احنا كدا ( الجزء الثانى )

الحلقه { 1 }

احنا كدا

( الجزء التانى )

الحلقه { 1 }

بعد ما فجر رجع لندى تانى وعاشو هما الاتنين مع بعض وندى جابتلو ولادين جلال وابراهيم توئم ولاكن للاسف الانانيه اللى فى فجر خليتو يخسر كل حاجه ولما خسر كل حاجه ندى وولادو ومباقاش ليه غير بنتو حبيبه بس قرر يسيب مصر ويسافر امريكا ويعيش هناك عشان ينسى الكرثه اللى حصلت واللى كان هو السبب فيها من غير ما يفكر ان ممكن يحصل كده

عدت السنين 16 سنه وفجروحبيبه فى امريكا وكانو عايشين حياه مستقره لحد ما فجر تعرض لازمه صحيه ووجد نفسو وبنتو لوحدهم فى امريكا فكر انو يرجع مصر عشان ميحصلوش حاجه فى الغربه وحبيبه بعيد عن بلدها واهلها .

حبيبه : دادى انا مش عاوزه اسيب بيتى وانزل مصر هنعمل فيها ايه ؟

فجر : مصر بلدنا لاكن امريكا لا وبعدين انا كبرت وتعبت بدل المره اتنين خايف يجرالى حاجه وتكونى لوحدك

حبيبه : ما لو رجعنا مصر انا كمان هكون لوحدى انا عاوزه ادخل الجامعه هنا

فجر : لا مش هتكونى لوحدك فى مصر هناك فى جدتك وعماتك فاطمه وكوثر وكمان عمك ابراهيم واولدهم مش هتكونى لوحدك

حبيبه : دادى انا مش عاوزه ارجع ارجوك وبعدين انا مش بعرف عربى كويس

فجر : لا متقلقيش هما هيفهموكى على طول وكمان هيظبطو موضوع اللغه ده

حبيبه : لا مش عاوزه خلينا هنا

فجر : حبيبه مش معنى ان احنا بناخد رائى بعض فى كل حاجه وبنتفق على كل حاجه قبل ما نعملها انى هسمع كلامك

المرادى لا انا وانتى هننزل مصر وده قرار نهائى اعملى حسابك الطياره يوم الثلاثاء اللى جاى يعنى بعد يومين

حبيبه : دادى انا مش عاوزه

فجر : وانا قرارت

( سبها فجر ودخل اوتو يجاهز كل ما يلزم للسفر )

**** ( بقلم هند محمد @isis Mohamed ) ****

ابراهيم : بصو بقى انا جامعكم انهارده عشان انبه عليكم فجر مش حاكى لبنتو ايه حصل زمان كل اللى تعرفو ان ندى وهى بتولدها ماتت بس

ام فجر : يعنى متعرفش الحقيقه امها ماتت ازاى ولا اخوتها ماتو ازاى ؟

ابراهيم : لا خالص وياريت طول ما هى معنا محدش يجيب سيرة ندى

كوثر : طب حبيبه كانت كبيره لما حصلهم كده ازاى مش فكره

ابراهيم : الحمد لله انها مش فكره

فجر قايل لها ان وامها بتولدها ماتت وهو مقدرش يعيش من غير ندى فاخدها وسفرو غير كده مقالش حاجه

فاطمه : انا بصراحه مليش نفس اشوفو ولا اشوف بنتو

شوقى : ليه بس هو احنا حتى نعرف شكلها ايه ؟