احنا كدا ( الجزء الثانى )

الحلقه { 50 }

الحلقه { 50 }

سامح : تجوزيها مين ان شاء الله

حبيبه : خالو جلال هو مش متجوز وكمان مش عندو عيال يعنى هيبقى فرحان بالعيال دى اوى

سامح : يا سلام وانتى مين قالك ان بابا جلال هيوافق يتجوزها

حبيبه : وميتجوزهاش ليه مش احسن ما دادى يتجوزها هو احسن

سامح : بس يعنى لا مينفعش وهو مش هيقبل

حبيبه : ليه بقى مش هيقبل ؟

سامح : سيبك من بابا دلوقتى اصلا رحمه دى متنفعش تتجوز دلوقتى لازم يعدى 3 شهور على العده

حبيبه : عدة ايه ؟

سامح : هار اسود يا بنتى انتى بتدرسى ايه نفسى اعرف ولا كنتى عايشه فين فى المريخ انتى مش عارفه حاجه فى اى حاجه كده

حبيبه : متزعقش واتكلم براحه انا مش عارف ليه تستنى 3 شهور ؟

سامح : دى شهور عده عشان لو حامل تعرف فا متتجوزش وكمان فرصه عشان جوزها اللى طلقها يرجع فى كلامه ويردها تانى فهمتى ؟

حبيبه : طب واشمعنى 3 شهور القانون بيقول كده

سامح : لا ربنا اللى بيقول كده مكتوب فى القرءان كده

حبيبه : يعنى لسه 3 شهور طب ما دى فرصه حلوه نقنع خالو انه يتجوزها قدمنا فرصه

سامح : بابا مش هيتجوز

حبيبه : ليه بس ؟

سامح : اهو كده وخلاص

حبيبه : ملكش داعوه انا هقنعو

سامح : انتى حره

حبيبه : خلينا فى نفسنا بقى

انا

انا

سامح : انتى ايه ؟

شكلك عملتى مصيبه ؟

حبيبه : لا هى مش مصيبه اوى

هو بس نانا عرفت ان انا وانته بنحب بعض

سامح : طب ودى مصيبه ؟ كويس انها عرفت

حبيبه : لا ما هو اصل انا كنت مفهماها انك سماح وكمان كانت فكره انك اسمك سامى فا هى دلوقتى تعرف كل حاجه

وكمان مش موفقه ان احنا نتجوز

سامح : عادى انا متوقع كده

حبيبه : يعنى ايه عادى

سامح : هو انتى فكره ان ممكن بنت دكتور فجر قاسم هيرضى يجوز بنته لسواق

حبيبه : وايه يعنى مش شغل شاريف

سامح : مش كل الناس بتفكر زيك

انا هتقدملك مره واتنين وتلاته واربعه وفين وفين لما ابوكى يرضى بيه