*LALAKI NGA WAY HINUNGDAN*
(Angelica L. Pacaña)
Sa kadaghan nga lalaki nga atong masugatan,
Dili gyud kalikayan nga kita masakitan.
Kay kabahin na gyud na sa atong kapalaran,
Bisan bali-balihun pa ang kalibutan.
Basi sa akong namatikdan,
Tagsa ra gyud run ang lalaki nga bot-an.
Tagsa nalang sad ang kasaligan.
Kay ingun sa uban, babaye ang hinungdan.
Si kinsa man ang nagpaluyo ning tanan,
Babaye o lalaki man ang pasinginlan,
Usa ra gyud ang tubag sa kahanginan.
"Ma babaye o lalaki man, puros way baruganan".
Bisan ingun ani paman ang sulti sa uban,
Nahimo man ang babaye nga walay baruganan,
Kini tungod sa kasakit nga nahiaguman,
Sa mga lalaki nga walay hinungdan.
