لا اصدق اليوم هو حفل زفافي
اريد اعرفكم عن نفسي
اني اسمي ندى عمري هو 18 سنه احب ابن صديق بابا عمر هو حياتي وكل عمري
عندي خمس خوات اكبر مني اني اصغر وحده
اسمائهم
(دلال و نوال و فرح و بلقيس ومهى واني ندى)
اني ونهى تؤم بس هي تزوجت قبلي بشهرين
كل خواتي ممزوجات عن حب لان بابا يزوجهم لاولاد اصدقائه علمود الشغل
طبعٱ حتى يحافظ على الصفقات والشركات وخواتي كانو جزء من شغله
بس اني تزوجت عن حب بس اني متأكده بابا زوجني علمود شغل مثل خواتي
رح احچيلكم عن حبنه
قبل شهر
كنت احجي ويه عمر ساعه 7 باليل
سمعت ماما وبابا يصيحولي
بابا :بنتي اجوج خطابه
ندى:بابا بس اني مااريد اتزوج
بابا:اني نطيتهم حجايه وكتلهم موافق
ماما:بنتي همه خوش ناس وانتي تعرفيهم
ندى:منو همه بله
الاب:عمر ابن صديقي علي
هنا تحولت دمعتي لفرحه
بابا:ها شو ضحكتي
ندى:ها
بابا:موافقه يعني
ندى:الي تشوفه
ورحت لغرفتي فرحانه مدري ابجي مدري افرح مدري اركص مااعرف شسوي من الفرح
خابرت عمر
ندى:عمر تدري بابا شكلي
عمر:تره اني هم مثلج مصدوم متوقعتها من بابا
ندى:واخيرٱ رح نزوج
طبعٱ احنه فرحانين ومصدومين لان متفقين من يخلص عمر كليه يجي يخطبني
احنه حبنه من الصغر وكبر ويانه يعني حبنه من الطفوله
بدينه نرتب للحفله طبعٱ ابويه وابو عمر عمو علي كانو مستجلين مااعرف ليش
بس المهم رح اصير زوجه عمر
عقدنه بالمحكمه وصار لازم نجهز للعرس
رحنه اني وعمر للقاعه حتى نرتب الزفه والوان القاعه والاغاني
ندى:حبيبي اني اريد اتفق وياهم
عمر:بس اكيد اجي وياج ممعقوله اخليج بوحدج
ندى:اوك عمري
رحنه للقاعه
اني اختاريت الاغاني و
كلتلهم اريد عرسي مختلف
مثل اول مندخل القاعه يشغلون اغنيه اليسا حاله حب
لان كنت اعشق هل اغنيه
ونرقص سلو بس اني وياه
واختاريت الالوان والكوشه
بعدين رحنه لمحل فساتين الزفاف
اختاريت فستان الزفاف وكان روعه ومثل مكنت مخططتله من كنت صغيره
بعدين رجعنه للبيت
قطع افكاري الكوافيره:يله خلصت المكياج هسه التسريحه
صار كلشي مثل مااني اريده وكنت حيل فرحانه
خابرت بابا
ندى:بابا يله تعال اخذني من الصاالون خلصت.
الاب:ماشي هسه اجي
بعد ربع ساعه وصل ابي
رجعت للبيت وكانو الكل فرحانين واكثر واحد فرحان بابا
ركصنه شويه بعدين اجو عمر واهله ووياهم المزيقه
رحنه اني وعائلتي وعائله عمر للقاعه
اول شي كلهم دخلو بقينه بس اني وعمر وبابا وعمو علي ابو عمر
رحنه طكينه صوره اخذنه ١٠٠ لقطه
بعدين دخل عمر هو وعمو علي اول وبقو ببدايه القاعه بعدين دخلنه اني وبابا
سلمني بابا لعمر باسني عمر من راسي
وعمو علي باسني من راسي وگالي
من هل يوم انتي بنتي
وصلنه اني وعمر لوسط القاعه وشغلو اغنيه حاله حب
بدينه اني وعمر نرقص سلو
عمر:تدرين اليوم اني اسعد شخص بالدنيا
ندى:واني هم يا حياتي ممصدكه
عمر:طالعه تخبلين
ندى:انت هم طالع تخبل
عمر:ندى اني احبج ومستحيل استغنى عنج
ندى:اني هم احبك واموت عليك
چنه نرقص اني وعمر والكل يباعون علينه
واشوف امي تضحك بس بعينها الدمعه
لان اني اصغر واخر وحده من بناتها تتزوج
كملت الغنيه رحنه اني وعمر وجلسنه على الكوشه وبدأ الناس يجون يطكون ويانه صور
خلصت مراسيم العرس وكان العرس كله مثل مااني اريده
رحنه اني وعمر للفندق ومرت الليله على خير
هاي بدايه القصه اتمنى تعجبكم
