الحلقه { 39 }
حبيبه : هو ده
منى : اه هو مليان شويه بس هو هيخس
ايمان : بزمتك يا حبيبه مش شبه احمد حلمى فى فيلم اكس لارج
منى : انتى مالك انا اخدة رئيك
ايمان : خلاص انا مالى انا احلى واحد فى عينى سون سون
منى : خليكى مع سون سون
ها يا حبيبه ايه رئيك ؟
حبيبه : حلو مش انتى بتحبيه خلاص ميهمكيش رئى الناس
منى : بس لازم برضو اعرف رئيك
حبيبه : قمر حلو اوى
منى : حاسه انك بتتريقى
حبيبه : انا لا ابدا بس لو خس يبقى افضل
منى : هو بيعمل رجيم
حبيبه : طب تمام
منى : شوفى يا تيته قمر ازاى
ام فجر : انتى اتعاميتى فى نظرك يا بت هو فين القمر ده دا قرد وبسديرى ده شبه شاويش عطيه
فاطمه : قوليلها يا ماما لسانى نشف وانا بكلمها انا وابوها
حبيبه : يعنى حضرتك يا عمتى مش موفقه ؟
وعمو شوقى كمان مش موافق ؟
فاطمه : لا مش موفقين بس نعمل ايه بقى
حبيبه : تعرفى انا لما بعوز حاجه ودادى يقولى لا خلاص بسمع كلامه عشان هو بيعرف اكتر منى
منى : فى ايه يا حبيبه انتى جايه تقوميها عليه ولا ايه ؟
حبيبه : انا لا انا بتكلم عليا انا دا حتى الدكتور كمان طلبنى تانى ودادى قل لا طب هقولك حاجه تفها
طب اسئلى نانا دا حتى التلفزيون لما بيقولى متفرجش على برنامج او فيلم مش بيحبه مش بشوفه صح يا نانا
ام فجر: هو فى زيك دا يا بخته اللى هيتجوزك
منى : اه هيمشيها زى الخروف ملهاش شخصيه
حبيبه : شفتى يا عمتو بتقول عليه خروف
فاطمه : وانتى عارفه يعنى ايه خروف ؟
حبيبه : اه طبعا انا اعرف يعنى بالانجليزى شيب وكمان انا اكلت راسو مره وعنيه ولسانو وكمان المومبار بتاعو
فاكره يا نانا اليوم اللى هو كان دادى فى المستشفى وخارجة مع البنات ؟
ام فجر : اه فكره
منى : خلاص بقى
وانتى اخبار صحباتك البنات ايه فى واحده منهم اتخطبت ولا حامل ولا حاجه
حبيبه : لا هو فى 2 اتخطبه اسماء وهاجر
وفى واحده منهم حامل فى الشهر 2 تقريبا
أنت تقرأ
احنا كدا ( الجزء الثانى )
Romansaرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
