الحلقه { 77 }
ام فجر : صباح الخير يا فجر
فجر: ( من غير نفس ) صباح النور
ام فجر: مالك فى ايه ومش لابس ليه مش عندك محكمه ؟
فجر : فى محامى هيئجل القضيه مليش نفس اخرج من البيت
ام فجر : ليه طيب ما تنزل تشوف اكل عيشك يابنى وشوف مصلحتك انته هتفضل كده فى البيت ؟
فجر : مليش نفس اعمل اى حاجه والكلبه من امبارح مكلمتنيش
ام فجر : اها قول بقى كده , يابنى دى مع جوزها وفرحانين ببعض اكيد دلوقتى بيبلبطو مع بعض
فجر : ماما انتى تعرفى هما فين ؟
ام فجر: اعدم نظرى لو اعرف
فجر : اومال عرفتى انهم بيبلبطو منين ؟ اكيد انتى تعرفى
ام فجر: بالمخ كده عاريس وعاروستو فى شهر العسل هيكونو فين ؟
فجر : ايوه بقى شغلى الخيال بتاعك وقولى هيكونو فين ؟
ام فجر: ممكن يكونو فى شارم , او الغردقه , او العين السخنه , او مارينه اهو اى حته فيها بحر
فجر: طب انا عاوز اعرف فين بالظبط
ام فجر : تحب اعرفلك ؟
فجر: ابوس ايدك
ام فجر: وتخودنى احج معاك السنادى
فجر : حاضر
ام فجر : طب استنى
هو الرقم راح فين كان معايا
فجر : رقم ايه حبيبه وسامح الاتنين مقفولين
ام فجر: لا الرقم بتاع سماح
فجر: سماح وانتى هتكلمى سماح ليه هى مالها ؟
وبعدين دى كانت اقرب واحده لحبيبه بتقعد تكلمها ل 3 و 4 بليل ازاى ماجتش الفرح ؟
ام فجر : ههههههههه لا ما اصل انته متعرفش اصل سماح هى سامح
فجر : سماح هى سامح ؟
ام فجر : ههههههه اه
فجر : ( بصوت عالى واحساس بخاديعه ) انا طرطور انا ايه ؟
ام فجر : طرطور
**** ( بقلم هند محمد @isis Mohamed ) ****
حبيبه : تعلى ننزل البحر بقى
سامح : لا مش بعرف اعوم
حبيبه : انا بعرف تعالى بقى انا همسكك
سامح : يا شيخه ورحى انتى عارفه تمسكى نفسك
حبيبه : عاوزه انزل البحر يا سامح
سامح : انا بخاف منه بصى انا قاعد كده وحاسس انى مخنوق بس قاعد عشانك خلينا قعدين كده وخلاص
أنت تقرأ
احنا كدا ( الجزء الثانى )
Romanceرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
