دخلت المطبخ اخذت كوب ووقفت قدام البراده حسيت بقشعريره تمشي بجسمي اول ما لمست المويه البارده
قربت الكاسه من فمي وجلست على طاوله الاكل ناظرت بالكاسه ورحت افكر بكل شي بحالتي الماديه الزفت وموت واهلي كلهم بحادث ولا اعمامي واخوالي اللي فجاءه ما صاروا يعرفوني
تنهدت بتعب حتى مكافأتي ما صارت تكفني وغير كذا اجار البيت يالله جدد تعبت حطيت راسي
على الطاوله ونزلت دموعي بدون وعي ناديت بالم لامي بس ما سمعتني بس ما ردت علي ولا حتى صدى صوتي كان المكان هادي بعض الانوار طافيه مسكت على قلبي صار يوجعني والله قبضت يدي وصرت اضرب صدري وتحديدا مكان صدري لعل قلبي يهدا شوي بس ما فيه امل
فجاءه سمعت صوت اختي الصغيره وهي تدخل قربت مني ومسحت دموعي وهي تبتسم مو مصدق قاعد اشوفها مديت يدي ومسكت يدها مدري هي حقيقه ولا خيال لو خيال يارب ما تتلاشى على الاقل اطيافهم لعله يخف الشوق لهم
قبضت على يدها ونطقت اخيرا
ريان:ر..رن.ننا رنا اقعدي لا تروحي بموت. طيب وين امي ووين ابوي رناا .وزادت دموعي
فجاءه دوى صوت البرق التفت بقوه للطاقه ورجعت اطالع اختفت!!
لالا مو الحين والله محتاجكم حطيت راسي على الطاوله وبدون احساس نمت وانا ابكي صح كبير ومفروض ما اسوي كذا لاكن الموت له هيبهه كسرت كل حواجز الكبرياء اهه من الموت
صحيت على ساعه المطبخ
لحضههههه وش جابني للمطبخ ؟!
جلست لحضه استوعب اهااا صح تذكرت كانت ياهه كيف ما حسيت على نفسي ظهري تكسر مسكت ظهري بالم
وقفت وحسيت بعامودي الفقري قاعد يتفكك من الالم جلست طالعت الساعه يووووههه باقي ساعه على محاضرتي ظربت جبهتي وقمت صحيح ظهري يوجعني بس د.انور مايرحم
طلعت غرفتي دورت على ثوبي وانقهرت لما شفته وصخ طلعت لي بنطلون اكره البناطيل بالجامعه تضايقني مره
ايه صح نسيت اقولكم ترى اول يوم اداوم بعد غياب 3 اسابيع تحت عذر اهلي متوفين واصلا لولا اتصال الوعميد امس كان ما داومت لاكن لازم اداوم
نفسيتي عدممم ومدري شكلي راح احضر المحاضره واطلع للبيت بسرعه وقفت قدام المرايه كنت لابس بنطلون رمادي قطني من اديداس وجكيت نفسه ورمادي وتيشيرت ابيض
كانت عيوني باين اني باكي امس طالعت بالساعه بععدد!!
احس الوقت يركض لبست نظارتي الشمسيه واخذت ملزمتي وطلعت
ركبت سيارتي الي كانت هديه من ابوي وكانت همر اف جي كحلي شكلي ببيعه واستفيد من فلوسه
تسريع الاحداث
دخلت الجامعه وخطواتي كانت سريعه وكان نظري كله موجه لقدام حسيت بنظرات الكل علي
اكيد يقولوا وش جابه ما يحترم حرمه الموت واهله لسى ما جفت قبورهم
