احنا كدا ( الجزء الثانى )

الحلقه { 23 }

الحلقه { 23 }

فجر : يا رب طب انزل ادور فين انا طب فى اسكندريه ممكن لاكن هنا هدور فين

حبيبه : طب ما تنزل تشوف فى الاقسام

فجر : الاقسام انتى اصلا خلتيها تنزل ليه ؟

حبيبه : وانا مالى واحده مخنوقه من الحبسه اعملها ايه هى قالت انا خارجه تعالى معايا انا قولتلها لا عشان خايفه منك هى بقى نزلت انا مالى

فجر : بتخافى اوى انتى

يا ربي الساعه بقة 12.30

حبيبه : طب اتصل بيها تانى

فجر : مانا بكلمها مش بترد

حبيبه : اهو الجرس بيرن انا هروح افتح

نانا اتأخرتى ليه

ام فجر : يا سلام يا بت يا حبيبه دى مصر دى جميله

فجر : انتى كنتى فين خارجه من 7 ولحد دلوقتى باره كنتى فين

ام فجر : قولت انزل اتمشى شويه واتفرج على المحلات فى جامعة الدول العربيه بس ايه محلات جميله بس غاليا

فجر : يا نهار اسود امى انا تنزل شارع جامعة الدول

ام فجر : اه دا انا بسمع عنو من زمان بس والله شارع حلو مفهوش حاجه

فجر: اهدا يا فجر اهدى كده وبعدين دى امك اهدى

ماما انتى قولتى هتيجى معنا على شان حبيبه متكونش لوحدها تسبيها وتخروجى ليه ؟

ام فجر : وهو انا ليل نهار هعقد فى البيت انا زهقت طب انا هناك بنزل عند اخواتك بروح للجيران بطلع السطح لاكن هنا مفيش غير التلفزيون

فجر : ماما انا كده مش هعرف اسيطر بجد مينفعش وبعدين انتى ايه اللى جيباه ده

ام فجر : دى بيتزا جوعت وانا ماشيه داخلت لقتهم عملين عرض اشترى واحده كبيره تاخد واحده صغيره اكلت انا الصغيره وجبتلك الكبيره تكلوها هاتى طبقان يا حبيبه كل واحد ياخود حته

فجر: يا دماغى يامه

ماما بجد كده مينفعش متخروجيش لوحدك تانى افرضى توهتى

ام فجر : مين ده اللى يتوه يا واد دا انا اوديك البحر وارجعك عطشان وبعدين انا اخت تاكسى وانا رايحه وانا جايه

هتوه ازاى بقى

فجر : هى كلمه متخروجيش تانى لوحدك فهمه ولا لا

ام فجر : ( قعدت على الكنبه ورافعة رجليها على الطربيظه اللى قدمها ) لا مش فهمه ووقت ما اعوز اخرج هخروج وفرجنى بقى هتعمل ايه

فجر : يعنى مش همك منى ؟

ام فجر : ايه هتحبسنى ولا هتزنبنى تحت البطانيه ولا هتحرمنى من المصرف ؟