احنا كدا ( الجزء الثانى )

الحلقه { 21 }

الحلقه { 21 }
حبيبه : ايوه مين حضرتك ؟
اياد : انا اياد انتى نستينى ؟
حبيبه : اه صح معلش بقالى كتير مش شوفتك
فجر : ايوه مين حضرتك
حبيبه : دا الظابط يا دادى اللى كان فى القسم لما انا كنت تايها هناك وكمان ابن عم حازم
فجر : ايوه اهلا خير فى حاجه ؟
اياد : انا اسف جيت من غير معاد بس كنت عاوز حضرتك فى كلمتين
فجر : طب اتفضل
ام فجر : اهلا اياد ازيك عشان مين شافك
اياد : اهلا يا حجه وحشانى والله
حبيبه : تشرب ايه ؟
اياد : اى حاجه قهوه
حبيبه : انا مش بعرف اعملها اوى اعملك نسكافيه ؟
اياد : اى حاجه
حبيبه : خلاص هعملك نسكافيه
فجر : نورتنا خير فى حاجه ؟
اياد : انا زى ما حضرتك عارف انى ظابط وقريب اوى هترقى الحمد لله عندى شقه ومتوضبه على الفرش هى
وانا لما شوفت الانسه حبيبه بجد لفتت نظارى اوى وانا جاى انهاردا عشان اطلب اديها
ام فجر : بس انته شوفت حبيبه مره فى القسم لما كانت تايها بس فا عجابتك ؟
اياد : لا انا شوفتها مرتين كمان بس
فجر : انته بجد فاجئتنى بس كل اللى اقولهولك انا بنتى لسه صغيره اوى دى لسه 18 سنه وكمان لسه فى اولى جامعه
انا اسف طلبك مرفوض
اياد : طب ليه انا ممكن استناها لما تخلص جامعه او يا ريت نتجوز وتكمل دراستها
فجر : لالا انا مش هجوزها دلوقتى البنت لسه صغيره
شرفتنا
اياد : طب ممكن حضرتك تاخد وقت تفكر
فجر : ده موضوع مش محتاج تفكير طلبك مرفوض
ام فجر : طب يا فجر
فجر : ماما الموضوع ده اتكلمنه فيه قبل كده وقولتلك انو مينفعش دلوقتى
اياد : انا مش هفقد الامل وهاجى لحضرتك تانى استأزن انا
( وقم اياد ومشى )
ام فجر : ايه قلت الزوق دى مالك كده حرام عليك ده عريس يترفض
فجر: ماما بس دى بنتى
حبيبه : هو راح فين ؟
ام فجر :ابوكى طيرو
حبيبه : يعنى ايه ؟
فجر : ايه مشى فى ايه يلا ادخلى على اوضتك ذاكرى ولا شوفى هتعملى ايه
حبيبه : حاضر بلاش تزعقلى كده
فجر : مش كل ما اكلمك تقوقى
ام فجر : انته بتزعقلها وتشخط فيها ومش عاوزها تعيط
حبيبه : انا زعلانه منك
تعالى يا نانا ندخل جوا
**** ( بقلم هند محمد @isis Mohamed ) ****
( وتانى يوم فى الجامعه )
سامح : السلام عليكم
حبيبه : عليكم السلام
سامح : لو سمحتى ممكن المحاضرات اصورها
حبيبه : اها اوك اتفضل
سامح : ايه ده لا انا حقوق عربى
حبيبه : لا انا انجلش
سامح : طب متعرفيش تجبيلى المحضارات اصل انا مش بقدر احضر عشان بشتغل فا ممكن لو تجيبيلى المحاضرات
حبيبه : انته فى سنه كام ؟
سامح : انا فى رابعه
حبيبه : طب انا ليه زملتى اخوها فى رابعه ممكن ابقى اقولها تجبلى منو المحاضرت
سامح : طيب انا حسابى على الفيس هكتبهولك هنا ويا ريت تضفينى ولما تجيبى المحاضرات تسبيلى رساله
انا عارف ان صعب تدينى رقم تليفونك
حبيبه : اها طب اوك هبقى اقولك على الفيس
سامح : انا اسمى سامح وانتى ؟
حبيبه : اسمى حبيبه
سامح : اسمك على الفيس ايه ؟
حبيبه : حبيبه فجر
سامح : اوك انا اسف ازعجتك
حبيبه : لا ابدا
سامح : السلام عليكم
حبيبه : عليكم السلام
( وبعد شويه )
رشا : ايه مالك سرحانه فى ايه ؟
حبيبه : ولا حاجه هو انتى قولتيلى ان اخوكى فى رابعه صح ؟
رشا : اها
حبيبه : طب ممكن تجيبيلى المحاضرات منو تصوريهالى
رشا : ماشى بس لمين ؟
حبيبه : واحد كده من شويه طلب منى المحضارات بس ايه يا رشا مؤدب اوى
رشا : اسمو ايه ؟
حبيبه : اسمو سامح
رشا : ماشى هجبهملك
هتمشى اوصلك ولا خالك جاى ؟
حبيبه : لا خالى جاى
رشا : طيب نستناه
**** ( بقلم هند محمد @isis Mohamed ) ****
ام فجر : بت يا حبيبه بتعملى ايه ؟
حبيبه : بشوف الفيس
ام فجر : يا نصبتى فيس اقفل اقفلى بسرعه دا متراقب
حبيبه : لا متخفيش انا مش مترقبه وبعدين انا بكلم اصحابى مش بعمل حاجه وحشه
ام فجر : طب ورينى تعالى هنا اشوف بعينى
حبيبه : هاو بصى بكلمهم اهو ومش بعمل حاجه
ام فجر : بقولك هو اى حد يدخل الفيس ده
حبيبه : اه
ام فجر : هو بفلوس ؟
حبيبه : لا مجانا
ام فجر : طب متعلمينى عليه اضيع وقت عليها وانا لوحدى
حبيبه : بدل ما تترقبى
ام فجر : لا منا مش هتكلم فى السياسه ورينى بقى
حبيبه : حاضر بس الاول انتى بتعرفى طبعا تقرى عربى ؟
ام فجر : اه طبعا
حبيبه : ماشى هعملك حساب على الفيس واعلمك عليه
**** ( بقلم هند محمد @isis Mohamed ) ****
نور : بابا لبست ماما ها خلصتى ولا لسه حازم وامو زامنهم جيين
مريم : انا مش موفقه انك تقعدى مع امو
نور : بس انا موفقه
مراد : فى ايه يا مريم نشوف الست الاول ونقعد معاها مش يمكن تبقى كويسه
مازن : صح انا برضو رئيى كده
اهم جم بسرعه بقى انا هروح افتح
اهلا اتفضلو
حازم : سلام عليكم
مازن : وعليكم السلام نورتونا
اتفضلى يا ماما
ام حازم : يزيد فضلك
مراد : اهلا نورتونا
حازم : دا نورك يا عمى
مراد : اهلا يا حجه اتشرفت بحضرتك
ام حازم : وانا كمان والله هى ام نور فين
مراد : جايه حالا
اها جات
مريم : اهلا اتفضلو
حازم : انا مش هضيع وقت واقول الكلام على طول
انا جاى انهارده عشان اطلب ايد نور
مراد : طب انته بتشتغل ايه ؟
حازم : انا مدرس ساينس والحمد لله مرتبى هو صحيح مش كبير بس انا لسه ببدئ
مريم : نور قالتلى ان مامتك هتعيش معاكم
ام حازم : والله انا هبقى زى امها وكمان انا بنام بدرى وبصحى متأخر مش هدايقها ولا هتحس بيه
مريم : بصراحه انا خايفه يحصل مشاكل
ام حازم : ربنا ما يجيب مشاكل
مراد : انا موفق نقرا الفتحه
مريم : مراد
مراد : الفتحه بس ثوانى بصى بنتى مش بتعرف تطبخ كبرها تقلى بيض ؟
ام حازم : انا اطبخ ونساعد بعض واعلمها
مراد : لا تمام نقرا الفتحه بقى
**** ( بقلم هند محمد @isis Mohamed ) ****
حبيبه : دادى هو انا ممكن اسئلك على حاجه ؟
فجر : قولى فى ايه ؟
حبيبه : هو ليه حضرتك مش قولتلى ان فى حد طلب يتجوزنى
فجر : مين قالك ؟
حبيبه : نانا
فجر : وقالتلك ايه ؟
حبيبه : قالتلى ان اتقدملى محمد ابن عمتى وكمان حماده
وكمان اياد
وحضرتك قولت لا عشان انا لسه صغيره
يمكن اكون صحيح صغيره وحضرتك المسؤول عنى
ولو كنت سئلتنى واخت رئيى انا كنت هقول لا
بس ممكن اعرف انته رافضت ليه التلاته
فجر : "
"
تفتكرو فجر هيرد يقول ايه ؟