احنا كدا ( الجزء الثانى )

الحلقه { 27 }

الحلقه { 27 }

حبيبه : دادى الحقنى يا دادى

فجر : ( قام مفزوع ) سامح بتعمل ايه فى بنتى

سامح : انا مش بعمل حاجه مانا جنبك اهو

حبيبه : دادى الحقنى

( جرى فجر هو وسامح على الاوضه لاكن الباب مقفول ومش راضى يتفتح )

فجر : الباب مش بيفتح حبيبه افتحى الباب

حبيبه : انا خايفه منه واقف عند الباب الحقنى يا دادى شكله مرعب

سامح : مين معاكى جوا افتح يا جابان ياللى جوا انته

حبيبه : اكسرو الباب بسرعه

فجر : اكسر الباب يا سامح

( بعد ما سامح كسر الباب )

فجر : حبيبه بنتى مالك هو فين ؟

حبيبه : هناك بص

سامح : بقى بتصرخى ووالحقنى يا دادى عشان برص وابوكى كان قلبو هيقف وانا كنت هقطع الخلاف يا شيخه حرام عليكى

حبيبه : انا خايفه منه

فجر: ده دخل منين ده

حبيبه : وانا بعلق هدومى على الشماعه لقيتو خارج من ورا كده

فجر : سامح موته

سامح : انا واشمعنى انا ما تموته حضرتك

فجر : لا انا بخاف منه اصلا شكلو وحش

سامح : ( يا فافى انتى وبنتك ) طب ماشى اتفضلو باره عشان متشفوش المنظر البشع وانا بقتله

حبيبه : يا مامى

سامح : ههههههههه خايفه ده فى ناس بتاكله ده

وبعدين دا برص مش بيعمل حاجه

فجر : بس فعلا شكلو وحش

تعالى نطلع باره

حبيبه : انا مش هنام لوحدى هتنام جنبى متسبنيش يا دادى

( اخدها فجر وطلعو باره فى الصاله مستنين سامح يموت البرص )

سامح : قتلتو خلاص متخافيش عاوز مقاشه وجرنال بس عشان اشيلو بيه

فجر : هناك تحت التلفزيون

سامح : اه شوفتو خلاص متخفوش كده دا مابيعملش حاجه

حبيبه : انا بخاف من كل الحشرات

سامح : لا متخفيش مش بيعمل حاجه طب لو طلعلك فار ولا ثعبان تعملى ايه

حبيبه : هموت

فجر: بعد الشر عنك يا حببتى دا انا عايش عشانك

حبيبه : انا خايفه اوى

سامح : من ايه بقى منا قتلتو اهو؟

حبيبه : افرض بقى ليه ولاد وطلعو ينتقمو مننا ان احنا قتلنا ابوهم ؟