الحلقه { 53 }
حبيبه : شوفى جبتلك ايه يا رب يعجبك يا رب
منى : ايه ده فستان فرح
حبيبه : انا قولت ايه اكيد اكيد لسه منزلتيش جبتى فستان الحق انا بقى واجبلك واحد اخر شياكه ايه رئيك ؟
منى : مين قالك انى ماجبتش فستان لسه ؟ ( وباصت لجدتها ام فجر )
حبيبه : بالدماغ كده لسه بتفرشو وكمان لسه مخلصه امتحنات الميد تيرم فا اكيد لسه مجبتيش قولت ايه بقى يا عمتو انا خلصت امبارح انزل واجيب واحد انهارده وجيت على طول عشان كده مجتش من الصبح عقبال ما نقتو والله احلى واحد فى المعرض عند نادين
فاطمه : بس ده غالى اوى يا حبيبه ؟
حبيبه : ميغلاش على منى اختى الكبيره
ايمان : يا بنت الايه يا حبيبه لا بقى انا عاوزه واحد زيو انا كمان فرحى شهر 7 وعاوزه واحد بس انا اللى اختارو
حبيبه : بسيطه انتى تعالى معايا وتعالى المعرض عند نادين دى عندها حاجات تحفه والله المعرض جميل
كوثر : لا الفستان حلو اوى يا حبيبه تسلمى يا حببتى
حبيبه : الله يسلمك
ام فجر: انتى مال عنيكى يا حبيبه ؟
حبيبه : اه وارمه شويه من العياط امبارح ساعتين بعيط
ايمان : ليه خالو ضربك
حبيبه : لا هو يا ريتو كان ضربنى ومكنش عمل اللى عملو دا نشف دمى والله يا نانا
منى : ليه عمل ايه ؟
حبيبه : رجع البيت بليل لقى سيبا فى وشو وهو ميعرفش ان سيبا بتعتى فا فتح الباب وخرجها
وبعد لما عرف انها بتعتى قالى انو خرجه فضلت انا وهو ندور على السلم وملقتهاش
ام فجر: وبعدين لقتيها ازى ؟
حبيبه : طلع ولاد راحمه شافوها واخدوها رحمه لما سمعتنى عماله اعيط على السلم فتحت الباب تشوف فى ايه ولما قولتلها قطتى ضاعت قالتلى العيال لقو قطه وبيحموها
دخلت جارى والعيال ذلونى عقبل ما ادهانى تانى
منى : هههههههههه عملو فيكى ايه ؟
حبيبه : هنا اخدت منى 3 عرايس
ام فجر: 3 غير اللى اخدتها قبل كده ؟
حبيبه : اه وغير ال 3 اللى قصت شعرهم
ايمان : ليه انتى عندك كام عاروسه ؟
حبيبه : لا كتير بصى متصوره معاهم سيلفى
ايمان : ياااه كل دى عرايس خالو هو اللى جايبهملك ؟
حبيبه : لا طبعا دى نادين
فاطمه : وليه لا طبعا هو مكنش بيجبلك لعب وانتى صغيره ؟
أنت تقرأ
احنا كدا ( الجزء الثانى )
Storie d'amoreرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
