الحلقه { 28 }
ام حازم : يا حبيبى يا بنى افتح عملت فيك ايه
مريم : الله وهتعمل فيه ايه شوفى بقى انتى ابنك ليكون عمل عمله سوده وخايف يفتح
مازن : بس انتو الاتنين هتفضحونا تعالو نمشى
مراد : اطمن على بنتى الاول وبعد كده امشى
مازن : بابا افهم يلا نمشى بس دلوقتى
ام حازم : لا انا مش همشى غير لما اطمن على ابنى
( كل ده وحازم ونور وقفين جنب الباب وبيدعو ربنا انهم يمشو )
نور : امك دى بتخاف عليك اوى كده ليه هو انا هكلك
حازم : شفتى بقى انا اتفضحة فى العماره انا هفتح لو فضلنا كده امى هتصوت دى امى وانا عارفها
نور : طب ما انا هتكسف
حازم : انتى تتكسفى دا انا اللى منظرى زباله قدام ابوكى واخوكى
ابوكى واخوكى ايه دا انا اتسيحلى فى العماره
انا هفتح
نور : طب متقولش انى السبب قول اى حاجه تانيه
حازم : طب هقول ايه ؟
نور : يا حازم
حازم : طب وسعى عشان افتح
( فتح حازم الباب )
ام حازم : ابنى عملت فيك ايه ضربتك
حازم : لا يا ماما انا كويس مفيش حاجه
مريم : بقالنا اكتر من ساعه مفتحتش ليه
مالك يا نور يا حببتى وحشتينى
مراد : فى ايه يا حازم خضتنا حصل ايه ؟
حازم : محصلش حاجه
ام حازم : يعنى ايه محصلش دا انا من 10 الصبح وانا بخبط عليكم ومفيش صوت
مازن : اكيد كنتم نايمين
حازم : اه كنا نايمين
مريم : هو فى ايه بتبصو لبعض كده ليه ؟
نور : مفيش يا ماما
مازن : انتو مش اطمنتو يلابقى ننزل
نور : لا خليكم
مريم : تعالى يا نور جوا شويه
ام حازم تعالى معايا
نور : لا انا مش عاوزه ادخل جوا
ام حازم : طب مالكم فى ايه ؟
حازم : مفيش حاجه هيكون فى ايه ؟
مازن : طب مبروك بقى يلا يا بابا يلا يا ماما عشان نمشى
ام حازم : هو انتو عشان كده خيفين تفتحو وانا اللى فكره انها ضربتك
أنت تقرأ
احنا كدا ( الجزء الثانى )
Romanceرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
