فتاه اسمها ((نور)) تحب ان تزور البلدان وتتعرف على ناس جدد في يوم من الايام قررت ان تسافر وتذهب الى بلد وتأكدت ان ليس هناك احدا تعرفه قررت ان تنعزل عن عالمها وتذهب الى عالم اخر وتذهب الى عالم مختلف عن عالمها حيث لا يمكن لاحد التدخل في حياتها وسوف تذهب الى ((المانيا)) وتترك عائلتها لمده شهر هبطت الطائره ركبت التاكسي وقالت للسائق
Can you lead me to a good hotel
قال السائق
yes, Ma'am
وصلت الى الفندق بدلت ثيابها وغرقت في النوم
صحت من النوم بدلت ثيابها وخرجت ركبت التاكسي وذهبت الى المطعم جلست على الكرسي طلبت الطعام جلس معها رجل قالت له
Excuse me, sir, but this my desk
قال لها الرجل
I'm arabic are you Arabian??
قالت له نور
نعم انا عربيه شلون عرفت؟!
الرجل: مبينه من شكلج عربيه
نور: اها
نور ارتاحت له عندما عرفت انه عربي
الرجل: شنو اسمج ومن وين؟؟
نور: انا نور من العراق وانت؟؟ بس لحظه اشو تحجي عراقي
الرجل:انا احمد اي صح انا عراقي تشرفت بمعرفتج
نور:انا اكثر
كملت نور طعامها وذهبت لتدفع الفاتوره واتى احمد قال انا سأدفع
نور: لا يااحمد انا ادفع
لكن احمد لم يسمع كلامها ودفع الفاتوره
نور: شكرا احمد
احمد: لا شكر على واجب
نور: عن اذنك راح اروح
احمد: وين وين انا اوصلج
نور: لا عادي اركب تاكسي
احمد: لا لا عندي سياره اوصلج
نور: اوك
اوصلها الى الفندق
نور: شكرا احمد تعبتك وانا هنا مااعرف احد وانت اجيت وساعدتني شكرا على كلشي
احمد:لا عادي اعتبريني صديقج وهذا رقمي اذا احتاجيتيني دكي بأي وقت
نور: اوك
((نور))
وصلت بدلت ثيابي اتصلت بي امي
امي: هاا نور ليش ما خابرتيني من وصلتي
نور: اسفه ماما بس انا بس وصلت للفندق نمت
امي: ها يلا عادي بس سولفيلي وين رحتي
نور: ماكو كبل شوي رجعت من المطعم
امي:بس مطعم؟؟
نور: اي لان تعبانه وراسي يأذيني
امي: ها لعد هسه نامي حتى ترتاحين
نور: اوك باي
قفلت التلفون وفتحت الشباك رأيت منظر خلاب منظر جميل جدا جلست على الكرسي واشاهد المنظر لاكن ماذا حصل لي فجأه تذكرت احمد ليش تذكرته شصارلي كمت افكر بيه هذا مبين لزكه يلا انشاء الله باجر ماموجود وضليت بس افكر لحد ما مليت من التفكير ونمت عندما صحيت من النوم فتحت الشباك رأيت احمد
نور: احمد شجابك هنا شنو جاي تسوي
احمد: جاي هنا علمود تجين وياي اراويج المانيا
نور: اووف منك هسه اجي
بدلت ونزلت ركبت سياره احمد
نور: احمد شتريد مني
احمد: مااريد شي!!
نور: لعد ليش جاي تلاحكني
احمد: انا جاي لالمانيا حتى اتعرف على ناس جدد واتعرف عليهم واكون علاقات بس لمن شفتج عراقيه حبيت نكون اصدقاء ممكن؟!
نور: اوك اي عادي
ذهبوا الى السينما اشتروا البوشار وجلسوا يشاهدون الفيلم
نور: احمد
احمد: ها
نور: ما حبيت الفيلم وانت؟
احمد: اي انا هم نطلع؟
نور: اي
خرجوا من السينما
احمد: راح نروح للبحر لو غير مكان
نور: اوك على راحتك
وصلوا
نور: احمد انت صارلك شكد من انت بالمانيا
احمد: 6 اشهر
نور: اها يعني قديم هنا
احمد: لا يعني مو كلش يعني حتى الاماكن مو كلش اندلهم
نور: اهاا يمتى ترجع للعراق؟؟
احمد: تقريبا بعد شهر ارجع
نور: انا هم سفرتي شهر يعني ترجع وياي
احمد: ها اي وياج
وقاموا بالحديث كل يوم وصاروا اعز اصدقاء ويذهبون الى المطاعم والحدائق معا
مر شهر على مجيء نور
((نور))
صار شهر! شو بسرعه ما حسيت بالايام
ضببت ثيابي في الحقيبه وذهبت الى احمد
احمد: ها راح تروحين
نور: اي وانت مو كلت ترجع وياي؟؟
احمد: ها اي صح راح اضب اغراضي واجي انتي روحي المطار
نور: اوك منتظرتك
وصلت نور الى المطار
واتى احمد
نور: ها احمد شو تأخرت راح تقلع الطياره
احمد: يلا لعد لا نتأخر
ركبوا الطائره
احمد: نور احبج
نور: هههه اكيد تشاقه مو؟
احمد: لا جاي اكول الي بكلبي انا احبج
نور اختارت الصمت لم تتكلم مع احمد طول الرحله كانت مصدومه لانها لم تكن تحب احمد ولا تريد الزواج منه
هبطت الطائره في المطار رأت امها واباها
الام: حبيبتي نور مشتاقتلج تعاي
حضنتها
نور: انا هم ماما مشتاقتلج
الاب: نور منو هذا الي وياج
نور: ااا.. هذا احمد صديقي من المانيا هو عراقي والتقيت بيه هناك
الاب: تشرفت
احمد: انا اكثر
احمد: ها نور انا احبج وانتي ما تحبيني تقبلين تزوجيني
نور: احمد انا مااريد اتزوج وبعدين ما صارلي هواي من شايفتك هي شهر
احمد: اي صح ما صارلنا هواي من متعرفين على بعض بس انا بهذا الشهر حبيتج اكثر من روحي
نور: اوك اطيني وكت افكر
احمد: على راحتج
((نور))
مااكدر اطلعه من بالي تفكيري كله بيه اربعه وعشرين ساعه افكر ولكيت الحل انو اسافر بس بدون ما يعرف ما لكيت غير هذا الحل لان انا مااحبه كلت لاهلي اريد اسافر
امي: حبيبتي كبل كم يوم رجعتي من السفر ما صارلج هواي
الاب: اي بعدنا ما شبعنا منج
نور: اسفه بابا ماما عندي شغله ضروريه
الام: على راحتج
الاب: خوش حبيبتي الي تردينه سويه
نور اخذت غراضي وودعت اهلي
سافرت ((لباريس))
وصلت لباريس رحت الفندق كعدت على الكرسي ضليتت ابجي وابجي وافكر بأحمد معقوله انا جرحت مشاعره هو يضل انسان ويحس ياربي ليش سويت هجي
طلعت من الفندق رحت الى البحر تذكرت عندما اخذني احمد الى البحر وتعرفنا على بعضنا في ذلك الوقت سمعت صوتا مألفوا وكأنه احمد التفت لارى من هذا رأيته احمد هو احمد لن اصدق مااراه سمعته يناديني
احمد: نوووور بس باوعيلي اريد احجي وياج
لن استمع لما قاله ركبت التاكسي وذهبت الى الفندق اخذت اغراضي وذهبت بسرعه الى السياره والتفت رأيت احمد يلحقني بالسياره
وطلبت من السائق ان يسرع وصلت الى المطار
احمد: نووووور بس سمعيني وبعدين سوي الي تردينه وروحي وين ما تريدين
التفت لاسمع ما يقوله
ركع احمد على الارض
وقال
احمد: حبيتج من كل كلبي حبيتج من اول ما شفتج نظره من عيونج تردلي روحي ومن عرفت انو انتي عراقيه فرحت وبمرور هذا الشهر حبيتج اكثر من روحي اجيت حتى اتأكد انو انتي تحبيني لو لا انا مااجبرج انو تكولين تحبيني لا بالعكس على راحتج تقبلين تتزوجيني واذا ما تقبلين تزوجيني مااجبرج بس انتي ما قدرتي حبي الج وتركتيني وحيد بس اعترفلج انو ما حبيت وحده اكثر منج
نور التزمت الصمت لدقائق
احمد راد يكوم
نور:احمد حبيتك اعترفلك انو انا احبك بس انا ما قدرت حبك الي لان جنت مخبله مااريد اتزوج مااعرف شصارلي اكو شي منعني انو مااكلك وارتاحيتلك من عرفت انك عربي وبالاخص عراقي جنت بس اريد اهرب مااعرف ليش بس هسه من حجيتلي هذا الحجي حسيت انو انا احبك كلبي كلالي انو انا احبك وبعدين انا جنت بالغربه وحيده وانت اجيت وساعدتني شكرا الك على كلشي سويته الي احبك احبك واقبل اتزوج بيك اتمنى تسامحني على كلشي
كام احمد من مكانه واحتضنوا بعض
ركبوا الطائره رجعوا للعراق
راحوا لبيت نور
دخلت نور شافوها اهلها فرحوا بجيتها سلموا عليها بس كالت هاي المره عندي ضيف
الاب: منو هذا الضيف خل يتفضل
نور: ادخل
دخل احمد
الام: هذا مو احمد الي جان وياج بالمانيا
نور: اي صح
الاب: اتفضل ابني
كعدوا الكل
احمد: عمي انا جاي هنا اتقدم لبتك نور من بعد اذنك
الاب والام انصدموا ضلوا يباوعون لنور
نور: ههههه شبيكم جاوبوا
الاهل فرحانين لان يعرفون بقرار بتهم ما تريد تزوج
الاب: انا ماعندي مانع الجواب عند نور
نور: اي وانا موافقه
الام: نور متأكده؟؟شو بسرعه
نور: اي ماما متأكده
احمد: يلا لعد الخطبه باجر و العرس بعد 5 ايام
الاب: شالسالفه شنو هاي العجله
احمد: ماادري كيفكم بس انا حتى 5 ايام مااصبر
نور: ههههه اي والله وانا هم
الاب: اوك على راحتكم انتوا العرسان مو احنا
احمد: هههههه
كملت الخطبه وتزوجوا وعاشوا حياتهم وهمه يحبون بعض
***
***
بقلم فرقان اياد
