صوت خبط جامد علي الباب قطع كلام ليز.
راحت فتحت كان ايريك.
قلبي اطمأن لما لاقيته هو مش والدها.
- ليز لازم تنزلي تحت بسرعة.
قال بتوتر وقلق.
- ليه فيه ايه؟!
سألته ليز بفضول.
- أعتقد أنك لازم تشوفي بنفسك لأن الموضوع مش هيعجبك ابدا.....وحاولي تتخلصي من جاستن بأي طريقة دلوقتي.
سكتت ليز شوية وفضلت باصة ل إيريك عرفت أنها بتقرأ أفكاره وعرفت إيه الي تحت.
- مستحيل!! هما تحت!!؟
مين دول الي ليز تقصدهم!! أهلها ولا ناس تانية!!
إيريك مردش واكتفي ب هز رأسه ب "اه"
ليز جريت عليا بسرعة بعنين قلقانة.
- جاستن أمشي دلوقتي ونبقي نكمل كلامنا بعدين.
دفعتني ناحية الشباك.
- طب هو في ايه؟!
قلت وهي مازالت بتدفعني لحد ما وصلت للشباك.
حطيت رجل برا الشباك والتانية لسة جوا اوضتها.
- مفيش وقت اشرحلك...يومين كدة وقابلني في المكان بتاعي.
غمزتلي وطبعت قبلة خفيفة علي شفتاي فأبتسمت وهي بادلتني الابتسامة بس حاسس أن في حاجة مخلياها قلقانة هي كمان.
- ماشي..بحبك.
ابتسمت وقالت.
- طيب يالا نط بسرعة.
ضحكت علي كسوفها لما قلتها بحبك، بعدها سحبت رجلي التانية لبرا الشباك فكانت ماسكة أيدي عشان تساعدني اني أنط.
ف بصيتلها وقلت وانا علي حافة السقف المنحدر الي قدام شباكها.
- ليز اوعديني انك هتيجي في المكان بعد يومين!!
- اوعدك...يالا بقي نط.
ابتسمت مجرد اني سمعتها بتوعدني :)
نطيت براحة لأن المسافة قريبة شوية من الأرض.
ركبت عربيتي وانا بفكر إيه الي خلي ليز و إيريك يتوتروا كدة!!
ممكن يكون والدها كان طالع يقتلني عشان كدة إيريك طلع ينبهها !!
مش عارف بجد.
بس المهم أنها وعدتني أنها هتيجي في المكان بتاعها بعد يومين...معني كدة أنها مش هتمشي انا فرحان اوي.
مشيت بعربيتي ناحية بيتها وبصيت عليه شوية أغصان الشجر المحروقين علي باب البيت والراديو الي كنت مسجل عليه أصوات ناس كأنها بتتخانق.
ضحكت علي ذكائي الخارق أن بحاجات بسيطة خليت والد ليز يخاف xD
هاهاها كم انا ذكي x"D
ضحكت علي هبلي ودوست بنزين زيادة وانطلقت علي بيتي.
*بعد يومين*
ركنت عربيتي قبل حافة الجبل بشوية المكان المفضل عند ليز.
مشيت لحد ما وصلت للمكان لقيتها قاعدة هناك مركزة في البحر.
اتسحبت من وراها ولسة هخضها ...
أنت تقرأ
Everything Has Changed
Fanficالحياه مملة. خاصة عندما تكون طويلة جدآ. فهل سيأتي من يغير كل شئ للأفضل!! أم سيغيرها للأسوء!! *characters* Justin Bieber: as himself Leza: Barbara Palvin Eric : Tyler Posey
