوري _ ممكن تلصمن اصلا جنت داافكر بالمدرسة .
رزان _ يامدرسة يابطيخ وانتي بقالج سنه وتتخرجين .
جوري _ يعني الة تذكريني مو خليني ناسية اف ياربي مااريد اتخرج شنو هل العيشه ....
عسل _ عاتي عاتي عمري سويه 10سنين اصل الهندسة كلشي يصير بيه ...
جوري _ ههههههه خبلة يلا امشن هسة تبدي المحاضرة وهذا ابو الsoil غثة بسرعه يطرد لو ميسجلنه حضور وهو شلونه وجه الجوب ماابلعه ...
عسل _ لا لتوكلين على استاذ كريم هيجي فدوة يضحك ..
رزن _ يضحك اي بس على ساعه تطبك عنده ويكوم يسأل بالطلاب و يفشل واني دمي ينشف ...
جوري _ اذا تبقن تحجن هيجي نكظي المحاضرة بره القاعه يلا امشن ...
Bano.. Bano

الان سأعرفكم علية اسمي جوري عمري 21سنة تحققت امنيتي وجبت معدل عالي بالسادس 92 ودخلت هندسه وقسم مدني (موتي ياريم بدمج من القهر ) وهسه اني مرحلة ثالثة كورس ثاني طبعا لا انخطبت ولا اتزوجت ولا صخام وسافرت لباريس ام احلام خلي اوصفلكم شكلي الحمد الله بدون غرور اخبل ههههه اني قصيرة اي سنفورة بمعنى الكلمة طولي 152 و شعري لونه بني فاتح وعيوني عسلية واني بيضة (مو دجاجة ) وانتوا عدكم الحساب ... صحيح مصار كل الي اتمناه بمستقبلي بس حصلت على احلى من الي تمنيته الحمد الله حصلت على اروع صديقات يمكن يحصل عليهن انسان فدوة اروحلهن يجنن عسل و رزن طبعا وحده احلى من الثانيه اوصفلكم اياهن عسل هية عسل فدوة اكيد اطول مني بس طوله حلوة يعني يوصلو159 يعني متوسط و بشرته حنطية وعيونه كبار وملامحه تجنن (تشبه ديبيكا بادكون الهندية ) وهية طباكات مثلي بلضبط ومرحه وبس نضحك المهم و رزن حبيبه قلبي رومانسية الشلة هية هم اطول مني يوصل طوله 158يعني طولنه متوالم وهية بشرته حنطية وانيقه بشكل ونزوكه وتتنعوص هاي رزونه الرومانسية .. طبعا ثلاثتنه محجبات وكلش كيوت ...
جوري _ بنات خلي نعدل الوجوهنة قبل لا ندخل المحاضرة .
عسل _ اي اي اكيد ..
رزن _ طبعا ست عسل اكيد مو على حساب غيوثي .
عسل _ لا والله اكلي تبن واسكتي اصلا اني دومي متأنقة وثانيا مراح يحضر ويانه.
جودي _ علينه عسولي اشو حتى شفته حجز بالقاعه مالتنه ستيج اظاهر تخافين من العين .
عسل _ اكلن تبن وامشن ..بطلت اني ماادخل للحمامات ..
رزن وعسل _ لا ولج نضحك وياج هههههه لج تعالي عسول امشي ....