فيه صوت في داخلي يقول خلصي الروايتين بسرعة وخليها ما تتعدى ال20 تشابتر قبل لا تجي الإختبارات
وأنا والله الظاهر إني بسويها خصوصاً ضحية حب حاطتها فراسي من زمان أحس مصختها وقاعدة اماطل فالاحداث وأتأخر فيها
...كنت قد عشقتك.ونسيت كيف أتنفس في عينيك..
....
إستمتعوا♡
..........................................
مر الأسبوع اللي كان مثل الجمر ع قلب أسامة ولا يدري وش يسوي إلا أن تفاجئ بتقديم أهله لموعد زواجه من جنان،
تطورت فيه علاقة سعود بتركي أما زياد وعمر عايشين حياتهم زي العسل
وطلال كل ماله يتقدم خطوة مع بدر الخجول،
ضل يتقلب على مخدته ويحاول ينام لكن النوم ابى يجيه
نزل للمجلس لأن دايماً العيال يكونون فيه بس تفاجئ لما ما لقى إلا سعود
دق قلب سعود لما سمع صوته
دخل تركي" وين الباقين؟"
سعود"ممدري"
إبتسم تركي وجلس وقرب سعود له ضحك تركي على سعود اللي غطى وجهه بإيدينه
"وش فيك خجلان كذا ترى خلاص صرت حبيبك ليه الخجل؟"
سعود" بس كذا خلاص!"
تركي"طالع فيني"
هز سعود رأسه بنفي
تركي"طيب طالع"
رفع سعود رأسه وهاجمه تركي بشفايفه
بوسة قوية وعميقة فاحت فيها ريحة المشاعر فيها
فصلوا البوسة يأخذون نفس
ضمه تركي لصدره وضل يحرك في شعر سعود الين غفى طبع بوسة على جبهته وراح جاب له بطانية وغطاه
.......................................
ركض وفتح الباب وحشر نفسه في حضن زياد اللي توه صاحي من النوم
زياد"بسم الله الرحمن الرحيم..! وش فيك؟!"
نزلت دموع محمد أكثر وتشبث في زياد"لا لا،لا تخليهم يتزوجون الله يخليك..ههءه الله يخليك.."
عقد زياد حواجبه"بسم الله..وش زواجه؟"
محمد" اا.اسامة حدد موعد زواجه..أنا حتى ما كنت أدري إنه لسى خاطبها.." وكمل بكاه
عدل زياد جلسته بسرعة" جد؟ أما عاد متى بيسوونه؟"
محمد" اا.الخمييس الجاي..تكفى أنا أحق به منها الله يخليك"
زياد"طيب أنا وش بمقدوري اسوي.؟.."
محمد"مدري بس تكفى لا تخليهم يتزوجون.."
...........................................
قام وفرك عيونه سمع صوت ضحكة وشاف طلال اللي متسند بظهره على السرير ويطالع فيه
بدر"ليش تضحك؟"
عض طلال شفايفه وكمل مطالعة فيه
بلع بدر ريقه وجاء بيقوم بس سحبه طلال للسرير من جديد
صارخ بدر خفيف
"وخر يا منحرف ظهري يوجعني بسببك"
طلال بضحكة"طيب المفروض تبتسم كذا صرنا أقرب لبعض"
لف بدر راسه"قلت أجلها بس أنت اللي ما صبرت وانقضيت علي"
وطلال "يعني حبيبي الحين زعلان؟"
بدر"اكيد"
طلال"اما؟ وجهك مو مبين"
لف له بدر"ليش مو مبين؟"
جاء طلال ودخل برجله بين فخوذ بدر "لأنه مبين إن حبيبي يقول أحبك واعشقك وأبي أكثر"
وسع بدر عيونه وابتعد بسرعة وتذكر ألم ظهره وجثى جنب السرير
طلال"ههههههههههه عشان بعدين ما تحاول تهرب مني..قرب منه طلال وحمله."تبي نأخذ شاور مع بعض؟"
خبى بدر وجهه برقبة طلال
"حبيبي ترى إذا ما وخرت وجهك عن رقبتي ترى قسم اسويها وقافي ماعندي مشكلة (وهم واقفين قصده)"
بدر"حبيبك تعبان ويبي يأخذ شاور بعدها يفطر"
حرك طلال شعره" تحت أمر حبيبي"
............................................................
باسل كان مثل الميت وولهان على حبيبه اللي عرف إنه ظلمه وآذاه وهشمه طلع من سيارته وجهه ماليه الشحوب ما نام من يومين وهو يفكر في سعود
يبيه أي يبيه بس هالمرة بطريقة غير شافه جالس مع تركي في الحديقة جلس قبالهم..باسل" سلام"
لف له تركي بنظرات حادة وكمل طقطقة فجواله
رد عليه سعود بصوت يدوب ينسمع"وعليكم السلام"
ناظر تركي لسعود بسرعة وأستمر التحديق لحظات وسمع تركي صوت جواله رد كان شغله وقام وحرك شعر سعود ومشى ركب سيارته وتنهد ما كان وده يتركه مع باسل لحالهم بس...
إبتسم باسل في داخله ع رد سعود لساته اللي ما يكره أحد ولا يحقد ع أحد ضل يطالعه بنظرات غامضة إرتبك سعود ونزل نظره تحت طال الوقت وهم ع حالهم لحظات ونطق باسل يقطع هالصمت القاتل" إشتقت لك.."
إهتز قلب سعود لهالكلمة ما توقع في يوم بعد اللي صار ممكن إن باسل يقولها بعد كل نظرات الإشمئزاز والقرف والإهانات يقوله هالكلمة كذا
تجمعت الدموع في عين سعود وحس بغصة تخنقه وكمل صمته... ناظر باسل فوق وتنهد وارخى نظره ورجعه للي قباله،
"ما إشتقت لي؟"
"........
باسل"سامحني.."
"........
ولا زال مافي أي رد من سعود اللي إختلط صوت شهقاته الصامتة مع أنفاسه
"إشتقت للمستك.."
همس بها باسل وهو يناظر سعود بإنكسار ومقرب وجهه منه
...
..................................................
إنتهى البارت
قصير لكن تصبيرة للجاي XD
فوت+كومنتس=♡♡♡♡♡
