Please Come Back To Me#Completed (Unicode & Zawgyi)

Episode 1

[Unicode Version]

Episode (1)

Yonsei University သည် ကိုရီးယားရဲ့ ထိပ်တန်းစာရင်းဝင် တက္ကသိုလ်တစ်ခု ဖြစ်သည်။ကျောင်းစရိတ် နှင့် အဆောင်စရိတ် အစစအရာရာ ဈေးကြီးပေသည်။သို့သော် Scholarship ပေးသည့် Program ပေါင်းများစွာလည်း ရှိပေသည်။ဝင်ခွင့်စာမေးပွဲသည်လည်း အင်မတန် ခက်ခဲလှပေသည်။လက်ရှိ Yonsei University ၏ နာမည်ကြီးရခြင်းအကြောင်းရင်းတစ်ခုမှာ Kim Jongin နှင့် Park Chanyeol ဆိုသည့် ကျောင်းသားနှစ်ယောက်သည် ပထမနှစ်ကို Yonsei University မှာ တက်ရန် ရွေးချယ်ခဲ့ခြင်းကြောင့်လည်း ပါဝင်ခဲ့သည်။

Kim Jongin သည် ထိပ်တန်း ကုမ္ပဏီတစ်ခုဖြစ်သည် Yong Hwa Group ရဲ့ ဆက်ခံသူ တစ်ယောက်ဖြစ်သည်။အနည်းငယ် ညိုသည့် အသားအရည်ကြောင့် ပို၍ ကြည့်ကောင်းကာ ပေါ်လွင်ထင်ရှားသည့်မေးရိုးနှင့်အတူ ခန့်ညားသည့်မျက်နှာတို့ကြောင့် ကောင်မလေးတွေအကြား နာမည်ကြီးကာ ရေပန်းစားလှသည်။

Park Chanyeol သည် Min Shin Group ရဲ့ဆက်ခံသူဖြစ်ကာ မြင့်မားသည့်အရပ်၊ကြည့်ကောင်းသည့်မျက်နှာတို့ကြောင့် နာမည်ကြီးသည်။အထက်တန်းကတည်းက နာမည်ကြီးသည်မို့ တက္ကသိုလ်တက်ချိန်၌လည်း သူတို့နှင့်အတူ တက်ချင်သည်ကြောင့် Yonsei University ကို ရွေးချယ်သူတွေများခဲ့ကြသည်။တခြားတက္ကသိုလ်မှသူများလည်း ပထမဆုံး ကျောင်းဖွင့်ချိန်မှာ Yonsei University ကို ချောင်းပေါက်မတတ် လာကြရန် စီစဥ်ထားသူများလည်း ရှိခဲ့ပေသည်။

မနက်ကိုးနာရီ ကျောင်းတတ်ချိန်၌ အနက်ရောင်ကား ငါးစီးခြံရံကာ ကျောင်းဝန်းထဲသို့ ဝင်ရောက်လာကြသည်။ထိုကားများ ဝင်လာသည်နှင့် မိန်းကလေးအတော်များများ အော်ဟစ်ကာ ကားများနောက်လိုက်လာကြသည်။ထိုအော်သံများကြောင့် Jongin မျက်မှောင်ကျုတ်လိုက်မိသည်။

"အာရုံပဲကွာ...တက္ကသိုလ်တောင် ရောက်နေပြီကို။အခုထိ မနက်တိုင်း ကြားနေရဦးမှာ အဆင်မပြေဘူး"

Jongin အပြောကို Chanyeol က ရယ်ကာ ပြန်ပြောလိုက်သည်။

"အလယ်တန်းလောက်ကတည်းက ဒီလိုပဲကို။အခုထိ မင်း နေသားမကျသေးဘူးလား"

"နေသားမကျတာထက် သဘောမကျတာ။"

Jongin ပြောပြီး ကားပေါ်မှ ဆင်းသွားခဲ့သည်မို့ Chanyeol လည်း လိုက်ဆင်းရတော့သည်။သူတို့ ကားပေါ်မှ ဆင်းလိုက်သည်နှင့် အော်သံတွေက ပိုကျယ်လာသည်မို့ Jongin မျက်မှောင်ကျုတ်လိုက်မိသည်။Chanyeol ကတော့ သူ့ထုံးစံအတိုင်း အကုန်လုံးကို ပြုံးပြရင်း သူတို့အတန်းရှိရာဆီသို့ သွားခဲ့သည်။