فضلت دموعي تنزل بحرقة تحت المطر علي قرار ليز الي خدته فجأه ومن غير أي خلافات مابينا.
انا عارف أن هنري هو الي عامل كدة اكيد ضغط عليها او هددها بس أقسم إني مش هعديها المرة دي حتي لو قتلته مش هتفرق معايا.
قمت من علي الأرض وركبت العربية الي أتبلت من هدومي الغرقانة ماية من المطر وطلعت علي بيت ليز عشان اوجهم كلهم واخلي ليز ترجعلي تاني لأني مش هسمح لحد يبعدها عني!
محستش بالطريق من كتر التفكير الي استولى علي دماغي واتفجأت أني وصلت قدام بيتها...ركنتها بعيد عن البيت.
نزلت من عربيتي ومازال المطر بينزل بغزارة.
وقفت قدام الباب وحسيت كأن أيدي مش عايزة تتحرك عشان اخبط.
جيه في بالي حاجة مكنتش عامل حسابها هي الي منعتني إني اخبط!!
انا إزاي هدخل أواجه عائلة كاملة من الفامبيرز أغلبهم بيكرهوا البشر وانا معيش حاجة أدافع بيها عن نفسي!!
وقفت شوية أفكر أجيب إيه أدافع بيه عن نفسي لحد مالقيتها.
Leza's POV:
شنطتي علي ترابيزة كبيرة موجودة في اوضتي بحط فيها هدومي بيأس وملل، فجأة وقفت قدام خزانتي وحسيت أن عيوني هتنفجر من العياط..حاولت اتمالك نفسي بس دموعي غلبتي وبدأت اعيط وكأن قلبي المتجمد بيتحرق من جوا.
حسيت أن رجلي مش شيلاني فقعدت علي الأرض وبدأت اعيط اكتر بحرقة.
يمكن القرار الي خدته ده صح ويمكن لأ بس في الأول وفي الآخر انا عملت كدة لمصلحته.
كان لازم احميه بالطريقة دي...للأسف مفيش طريقة غيرها!! وعمري ما هعمل الي إيريك قالي عليه إني احوله.
مش هينفع اشوفه بيتعذب قدامي ويمكن مقدرش اعمل كنترول علي نفسي قدامه وأمص دمه بطريقة وحشية فيموت مني!!
انا بجد بتعذب اكتر منه دلوقتي انا حبيته بصدق من زمان ومازلت بحبه وهفضل أحافظ علي الحب ده لحد آخر يوم في عمري...هو الوحيد الي بحس ان قلبي بينبض من جديد معاه رغم ان قلبي متجمد جوايا ومبيتحركش من قرون، هو الوحيد الي رجع ضحكتي من اول وجديد..بحس معاه كأني بيبي لسة مولود وهو الي بيهتم بيا وبيحميني.
هو مرساتي ونقطة ضعفي.
فعلا زي ما قال وانا معاه بتحول لبشرية :)
بس لازم احميه المرة دي .. لازم ابعده عن أي مخاطر ممكن يتعرضلها بسببي.
كفاية الي حصله من تحت راسي.
- ليز جهزتي؟
صوت إيريك من ورا الباب قطع تفكيري فتوقفت عن العياط ومسحت دموعي وحاولت اظبط صوتي من نبرته الحزينة.
- ا..ااه ثواني وهنزل.
قلت وحطيت بقيت هدومي بفوضي في الشنطة وقفلتها بإهمال واتجهت ناحية الباب بس وقفت لحظة قبل ما افتحه.
حسيت أن قلبي رجعله النبض تاني!!
وايدي بتترعش وكأن الدم بدأ يجري في عروقي تاني.
حاجة جوايا بتقولي أن جاستن هنا.
حاسة بيه..شامة ريحة البيرفيوم بتاعه الي دايما كنت بحبه يحط منه.
أنت تقرأ
Everything Has Changed
Fanfictionالحياه مملة. خاصة عندما تكون طويلة جدآ. فهل سيأتي من يغير كل شئ للأفضل!! أم سيغيرها للأسوء!! *characters* Justin Bieber: as himself Leza: Barbara Palvin Eric : Tyler Posey
