Part #5 :
But baby if u say u want me to stay , I'll change my mind :
زين : الي الشرف اني روح على بيتك ناتالي و اتعرف على رفيقتك ..
طلعنا انا و زين عالبيت و فتحت الباب شوي شوي ووقف زين ورايي .. ميرا كانت ما بعرف شو عم تشخبر عالطاولة و لما سمعت صوت الباب انفتح عرفت انو انا اجيت ..فتلت لعندي و رفعتلي الورقة يلي كانت عم تشتغل فيها لحتى اقدر شوفا و كان مكتوب عليها " kiss me Liam"
طبعاً ميرا شافت زين .. انصدمت كتير و بطلت تعرف تحكي .. حاولت توقف بس ياحرام رجعت عالكرسي لانو رجليها ما حملوها ..
ركدت انا لعندا و خبيت الورقة مشان ما يشوفا زين و يضحك علينا بس الواضح انو شافا لانو صار يتضحك بالاخر ..
ميرا : ناتالي انتي جبتي زين لعنا عالبيت ؟؟
زين : اذا مدايقك بروح .. مو مشكلة يعني احكي
ميرا : لا لا لا شو تمشي ؟؟ بس انا ما كنت متوقعة انو ناتالي تعملي هيك مفاجأة .. انو هيك موقف حتى حلم ما كنت اقدر احلمو
زين : ولا يهمك .. شو كنتي عم ترسمي "؟؟ انتي كمان بترسمي ؟؟
ميرا : انا بشخبر مو برسم بس المهم انو من قلبي
ناتالي : على اساس ما قرأت شو كتبت و فرطت من الضحك
زين : مبلا .. هههه اكيد ليام لح يوافق يلبي هيك طلب لوحدة حلوة متلك..
يا حرام ميرا صارو عيونا هيك👈 😳
ناتالي : دغري لح يلبيلا طلبها .. هههههههه
ميرا : لا تتمسخري اذا زين حكا هيك انتي بدك تحكي العكس
ناتالي : اسفة اسفة ..
زين : دايركشنرز لكن ؟؟ هههههههعه
ميرا : يب يب
ناتالي : سؤالك اجا متأخر .. ما شفت شو صارفيها البنت لما شافتك ..
زين : اي بس والله انا مو شبح يعني لحتى تتلبكي و تبطلي تعرفي تحكي .. ليكي رفيقتك اخدت الموضوع عادي..
اي انا تصرفت عادي بس جواتي كان في كتير شغلات ما حدا بيعرف فيها .. بحياتي ما كنت مرعوبة لهالدرجة .. هديك اللحظة مستحيل انساها بحياتي ..
ميرا : لك ناتالي قوية زيادة عن اللزوم و بتعرف تتصرف بالمواقف الصعبة بس انا بيقولولي اني هبلة يعني عادي يصير فيني هيك 😅
ضل عنا زين شي نص ساعة و ضلينا نحكي و نضحك سوا ..بعدين لما قرر انو يروح وقفتو عند الباب ..
ناتالي : بتسمحلي حقق حلمي قبل ما تروح
زين : اي اكيد شو هو ؟؟
😘حطيت شفايفي على شفايفو .. غمضت عيوني و كنت قدرانة اسمع صوت دقات قلبي .. حاولت قد ما فيني امسك حالي .. كنت ناطرة ردة فعلو عالشي يلي عم اعملو و فجأة حط ايديه على خدودي و صار يبوسني بقوة .. انصدمت كتير لانو ما كنت متوقعة انو he'll kiss me back ..
اتطلع بعيوني و اتضحك .. دمعت لأول مرة من اول ما شفتو الصبح لهلأ .. بكيت من كل قلبي .. بكيتون لدموع الفرح .. صار يمسحلي دموعي و يلعبلي بشعراتي ..
رميت راسي على صدرو و شميت ريحتو بقوة لحتى حسيتا فاتت لجواتي و صارت بدمي .. ريحتو يلي كنت اسأل حالي عنها طول الوقت عرفتا .. مين في محظوظة اكتر مني هلأ😍
بعد ما هديت و رجعت لوضعي الطبيعي راح زين .. سكرت الباب ورا و كان عندي امل انو لح يرجع ..
ميرا : ناتاليييييييييييييييييييييييي
ناتالي : ميرااااااااااااا
ميرا : لك زين بيحبك يا هبلة .. بيوم واحد انقلبت حياتك كلها .. لك ما شفتي حالك وقت بستي شو كنتي شاطرة مع انو first kiss بس كان مبين عليكي انو خبرة 😅😅 خفت عليكي كتير ليضربك او شي بس صدمني هو التاني .. كان ناطرك تعطي الضو الاخضر بس هههههه كيف كان شعورك ناتالي؟؟ احكيلي بليييز
ناتالي : انتبهتي على حالك كم كلمة حكيتي بالثانية 😜 بصراحة هلأ ماني حاسة بشي بدي روح ناااام و ما فيق لبعد شي 6 ايام ..
ميرا : يعني هلأ زين بدو يصير صهري .. و بصير بشوفو كل يوم ومنصير صحبة و بيعرفني على ليام .. بس بتعرفي شو لما شوفو لليام ما لح اعمل متلك .. بخاف يزعل مني .. ما عندي الجرأة ابداً
ناتالي :هو يرجع زين و بعرفك على كل الباند و اللي بيشتغلو معون كمان بس ادعيلي يرجع 🙏
ميرا : لك مبين من عيونو انو بدو يرجع .. ما شفتي كيف لمعو عيونو هو و عم يتطلع فيكي قبل ما يروح ..
بعد حكي شي 3 ساعات قررنا انا و ميرا انو نروح ننام .. ولما فقت الصبح لقيت في رسالة من زين كان كاتبلي انو بيحبني كتير و بدو ياني .. رديت عليه بالحكي مخبيتو بقلبي من زمان و قلتلو انو بحبو و بدي ضل معو طول عمري ..
كنا نلتقى كل يوم .. نحكي و نحكي .. يوم عم يوم كنت عم اكتشف انو انا و زين منشبه بعض كتير و طبعاً ميرا اخدت وجه عليه و صارو صحاب ..😇
___________________
أنت تقرأ
BELIEVE
Fanfictionنتالي و ميرا ... اصدقاء من الطفولة .. عاشو سوا نفس الوجع .. كل وحدة منون كان عندا حلم كبير .. صدفة قدرت تغير حياتون كلها .. و الشي اللي وصلو إلو ما كانو يحلمو انو يوصلو لجزء صغير منه
