Nagtatago sa tunay na katauhan
Na tila’y isang masakit na katotohanan
Isang rebelasyong pilit pinagtataguan
Ngunit lahat ng pagpapanggap ay may hangganan
Sa lahat ng pagkakataon, ikaw ay naiipit
Sumisiklab na damdaming, mahirap ipilit
Munting sugat sa puso, namumuo ang malaking galit
Lumalabas ang tunay na kulay, kailangan ng ipagpalit!
Masama at maitim na budhi
Impluwensyang nakuha sa naturingang ugali
Kanyang katauha’y, balot ng pagkukunwari
Sa mga ka-PLASTIKANG gawi, nasa huli ang pagsisisi
Mag-ingat sa taong may maskara
Bawat kilos at salita, may kasinungalingang kasama
Huwag basta-basta magtiwala.
Dahil iba ang iyong pagkakilala.