احنا كدا ( الجزء الثانى )

الحلقه {62 }

الحلقه {62 }

فجر : مالك فى ايه ؟

سامح : ( وقع على الارض )

حبيبه : ( وهى بتصرخ ) سامح مالك فوق رد عليا سامح الحقو يا دادى

فجر: طب اهدى بس هوديه المستشفى اهدى واوطى صوتك احنا فى الشارع

يا رامى يا رامى

رامى : ايوه يا دكتور مالو

فجر: مش عارف كان كويس وفجئه قالى فى مغص ودايخ وراح واقع ارفعو معايا على الكنبه وراه عشان انقلو المستشفى

رامى : حاضر اهدى يا انسه اكيد مبلبع حاجه ربنا يستر على ولدنا

حبيبه : متقولش عليهم كده سامح مش بيبلبع حاجه

سامح رد عليا ربنا يخليك

( بعد ما رامى وفجر رفعو سامح على الكنبه ورا )

فجر : اطلعى انتى فوق انا هوديه المستشفى انا

حبيبه : لا انا هاجى معاك

فجر : قولت اطلعى

حبيبه : لا مش هسيبه هو مالوش حد غيرنا مش هسيبه

فجر : طب اركبى بسرعه

**** ( بقلم هند محمد @isis Mohamed ) ****

( بعد ما راحو المستشفى اللى كل مره بيروحوها )

كرم : الله انتى تانى ما الدكتور ساليم اهو

فجر : لالا دا السواق تعب فجئه

كرم : اها اللى هو سيكا ؟

حبيبه : هو كل مره تفضل تتكلم ما تدخل تشوفه ماله دا بيموت وبعدين هو مفيش دكتور هنا غيرك

كرم : عشان تعرفى بس انى مسيطر على المستشفى هههههههههه مش اى حد يا بنتى

اجبلكم حاجه تشربوها

فجر : نشرب ايه ادخل شوف سيكا ماله

كرم : متقلقش هيكون مالو ارتاح انته بس

المهم عملت ايه فى الموضوع اللى كلمتك عنه

فجر: هتدخل تشوف سيكا جرالو ايه ولا اخده وامشى

كرم : خلاص داخل متقلقش

والله انا بفكر اعملكم اشتراك فى المستشفى دانتو كل كام يوم عندنا هههههههه

فجر : الواد بيموت جوا ادخل الحقه

كرم : مفيش حد بيموت ناقص عمرو يا دكتور فجر

فجر : لا اله الا الله

حبيبه : لا فى ناس بتموت ناقصه عمرو تحب اوريك ؟

كرم : ماشى يا فتاكت هدخول اشوفو مالو

( ودخل كرم يشوف سامح )