حبيبي خليجي

2

خلصت محاضرات اليوم واني افكر بحجي البنات يعني اذا ماطلبت من مهند يدرسنه يمكن نرسب بهل الماده ادري هسه وتكولون ماكوا غيره ...بس لان الشخص الوحيد الي يستحمل اسئلتنه و تدريسنه لساعات المهم ...رجعنه
جوري _ بنات يلا اني تأخرت صارت بثلاثه هسه وسام لكاه جاي .
عسل _ يلا عمري سي يوا ..
رزن _ ليش مو عمر يجيج ..
جوري_ لا عنده شغل مااتوقع يجي باي .
رزن _ باي .
صعدت بالسيارة وكلت سلام عليكم ... طبعا كالعاده وسام ميرد .
جوري _ ( هذا شبي كالب كصته وفوكاه اسلم عليه ميرد .. خلي ولي ناقصني عقد ) درت وجهي بأتجاه الشباك السيارة وانظاري على الجامعه واحنه نبتعد عنه ... سمعت صوت وسام .
وسام _جوري .. جوري ... مو دااحاجيج شنو هيجي مشتاقة للكليه هستوج طلعتي .
جوري_ هااا لاوياك تريد شيء .
وسام _ اي اليوم ترة نتغداء عند بيت عمي سليم عازمتنه..وكله راحت بقيتي بس انتي انتظرج بالسيارة بدلي بسرعة وتعالي .
جوري _( نطق ابو الهول ) ميخالف( هسه اني ناقصة يبوا شقد اكره مرة عمي الغثة توكف على المعده متنهضم ).
وسام _ يلا نزلي منتظرج مو تتأخرين .
جوري _ اوكي بس لو تنزل احسن لك يعني اكعد بالصاله لحد ماابدل ويجوز اسبح لان تعبانه.
وسام _ كافي حجي ورحي نزلي .
جوري _اي افتهمنة ...( بصوت منخفض ) شدعوة هيجي يصيح حرارة شايفين رواحتهم .
وسام _ ترة سمعتج .
جوري _ اشرد ...
Bano... Bano
عمر اخي الكبير هو متزوج وعنده طفل أسمه ذو النون حبيب عمته اموووت عليه فدوة خدودة تجنن طالع على عمته غير.. طبعا طالع اشقر على ماما..عمر مدير شركه مال اتصالات اي اخويه شخصيه .وهو حلوو بشكل يعني ابيض وشقر وطوله متوسط يعني اني وياه نتشابه ..وهو كاعد ويانه ..

وسام اخي الثاني هم اكبر مني مامتزوج ..هو يشتغل بمكتب استشاري خريج قانون ..هو اسمر عكسنه بشرته حنطية وطووويل مأخذ نصيبي بالطول وعلى بابا طالع ..

بابا حبيبي ..محامي مشهور وحلوو واريد فارس احلامي يشبهة فديته ...بابا بشرته حنطيه وطويل .. بابا عنده املاك هواي وهذا سببنه مشكله لان اكثر الناس عدهم مصالح وتنصدم بأقرب الناس الك يضحك عليك ويأخذ املاكك ..بابا من النوع الطيب بشكل و متهمة الفلوس بس اكو بعض الاشخاص يستغلون هل الشيء ..بس الله يهديهم من ظمنهم عمامي طبعا وخوالي ..
Bano... Bano

مامتي حبيبيتي وصديقتي حلوة وشقرة وقصيرة طالعه عليه ...
هاي حجيتلكم عن عائلتي كله ...

وسام _ جوري ..جوري مخلصتي هاي بابا يدك عليه يلا اتأخرنه الناس منتظرين ..
جوري _ اي ...هياتني نازله ... فدلحظه ..
طبعا بدلت وخلصت بس لازم ادز صورهة لماي بيست فريندز عسل ورزن ...
بنات طبعا احنه مسوين كروب اسمهة فلتانات وبس ..
جوري _ فلتانات هلوز شلوني ... اخبل مو .
عسل _ عااا شكوووو وين مبدلة ورايحه ...هستونه رجعنه من الكلية .
رزن _ اكيد تسفسف مو مثل حظنه ... اريد اطلع اريد اتمشى بالحدائق واسمع اغاني اليسا .
جوري _ هي هي رزن عينج اذا صارت عليه اخنكج ...اكو حديقة عدكم طلعي واتمشي بيه .هههههه.
عسل _ ماكلتي وين رايحه .
جوري _ لبيت عمي سليم ..
رزن _ يم الحب هنيالهة .
عسل _ واكول متأنقه وطالعه ..
جوري _ انلصمن اوكي ...اولا اني دومي متأنقه وثانيا تعرفني شقد اكره بيت عمي من ورة مرة عمي وابنه الغثة ..بس عمي حباب ...بنات اني اروح هذا وسام خبصني يلا اسولفلجن بعدين شنو يصير ...
وسام _ وتاليه جووووووووري ..
جوري _ هياتني نزلت .
وسام _ هاي شلابسه ..
جوري _ شنو لابسه بنطرون جينز وقميص مقفل طوويل وعريض اخاف تكول شيء .
وسام _ بس لفت شالج ..هاي غيريه .
جوري _ لفه تركيه شبيه .
وسام _ طالعه حلوة بيه غيريه سويه عاديه .
جوري _ ماشي هسه اغيرهة ( مال نعال على وجهك اني حلوة من كاعي )
رحنه لبيت عمي سليم ..
هلو شلونج جوريتي حبيبتي اموووح اموووح ...
هلو عمة زينه الحمد الله (جوريتي ناقصتج اني بره .. اووووف خدي انشلع ..هئ هئ اريد خدي)
هلو سما شلونج ( بنت عمي الكبيرة ) ...
هلو عمري جوري الحمد الله اشو حليانه شنو السالفه كلما تكبرين تصيرين احلى ...
بأبتسامه حياتي عيونج الاحلى (فديتني كاظم الساهر الي غنه كلما تكبر تحلى ) .
طبعا وسام معبر واحد بس السلام عليكم وطب يم عمامي وبابا حتى مسلم على بنت عمي وخطيه هيه ظلت صافنه عليه انقهريت عليهة ... ( واني شنو خلي اشرد قبل لا يستلمني ) .
جوري وين رايحه تعالي كعدي يمنه بالمطبخ خلي نسولف وعوفي النسوان الكبار سوة ( صاحتلي سما) انكمشت فشلت مهمة الهروب ...هئ هئ ..
جوري _ شلونج مريم .(مرت ابن عمي الكبير )
مريم _ هلو عيني زينه الحمد الله والشكر له ...انتي شلونج ان شاء الله زينه .( مع النظرات من فوك لجوة)
جوري _ الحمد الله زينه ( هاي شبيه هيجي تتباوعلي اشو معاجبه لبسي ..دولي خلي اوك يم امي احسن لي ).بنات اساعدكم بشيء (خلي اجامل بالاول وبعدين اشرد عيني تكتيك فرنسي ).
سما _ لا عمري ماعدنه شيء هسه نصب الغداء انتي ارتاحي اكيد تعبانه من الكليه .
جوري _ اي والله ....قاطعني صوت مازن.. سلام عليكم ..
جوري _ عليكم السلام( اجه الغثه نبر تو )
مازن _ هلو جوري عدنه ...شلونج احوالج مشتاقين ..
جوري _ هلة زين الحمد الله (مال كفخ ولي منا اريد اروح يم امي ).
مازن _ اي شلونه الكلية وياج بقالج سنه وتتخرجين حتى نخلص ..
جوري _ (ناقصتك تذكرني بقالي سنه ) الحمد الله حلوة ..نخلص نخلص شنو ليش انته شنو ..
مازن _ هااا اقصد تخلصين سمعتي بالخطأ .
جوري _ هااااي حسبالي يلا اني اروح يم امي يمكن تصيحلي صدك سما شنو رمز الراوتر مالتكم .
سما _ ييي عمري اسفه بس معدنه نت .
مازن _ انطيني موبايلج اكنكلج على جوارينه اعرف الرمز..
سما _ اشو مكلتلي .
جوري _(مشيهن على غير ذني ) لا ماكو داعي شكرا .
اي واخيرا خلصت منه وكعدت يم امي ... تغدينه وخلصنه وعمتي مرت عمي سليم عيونه مراحن على ايدي لان لابسه اساور ذهب ..( افففغ ايدي راح تنكسر شدعوة عاد ناقصين انتوا ).
رسل_ شبيج بس تدردمين .(مرت اخويه )
جوري _ لا مابيه شيء بس ايدي راح تنكسر .(طبعا بصوت ناصي نحجي).
ليش ولج شكو ...
من ورة الاساور لج شوفي مرت عمي شلون تتباوع..ولا كأنه هيه عده اضعاف ذني بس ضامتهن ..
اكلي واسكتي راح ينتبهون ..
ماشي...
اكملنا الاكل ولان حان موعد غسل الصحون ...
طبعا امي صارت حاتم الطائي تكرم بيه ...
يلا جوري كومي غسل الماعين ويه البنات خطيه من الصبح يشتغلن ويحضرن بالاكل ...
جوري _ ( ست الحبايب ليش هيجي مو جنه زينين ليش تخربيه علينه ) اي كايمه .
مرت عمي لا حبيتي جوريه نريد الچاي من ايدج لتغسلين اماعين اخاف تتدمرين..
جوري _(لا والله شنو انتي معرفتج اغسل الماعين اهون عليه من الچاي ) بعيوني عمه.
مريم _ اي عيني تعالي اخاف تتوصخ ملابسج جايتنه بنطرون ...
جوري _ رافعه حاجبي (شتريدني اجي مثلا بدشداشه مثل حضرتج ) طبعا غلست ومشيت ادري بيه تضوج من لبسي وتستحرم ماعرف ليش مع انو اني محجبه المهم ..سويت الچاي وصبيته ...
واكيد خمسين الف مرة رجعته على النار لان ميعجب ست الحسن مريم...
مريم _ شنو انتي معرفين تسوين چاي اشو خفيف هذا ..رجعي ميشربوا هيجي ..
جوري _ (اففف راح اكفخ القوري بجهج تره مو جزعتيني هاي لمرة الثالثة صار دبس مو چاي ) عيني مو احنه نشربه هيجي فمأ ادري انتوا تشربون دبس مو چاي .
سما _ هههههههه اي احنه نحبه ثخين ...مازن مازن ( صاحت سما لمازن حتى يجي يودي الچاي ) تعال اخذ لچاي .
مازن _ اي اجيت ...هاي ليش هيجي الچاي لونه اسود طوخ .
سما _ ترة جوري الي مسويته ...
مازن _ يخبل عاشت ايده هو هيجي الچاي يصير .
جوري _ ( شنو انته .. شنو هل اللطلطه ..ياربي شوكت نرجع مو طلعت روحي ) شكرا .
سما _ ودي الچاي وتعال يمنه سولفنه على روحتك الايران .
جوري _ ( طبعا الاخوات يمشن سوك اخوتهن بروسنه) اني اروح احاجي ماما عن اذنكم .
مريم _ وين بعدج كاعده يمنه .
جوري _ لا فد شويه واجي .
طبعا رحت لامي حتى احاجيه نطلع كتله عندي امتحان وصارت الساعه بالسته العصر اكيد هسه تكولون شنو هل الغداء المتأخر بس على احسابي اتأخروا لان طلعت ب3من الكلية وعمر وسام جانوا بالشغل المهم ما لكو غير بدوام يعزمون.. واخيرا رجعنه للبيت بعد مسمعت جزء من قصه رحلت مازن الايران وتكأبت...

كروب فلتانات ...
عسل _ هلو رزن .
هلو عسوله ...شنو اظاهر جوري مرجعت من بيت عمه سليم .
عسل _ اي يمكن لان لسا ماكوا...خطيه هسه تلكيه طالعه روحه... ومرت عمهة ادلع بيه ..ومازن لازكله.
رزن _ اكلج هيه مو جانت معجبه بي بمرحله اولى ليش غيرت راية وكامت تكرهة ...انتي تعرفتي على جوري قبلي وهيه حاجيتلج كلشي ...
عسل _ اي ... شوفي مو هيه انعجبت بي بس هو جان ميهتم بيه ولا معبرهة هو اكبر منه يدرس بكلية التقنيه معيد ..هو الصغير بعائلته ..
رزن _ ياا طلع جبير ... عزة خطيه جوري .
جوري _ لا ولج موكلش بعده شاب نهاية العشرينيات ..وشكله حلووو كلش مرة راوتنياه ..
رزن _ هاا ...اي كملي .
عسل _ اي فأمه ماقبلت يخطبه او يتزوجه لان هيه المسيطرة عليه وعلى العائله كله ...بعدين من سمعت ابو جوري حط بحساب جوري فلوس هواي يعني حتى يأمن مستقبلهة غيرت رأيه وقبلت تزوجه..
جوري من عرفت هيجي كامت تكرهة تكول مو رجال يمشي وره حجي امهة وهم امه بس الفلوس ..
رزن _ خطيه ...جوري اول شيخص تعجب بي يطلع طماع ...
عسل _ اني اروح اقراة الكوز باجر ونرجع نحجي بالليل .
رزن _ اوكي كبد سي يو .