احنا كدا ( الجزء الثانى )

الحلقه { 68 }

الحلقه { 68 }

فجر : ( قاعد لوحدو فى اوضت نومو وعمال يفكر ) يا ترى ندى خانتنى ولا لا

انا خونت حبها ليه وسبتها كتير اكيد

لا هى متعملش كده

انا هتجنن من التفكير ومش صابر نتيجت التحليل

يوووو بقى طب اعمل ايه اتئكد من مين بس

اه انا جاتلى فكره انا عرفت هعرف الحقيقه منين من مذكرات ندى اللى كانت بتكتبها اكيد كتبه كل حاجه حصلتلها ولو خانتنى اكيد كاتبه

بس هما فين المذاكرات , اكيد فى الشنطه الله فوق الدولاب

( قام فجر وجاب الشنطه وفتحها )

الحمد لله المذكرات اها يا سلام عليكى يا ندى طول عمرك مرتبه عامله كل سنه اجندة الحمد لله مش هدور كتير

هى بدائة تكتب المذاكرت بعد ما السحلفه ماتت

يعنى اول اجنده 1992 هى فين

الحمد لله اهم

1992 اشوفها كده كتبه عندى ايه

ايه ده كل ده ورق فاضى

اهو اول يوم كاتبه

<< انا نادره انا اول مره اكتب مذاكراتى والصراحه دى فكرة نادين صحبتى هى اللى قالتلى اكتب يمكن ارتاح من اللى جوايه ومن اللى حسه بيه بعد ما كوكو ماتت

انا كتير بحس انى مخنوقه انا دلوقتى يوم 25/5/1992 اول صفحه اكتبها انهاردا محصلش حاجه زى كل يوم صحيت روحت الورشه ورجعت عملت الاكل ومستنيه فجر لما يجيلى مع انو وعدنى يجى بدرى بس الساعه 8 ولسه مجاش

يا رب يجى بسرعه انا خيفه لوحدى >>

فجر : ايه ده انا هقرا ده كلو دى كاتبه كل يوم بيومه

دى كانت فاضيه بقى

فين الباقى انا عاوزالسنه اللى فيها اتجاوزت عليها كانت كام ؟

احنا رجعنا 1994 فين بقى

1993

1994

1995 احنا رجعنا 95 اه انا فاكر احنا سافرنا 1991 يبقى رجعنا وكان فى اخر الصيف فى بدايت الشتا 1995

1995 انا بقى اتجوزت عليها بعد ما رجعنا ب 6 شهور فى شهر يبقى 1996

فين بقى 1996

ايه ده هى فاضيه ليه لحد شهر 10 اومال من اول السنه فين

<< ندى : انهارده 17/12/1996 انا دورت كتير على الاجنده اللى كنت بكتب فيها من اول السنه ملقتهاش تقريبا انا نستها فى شقتى اللى فوق السطوح او عند مدام اللزا مش فكره انا بقالى كتير مكتبتش بس الحمد لله انى مش لقيها كان فيها ايام كتير وحشه وليالى مرت عليه صعبه المهم حصلت حاجه غريبه انهارده