احنا كدا ( الجزء الثانى )

الحلقه { 72 }

الحلقه { 72 }

فجر : حبيبه ردى عليا

انا بحبك

طب اقولك على حاجه تفرحك

مش انتى بتحبى سيكا ؟

انا موافق انك تتجوزيه

وهجبلك كمان فستان فرح وهعملك فرح

حبيبه : ( ساكته وبرضو مسهمه )

فجر : ها قولتى ايه موفقه انك تتجوزى سيكا ؟

حبيبه : ( ساكته وبرضو مسهمه )

جلال : رودى علينا يا حببتى متخفيش انا خالو حبيبك

نادين : يلا قومى عشان تختارى فستان فرحك من المعرض

حبيبه : ( ابتسمت ابتسامه خفيفه وحركت عنيها ناحيت سامح )

فجر : الحمد لله حركت عنيها

قولى حاجه بقى طمنينى عليكى

نادين : اكيد ضربك ليه وكلامك ليه صدمها منك لله يا فجر منك لله

فجر : انا مش هرد عليكى عشان حبيبه مش فايقلك دلوقتى

سامح : ( قرب منها اكتر ومسك اديها المتغطيه بالملايه ) حبيبه موفقه تتجوزينى ؟

فجر: اوعى ايدك دى متمسكهاش

حبيبه : ( دماعت ) ااااااااا اااااااااا

فجر: ايه مالك عاوزه يمسك ايدك

طب خلاص امسك

سامح : اخر كلام امسك ؟

فجر: اتنيل ( غصب عنى ما انا اللى غلطان )

سامح : يلا يا حببتى اتكلمى بقى علشان نتجوز ونجيب ولاد كتير

ام فجر : خودوها منى دى محسوده وسع لما ارقيها وسع انته وهو

( قربت منها وكلمتها فى ودنها ) اوعى تتحركى او تتكلمى ابوكى بيحيلك بس عشان تتكلمى لو اتكلمتى مش هيجوزك ولا اى حاجه خليكى كده لحد ما نكتب الكتاب

فجر : كل ده بترقيها؟

ام فجر: عين والله عين وحسدتها

( داخل كرم يشوفها ويطمن عليها )

كرم : صباح الخير اخبارك ايه النهارده

حبيبه : ( سكته برضو )

كرم : هى فطرت ولا لسه ؟

ام فجر : دى يا قلبى من امبارح ماكلتش

كرم : لا كده ماينفعش عشان كده اضغط واطى

لو استمرتى على كده هركبلك محلول

فجر : طب نجيب اكل ونجرب نأكلها

كرم : يا ريت

لازم تاكل عشان كده مش تمام