احنا كدا ( الجزء الثانى )

الحلقه { 41 }

الحلقه { 41 }

( وهما راجعين فى العربيه على القاهره وفجر جالس جنب حبيبه وره افتكر الحكايه اللى فكرتو بيها منى لما كانو بيتكلمو هو ورانيا وندى )

فجر : الساعه 11 يلا بقى عشان نروح

رانيا : طب مانبايت هنا وخلاص

فجر : نبايت هنا فين ؟

ام فجر: خليك ادخل نام فى اوضت اخواتك جوا ماهى فاضيه

رانيا : لا احنا هنطلع فوق

ندى : مش المفروض انهارده الخميس بتيجى تباتى مع ابنك دا طول الاسبوع مشفكيش

رانيا : ممكن تخليكى فى نفسك

ندى : طب انتو هتباتو فوق فين مفيش غير سيريرى وكنبه صغيره والباقى كراسى بلاستك

رانيا : انا وفجر فى الاوضه وانتى على الكنبه

فجر : لا احنا هنروح يلا قومى

رانيا : حبيبى والله ما قادره ونعسنا اوى عاوزه انام بقى يلا نطلع

فجر : هو 10 دقائق ونروح شقتنا يلا

رانيا : الله يا فجر عاوزه اكون هنا

ام فجر: خلاص اطلع انته وهى وسيب ندى هنا تبايت جنبى فى حضنى متخفش عليها

فجر : لا مش موضوع خوف بس

ندى : لا يا ماما هو مش خايف عليا هو تلقيه بس عاوز يكون مع رانيا برحتو

فجر : ايه برحتو دى متتكلمى كويس

ندى : حاضر هتكلم كويس

بس انا بقى محبش حد ينام مكانى

رانيا : مره واحده يا ندى متبقيش رخمه بقى

ندى : فجر متعملش فيه كده

فجر : انا عملتلك ايه دلوقتى

رانيا : يلا بقى انا تعبانه عاوزه ارتاح مش معاك المفتاح فوق ؟

فجر : اه معايا

رانيا : طب يلا نطلع

( ورانيا اخدة فجر وطلعة بيه فوق )

ندى : ( كده بردو يا فجر حرام عليك والله حرام ) ماما انا طالعه عاوزه منى حاجه

ام فجر : خليكى هنا متطلعيش

ندى : لا هطلع معلش عوزه حاجه منى ؟

ام فجر : هيحصل مشاكل يا ندى خليها عليكى المرادى معلش

ندى : ما هى عليه على طول يا ماما بقالو 3 شهور متجوز ومجاليش ولما جالى جايبها معاه وكمان هيبيتها فى سريرى انا اعمل ايه دلوقتى ؟

ام فجر: معلش هى بتغيظك متديهاش الفرصه

ندى : لا هديها الفرصه وهطلع اشوفهم بيعملو ايه