الحلقه { 57 }
ام فجر: ها عملت ايه ؟
فجر : "
"
"
ام فجر : ما ترد عملت ايه ؟
فجر : ( وهو باصص فى الارض ) معملتش حاجه ومش هعمل حاجه
ام فجر : كده
فجر: انا معملتش حاجه غلط عاوزه تدخلى تقولى لحبيبه ادخلى قوليلها
ام فجر : يعنى مش همك منها ؟
فجر : انا عارف ان جوازى من رانيا غلط بس انا مش هصلح غلط صغير بغلط اكبر واطلقها من غير سبب
ام فجر: ماشى يا فجر ماشى
فجر : هتعملى ايه ؟
ام فجر : ملكش دعوه زى مانته حر انا كمان حره
فجر : بس خلى بالك الامتحنات خلاص اقل من 30 يوم لو حبيبه عرفت حاجه هيقصر عليها وذنبها هيبقى فى رقبتك انتى
ام فجر: ماشى يا فجر بس من انهارده لسانك ميجيش على لسانى
**** ( بقلم هند محمد @isis Mohamed ) ****
فجر : حببتى بتعملى ايه ؟
حبيبه : بذاكر
فجر: طب انا فاضى دلوقتى عوزانى اشرحلك ايه ؟
حبيبه : مش هعطلك يعنى ؟
فجر : لا يا قلبى وحتى لو هتعطلينى انا عندى كام حبيبه هى وحده بس
حبيبه : ههه يا حبيبى يا دادى ربنا يخليك ليا
فجر : يلا بقى نذاكر
**** ( بقلم هند محمد @isis Mohamed ) ****
( وبعد كام يوم )
حبيبه : مالك يا نانا زعلانه ليه كده ؟
ام فجر : ابوكى أتـأخر صح
حبيبه : الساعه 11 زمانه جاى
ام فجر : اليومين اللى فاته كان بيجى بدرى على 9 بالكتير بيكون فى البيت
حبيبه : اكيد فى المكتب
ام فجر: هو خالك كل ده بيقضى شهر عسل
حبيبه : اها بقى ما صدق اتجوز وهو ونادين بيلفو مصر كلها
ام فجر: ازاى بيلفو مصر
حبيبه : فى الاول راحو الاقصر بعد كده راحو اسوان وهما فى اسوان لقو شركة سياحه بتعمل رحلات سياحه داخليه بتلف مصر كلها فى شهرين كل محافظه 5 ايام او 3 ايام مش عارفه
ام فجر : يعنى هو خالك فين دلوقتى ؟
حبيبه : لما كلمته الصبح كانه هيمشه من الفيوم وطلعين على البحر الاحمر
ام فجر: فايقين يا ختى
حبيبه : لا بجد يا نانا انتى مالك بقالك كتير زعلانه فى ايه ؟
أنت تقرأ
احنا كدا ( الجزء الثانى )
Romansaرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
